Thread by @SriManSG

#Thread #PleaseRead A job experience from a #SecurityGuard work!
இந்தப் பதிவைப் பார்த்ததும் சிலர், அவருடைய பெயரைக் குறிப்பிட்டிருக்கலாம், பிறந்தநாள் செய்தியை கேக்கில் எழுதியிருக்கலாம் என்று எழுதியிருந்தார்கள். கார்ப்பரேட் நிறுவனங்களில் உள்ள செக்யூரிட்டிகள் நிறுவனத்தின்

நுழைவாயிலில் உள்ள ஒரு சிறிய அறையில் அமர்ந்திருக்கலாம். ஆனால் சிறிய/நடுத்தர நிறுவனங்களில், பாதுகாப்பு ஊழியர்கள் நுழைவு வாசலில் நின்று அல்லது உட்கார்ந்து, ஊழியர்களுக்கு கதவைத் திறந்து காலை வணக்கம் சொல்ல வேண்டி இருக்கும்.

ஒரு ஃப்ளாஷ்பேக்: பல வருடங்களுக்கு முன்பு ஒரு செமஸ்டர் விடுமுறையில், நான் Dyanora சர்வீஸ் சென்டர் அடையாரில் 1.5 மாதங்கள் செக்யூரிட்டியாகப் பணிபுரிந்தேன். கீழே Woodlands ஹோட்டல் இருக்கும். ஒரு மாதம், நான் பஸ் பாஸைப் பயன்படுத்தினேன், மீதி 15 நாள் என் அப்பா பாஸை நீட்டிக்க முடியாது

என்று சொன்னதால், அயனாவரத்திலிருந்து அடையாருக்கு சுமார் 15 கிமீ சைக்கிளில் செல்ல வேண்டியிருந்தது. அந்த ஆபீஸில் அப்போது சுமார் 15க்கும் குறைவான Staffs பணிபுரிந்தனர். எல்லாரும் நடுத்தர வர்க்கத்தை சேர்ந்தவங்கதான். நான் நுழைவாயிலில் ஒரு டேபிள் சேர் போட்டு அமர்ந்திருப்பேன்,

கதவைத் திறக்க வேண்டிய அவசியமில்லை, ஆனால் ஊழியர்கள் அலுவலகத்திற்கு வரும்போது எழுந்து நிற்க வேண்டும், நான் காலை வணக்கம் சொல்ல வேண்டும். சில லேடீஸ் ஸ்டாப் என்னிடம் சொல்வார்கள், தம்பி நீ சின்ன பையனா இருக்கே எதுக்கு இந்த வேலைக்கு வந்தேன்னு கேட்டாங்க, நல்லாவும் பேசுவாங்க. நீ எழுந்து

நிற்க வேண்டாம்னு சொல்லிடுவாங்க. ஆனால் ஒரு சில ஜென்ட்ஸ் ஸ்டாப் அலுவலகத்திற்குள் நுழையும்போதும், வெளியே வரும்போதும் நான் நிற்கனும், எழுந்து காலை வணக்கம் சொல்லணும்னு எதிர்பாத்தாங்க. எழுந்துக்கலன்னா, என்ன உக்காந்துட்டு போகத்தான் இங்கே வேலைக்கு வந்தியான்னு கேட்பாங்க, நார்மலாவே

பேசமாட்டாங்க. ஆனா அவங்க கொடுக்கற எல்லா வேலையும் செய்துடுவேன். அந்த 1.5 மாத வேலை எனக்கு வாழ்க்கையில் சில விஷயங்களைக் கற்றுக் கொடுத்தது. 1. ஒருவரின் வேலை / பதவியை மட்டும் பார்க்காம நாம் எவ்வாறு மக்களை மதிக்க வேண்டும். 2. பணம் சம்பாதிக்க பெற்றோர்கள் எப்படி கடினமாக உழைக்கிறார்கள் என

புரிந்தது. 3. வாழ்க்கைக்கு பணம் முக்கியம்னாலும் நேர்மையா சம்பாதிப்பது முக்கியம் என புரிந்தது. 4. அதைவிட மனிதர்கள் முக்கியம் என புரிய வைத்ததது.அந்த வேலைக்கு என்னுடைய சம்பளம் 800 ரூபாய். 800 ரூபாய் சம்பாதிப்பதற்காக சுமார் 26 நாட்கள் உழைத்தேன், 400 ரூபாய் (அரை மாத சம்பளம்)

சம்பாதிப்பதற்காக 15 நாட்கள் சைக்கிள் ஓட்டினேன். 15 km சைக்கிள் ஓட்டிட்டு போனா அப்படியே வேர்த்து ஊத்தும். போய்ட்டு டிரஸ் மாத்திட்டு சேரில் உட்காருவேன்.
அந்த சம்பளம் அதுவே என் வாழ்க்கையில் நான் பெற்ற முதல் சம்பாத்தியம் மற்றும் என் வாழ்க்கையில் மிகவும் மகிழ்ச்சியான தருணங்களில்

ஒன்றாக அமைந்தது. அந்த வேலை முடித்த பிறகு என் அப்பா மீது மிகுந்த மதிப்பு வந்தது. என்னுடைய வேலை கடைசி நாளில் நானும் என் அப்பாவும் நேராக திருப்பதிக்கு அப்போது என் அப்பா வாங்கி இருந்த செகண்ட் ஹேண்ட் பைக் ஹோண்டா எக்ஸ்புளோரர் மூலம் சென்றோம்.
இது ஏன் சொல்லலாம்னு தோணிச்சுன்னா,

அந்த செக்யூரிட்டி ஊழியருக்கு கேக் வாங்கி கொடுத்தது அந்த ஒரு நாள் அவருக்கு சந்தோஷமா இருக்கலாம். ஆனால் தினமும், அவரை மதித்து நடந்து கொண்டால் போதும்., மேலும் சந்தோஷமா உணர்வார். Respect everyone in Job.

Thanks for taking time and reading this!