Thread by @anbezhil12

#KashmirFiles
இந்த படம் நம் சமுதாயத்தில் பெரும் அதிர்வலைகளை ஏற்படுத்தியுள்ளது.
காஷ்மீர் பண்டிட்களுக்கு நடந்த மாபெரும் அநீதியை, அதைக் கண்டு வாளாவிருந்த நாம் எப்படிப்பட்ட முட்டாள்கள் என்பதை உலகுக்கு உணர்த்திய இப்படத்தை இயக்கி வெளியுட்டுள்ள விவேக் அக்னிஹோத்ரிக்கு நம் நாடே நன்றிகடன்

பட்டுள்ளது. இதுவரை காஷ்மீர் ஹிந்துக்கள் கொல்லப்பட்டது குறித்து பாராளுமன்றத்தில் எந்த விவாதமும் இல்லை, சமுதாயத்தில் எந்த கொந்தளிப்பும் ஏற்படவில்லை என்பது அவர்களுக்கு எத்தனை துயரத்தைக் கொடுத்திருக்கும்! சொந்த நாட்டிலேயே 3௦ ஆண்டுகளாக அகதிகளாக வாழ்ந்திருக்கிறார்கள். சமூக ஊடகங்கள்

இல்லாத அக்காலத்தில் எப்பேர்பட்ட அநியாயத்தையும் மூடி மறைத்திருக்க முடியும் என்றாலும் இந்த சம்பவங்கள் குறித்து நாம் இதுவரை தெரிந்து கொள்ளாததும் எந்த நடவடிக்கையும் எடுக்காததும் மன்னிக்க முடியாத குற்றம். இன்றும் படம் வெளியிடப்பட்டு வெற்றிகரமாக ஓடிகொண்டிருக்கும் போதே இப்படத்தில் கூறப்

பட்டுள்ளவைக்கு எதிராக விமர்சனங்கள் வருகின்றன. இடதுசாரியின் ecosystem எவ்வளவு ஆழமாக வேரூன்றியுள்ளது! They may have the Government, but we have the system என்று படத்தில் வரும் JNU பேராசிரியை கூறுகிறார். இது உண்மை என்பதை இந்த அரசு கொண்டு வரும் எந்த நல்ல நடவடிக்கையையும் தோற்கவைக்க

அரசு இயந்திரங்களையே அவர்கள் பயன்படுத்தி போராடி வருவது மூலம் அறியலாம். #காஷ்மீர்ஃபைல்ஸ் நாம் கேள்விப்பட்ட ஆனால் இதற்கு பின் விவாதிக்கபடாத, சட்டரீதியாக பின்தொடரப்படாத, அரசியல் சமூக ரீதியாக நியாயம் கொடுக்கப்படாத, நம் சமுதாயத்தின் நினைவில் இருந்து அழிக்கப்பட்ட ஒரு கொடும் நிகழ்வை

பதிவு செய்துள்ளது. டில்லியில் இன்றும் படேல் நகர் பகுதியில் ஏராளமான காஷ்மீர் ஹிந்துக்கள் தங்கள் வீடு நிலங்களை விட்டு ஓடி வந்து 3௦ ஆண்டுகளாக என்றாவது ஒரு நாள் நீதி கிடைக்கும் என்ற நம்பிக்கையில் அகதிகளாக வாழ்ந்து வருகிறார்கள். ஒரு காட்சியில் இனப்படுகொலை பற்றி விவாதிக்கையில்

முன்னாள் பத்திரிக்கையாளருக்கும் டாக்டருக்கும் கைகலப்பு ஏற்பட நடுவில் வந்த ஓய்வு பெற்ற போலீஸ் அதிகாரி பத்திரிக்கையாளரை ஒரு தட்டு தட்ட அவர் உருண்டு போய் விழுகிறார். இது நகைச்சுவைக்கான காட்சி இல்லை. ஆனாலும் தியேட்டரே மொத்தமாக சிரித்தது. அது நகைச்சுவையை ரசித்ததன் அடையாளம் அல்ல. மாறாக

1௦௦௦ ஆண்டுகால இனப்படுகொலைகளை கண்டும் அனுபவித்தும் ஏற்பட்டிருக்கும் ஆதங்கம் மற்றும் அச்ச உணர்வுக்கான ஆறுதல் மற்றும் வடிகால்தான். அசந்தர்ப்பமாக சிரித்து தன் இயலாமையை மூடி மறைக்க முயலும் ஹிந்து சமுதாயத்தின் மேல் பரிதாபம் தான் வந்தது. இந்த படம் இப்போ தேவையா? இவ்வளவு நாள் கழித்து

எதுக்கு இதை கிளறுகிறார்கள் என்று கேட்பவர்கள் இருக்கிறார்கள். நம் சமுதாயம் இதுவரை மிகவும் அமைதியும் சமாதானமும் தவழும் ஒரு ஆசிரமமாக தான் இருந்து வருகிறதா? காஷ்மீரில் நடந்தது அதற்கு முன்னும் அதற்கு பின்னும் நாட்டின் பல பகுதிகளில் நடந்துள்ளது. வரலாற்றில் இருந்து பாடம் கற்றுகொள்ளாத

எந்த சமுதாயமும் அதற்கான தண்டனையை பெறும். இந்த படத்தில் ஒய்வு பெற்ற IAS அதிகாரி பிரம்மா தத் ஆக நடித்த மிதுன் ஒரு காட்சியில் உண்மையை ஏற்க மறுக்கும் பேரனிடம் “கோழைகளுக்கு, உண்மைக்கும் பொய்க்கும் வித்யாசம் கண்டுபிடிக்க தெரியாது. உன் பிரச்சினையும் அதுதான்” என்பார். நம் பிரச்சினையும்

அதே! உண்மையை நம்ப வேண்டும் என்றால் அதனை ஜீரணிக்கும் திறன் வேண்டும். முக்கியமான கேள்விகள் தொக்கி நிற்கும். இதில் நம் பங்கு என்ன போன்ற கேள்விகளுக்கு பதில் சொல்ல வேண்டும். நாளை இதுபோல உனக்கு நடந்தால் உன்னுடைய எதிர்வினை என்னவாக இருக்கும் என்று இன்னொரு கேள்வி வரும். இதெல்லாம் ஆண்மை

உள்ளவர்களுக்கு தோன்றும் கேள்விகள். கோழையாக இருந்தால் இந்த கேள்விகளே எழாது. இதில் காஷ்மீர் பண்டிட்கள் என்று குறிப்பிடாமல் ஹிந்துக்கள் என்று குறிப்பிட காரணம் இருக்கிறது. அவர்கள் பிராமணர்கள் என்பதால் தாக்கப் படவில்லை, மாறாக அவர்கள் ஹிந்துக்கள் என்பதால் தாக்கபட்டார்கள். பண்டிட்கள்

மட்டுமில்லாமல் சீக்கியர்கள், ஜாட்கள்கூட தாக்கப்பட்டார்கள். இது ஒட்டுமொத்த ஹிந்து சமுதாயத்தின் பிரச்சினை. பாதிக்கப் பட்டவர்களில் பெரும்பான்மையினர் பண்டிட்கள் அவ்வளவுதான். அவர்கள் இந்த 7ஆண்டுகளில் திரும்ப குடியேறி இருக்கலாமே என்று சில அறிவுஜீவிகள் கேட்கிறார்கள். அங்குள்ள demography

முற்றிலும மாறிவிட்டதே. பாதுகாப்பில்லாத இடத்தில அவர்கள் திரும்ப குடியேறுவது தற்கொலைக்கு சமம். நாளை எந்த கட்சி ஆட்சிக்கு வரும் என்று காஷ்மீர் ஹிந்துக்களுக்கு உத்தரவாதம் உள்ளதா திரும்ப அங்கு குடி போவதற்கு?அங்கு செய்ய வேண்டிய மாற்றங்கள் நிறைய உள்ளன. ஹிந்துக்களின் குடியேற்றம் அதன்

பின் நடக்கலாம். முதலில் அங்கு நடந்த பிரச்சினை எவ்வளவு பெரியது என்பதை இந்தியர்களாகிய நாம் உணர வேண்டும். இந்த மாதிரி பிரச்சினை தமிழகத்திலும் நாளை வராது என்பதற்கு என்ன உத்தரவாதம்? சரியாக சிந்தித்து வாக்களிப்பதில் உள்ளது நம் பாதுகாப்பு.
சர்வம் ஸ்ரீ கிருஷ்ணார்ப்பணம்🙏🏾
#KashmirFiles