#ஸ்ரீகிருஷ்ணன்கதைகள் ஒரு ஊரில் விஷ்ணுபக்தர் ராகவன் என்பவர் வாழ்ந்து வந்தார். அவர் தினமும் தன் தோட்டத்தில் உள்ள துளசியை மாலையாகவும் பூக்களை வைத்து அர்ச்சனை செய்வதும் வழக்கம். சில பூக்களே தோட்டத்தில் இருந்தாலும் சரி அவற்றைப் பறித்து அர்ச்சனை செய்துவிடுவார் ராகவன். ஒரு நாள் புயலுடன 
கூடிய பலத்த மழை ஏற்பட்டது. அர்ச்சனை செய்ய பூக்களை பறிக்க தோட்டத்துக்குப் போனால் புயலின் காரணமாக அனைத்து பூக்களும் நாசமடைந்திருந்தன. சரி துளசியை கொண்டாவது அர்ச்சிக்கலாம் என்று எண்ணி துளசி பறிக்க சென்றார் ராகவன். அதில் உள்ள இலைகளும் சில உதிர்ந்திருந்தன. அதில் உள்ள துளசி இலைகளை
வைத்து மாலை மட்டுமே கட்ட இயலும். அர்ச்சனை செய்ய என்ன செய்வதென புரியாமல் மிகவும் வேதனைப் பட்டார். ராகவன் வீடோ தனித்திருந்தால் உதவி கேட்க கூட சிறிது தூரம் செல்ல வேண்டி இருக்கும். மழையும் புயலும் நிற்காமல் பெய்து கொண்டே இருந்ததால் அதற்கும் வழியின்றி தவித்து கொண்டிருந்தவர் அருகில்
உள்ள ஒரு மரத்தின் அடியில் இயலாமையை எண்ணி சோகமாக நின்றார். தன்னால் அர்ச்சனை செய்ய முடியாமல் போய் விடுமோ என்று எண்ணி நாராயணா நாராயணா என்று அரற்றினார். அப்போது வீசிய காற்றின் காரணமாக மரத்தில் இருந்த இலைகள் உதிர ஆரம்பித்தன. அப்போது அவருள் ஓர் உதயம்! இந்த இலைகளை வைத்து ஏன் அர்ச்சனை
செய்ய கூடாது என்று உடனே மரத்தில் உள்ள இலைகளை வேகமாக பறித்து மடமடவென வீடு சென்றார் ராகவன். அப்போது இறைவனிடம் பூக்கள் இல்லாததற்கு மன்னிப்பை கோரி துளசி மாலையை அணிவித்து பின் நாராயணன் நாமத்தைச் சொல்லி ஒவ்வொரு இலையாக பகவானுக்குச் சமர்ப்பித்தார். அப்போது நடந்த ஆச்சர்யத்தில் பக்தனின்
கண்களில் மகிழ்ச்சியில் ஆனந்தக் கண்ணீர் சுரந்தது. ஆம் அந்த இலைகள் அனைத்தும் புஷ்பமாக மாறிப் போயின. பகவானின் அன்பை கண்டு அவர் பாதங்களை நமஸ்கரித்தான். பகவான் #கீதையில்
பத்ரம், புஷ்பம், பலம், தோயம் யோ மே பக்த்யா ப்ரயச்சதி|
ததஹம் பக்த்யுபஹ்ருதம் அச்நாமி ப்ரயாத்மன: ||
என்கிறார்.
பத்ரம், புஷ்பம், பலம், தோயம் யோ மே பக்த்யா ப்ரயச்சதி|
ததஹம் பக்த்யுபஹ்ருதம் அச்நாமி ப்ரயாத்மன: ||
என்கிறார்.
பகவான் ஸ்ரீ விஷ்ணு நம்மிடம் பணமோ பொருளோ வேண்டுவதில்லை. அவன் தருவதை தான் நாம் வைத்திருக்கிறோம். அவன் நம்மிடம் பார்ப்பது தூயமனம், அன்பு மற்றும் பக்தியையே. தூய மனம் மற்றும் அன்போடு காய்ந்த இலைகளை சமர்பித்தாலும் அவன் பூமாலையாக ஏற்கிறான். என்ன தான் தீயவனாக இருந்தாலும் மனம் வருந்தி
அன்பு மற்றும் பக்தி செலுத்தினால், அதை ஏற்கும் இறைவனை போன்ற அன்பாளர் வேறு யாராகவும் இருக்க முடியாது. எனவே உலக சுகங்களில் மட்டுமே மூழ்காமல் இறைவனை தூய மனத்தோடு வணங்குவோம் .
ஸ்ரீ விஷ்ணுவின் அன்பை பெறுவோம் .
ஓம் நமோ ஸ்ரீமந் நாராயணாய
சர்வம் ஸ்ரீ கிருஷ்ணார்ப்பணம்🙏🏾
ஸ்ரீ விஷ்ணுவின் அன்பை பெறுவோம் .
ஓம் நமோ ஸ்ரீமந் நாராயணாய
சர்வம் ஸ்ரீ கிருஷ்ணார்ப்பணம்🙏🏾
• • •
Missing some Tweet in this thread? You can try to
force a refresh
