Thread by @Am_here_DURGA

हेलेन बार्था एमेली ऊर्फ लेनी रायफेनस्टाहल (Riefenstahl) ही जर्मन अभिनेत्री व दिग्दर्शिका हिटलरसाठी प्रचारकी सिनेमे बनवत असे. नाझी पक्षाच्या १९३४ मधील न्यूरेमबर्ग येथील सोहळ्यावरील Triumph of the Will या सिनेमानंतर ती हिटलरची आवडती चित्रकर्मी झाली.
#हिटलरनामा
१/७
+👇

यानंतर लेनीचा हिटलरच्या विश्वासू अशा अंतर्गत गोटात समावेश झाला. लेनीची Olympia ही फिल्म विशेष गाजली. यातील जेसी ओवेन्सची १०० मीटर मधील अंतिम रेषेजवळील झेप आजही उत्कृष्ट चित्रफ्रेम म्हणून ओळखली जाते आणि याच क्षणामुळे जेसीच्या विक्रमाला चार चाँद लागले होते.
#हिटलरनामा
२/७
+👇

नाझी प्रचारक मंत्रालयाकडून लेनीला अशा चित्रपटांसाठी भरभक्कम निधी मिळत असे आणि या चित्रपटांचा प्रचार खुद्द हिटलर करत असल्याने तिचे चित्रपट भरपूर गल्ला जमविण्यात यशस्वी होत असत. अशा या प्रचारकी चित्रपट मिळकतीतील हिस्सा लेनीने कधीही नाझी पक्षाला दिला नाही.
#हिटलरनामा
+👇
३/७

या कारणामुळे शिवाय हिटलरबरोबरील लेनीच्या मैत्रीमुळे देखील गोबेल्स तिचा दुस्वास करत असे. परंतु हिटलरच्या खास मर्जीतील असल्याने प्रचारकी चित्रपटांतून लेनीची कमाई तुफान सुरु होती. महायुद्ध संपल्यानंतर मित्रराष्ट्रांकडून तिला अटक करण्यात आली होती.
#हिटलरनामा
+👇
४/७

या अटकेतील चौकशीत लेनीकडे होलोकास्टबद्दल विचारणा करण्यात आली. परंतु तिने याबाबत कानावर हात ठेवले. खरंतर होलोकाॅस्ट मधील कित्येक लोकांनी तिच्या सिनेमात ज्युनियर कलाकार म्हणून काम केल्यानंतर पुन्हा त्यांना तिथेच नेऊन सोडण्यात येत असे.
#हिटलरनामा
+👇
५/७

अर्थात मित्रराष्ट्रांच्या चौकशीत ही गोष्ट पुराव्याअभावी सिध्द होऊ शकली नाही आणि लेनीची निर्दोष सुटका झाली. लेनी १०१ वर्षांचं ऐषारामी आयुष्य जगली आणि वेळोवेळी माध्यमांशी बोलताना, आपण व्यक्तीशः हिटलरला ओळखत नसल्याचं ठासून सांगितलं होतं.
#हिटलरनामा
+👇
६/७

नंतरच्या काळात हिटलर या शतकातील क्रूरकर्मा होता, हे सांगायला ती नेहमी पुढे असे. हिटलरच्या शुध्द आर्यन रक्त संकल्पनेवर विश्वास ठेवणार्या जर्मनांनी त्याच्यावर शब्दशः जीव ओवाळून टाकला होता आणि लेनीसारख्या संधीसाधूंनी हिटलर मरताच आपलं पारडं बदललं.
#हिटलरनामा
७/७
समाप्त
--- दुर्गा