Thread by @rajeshkmoorthy

சம்பள உயர, சேமிப்பும் உயரட்டும்.

வருடாந்திர appraisals இந்நேரம் முடிவடைந்து சம்பள உயர்வு கடிதங்கள் இந்நேரம் உங்கள் கையில் கிடைத்திருக்கும் இல்லையா? சம்பள உயர்விலிருந்து கூடுதல் பணத்தை எவ்வாறு செலவிடுவது என்று உங்களில் பெரும்பாலோர் ஏற்கனவே திட்டமிட்டிருப்பீர்கள் இல்லையா?

https://twitter.com/rajeshkmoorthy/status/1507553937750122496

என்னென்ன பொருட்கள் வாங்கலாம், எதில் EMI கட்டி வாகனங்கள்/எலக்ட்ரானிக்ஸ் பொருட்கள் வாங்கலாம், எங்கெங்கு வெளிநாட்டு சுற்றுலா செல்லலாம் போன்றவற்றை திட்டமிட தொடங்கி இருப்பீர்கள்.

கொஞ்சம் பொறுங்கள்.

நான் சொல்வதை கேட்ட பிறகு, உங்கள் பிளானிங்கை தொடருங்கள் (உங்கள் மனது மாறாவிட்டால்).

அதற்கு முன்னர்:

Financial planning எப்படி செய்வது என்கிற வழிமுறைகளை கீழ்க்கண்ட திரட்டியில் தந்துள்ளேன். படித்து, புரிந்துகொண்டு, முயற்சி செய்து பார்க்கவும்.

https://twitter.com/rajeshkmoorthy/status/1379783758472077316?s=20&t=hiL1HHZ9bGgjNh654agCCw

தற்போதைய சம்பளத்தில் உங்கள் வாழ்க்கையை நீங்கள் எந்தவொரு சிரமமும் இல்லாமல் நடத்திக் கொண்டிருந்தால், உங்களது அதிகரிக்கப்பட்ட சம்பளத்தை நீங்கள் சேமிப்பது தான் விரைவாக நீங்கல் financial independence நிலையினை அடைய சிறந்ததொரு வழி.

எப்படி? பார்க்கலாம்.

நீங்கள் ஏற்கனவே MF/பங்குகளில் முதலீடு செய்திருந்தால், வருடா வருடம் உங்கள் சம்பள உயர்வுக்கேற்ப, வருடாந்திர முதலீட்டு தொகையினை அதிகரித்துக் கொண்டே வர வேண்டும்.

உங்கள் முதலீட்டு பயணத்தை இன்னும் நீங்கள் தொடங்கவில்லையென்றால், இந்த சம்பள உயர்வைத் தவிர சரியான சமயம் வேறொன்றுமில்லை.

சராசரியாக, வருடத்திற்கு உங்கள் முதலீடுகளை 10% நீங்கள் அதிகரித்துக் கொண்டே வரலாம்.

"வர்ற காசு செலவுக்கே சரியா இருக்கு. இதுல எங்க சேமிக்கிறது?" என்று கேள்வி கேட்பவர்கள் DM வரவும். Something's fundamentally wrong with the way you are managing your money.

இது எந்த அளவிற்கு பலனளிக்கும் என்று கீழ்க்கண்ட உதாரணத்தில் பார்ப்போமா?

மூன்று நண்பர்கள். A, B & C. மூவரும் ஒரே சமயத்தில் Equity சார்ந்த பரஸ்பர நிதிகளில் மாதம் ₹5,000 முதலீடு செய்யத் தொடங்குகிறார்கள்.

இதில் வருடா வருடம்,
A, 10% மும்,
B, 15% மும்,
C, 0% மும்

தங்களது முதலீடுகளை அதிகரித்துக் கொண்டே வருகிறார்கள் என்று வைத்துக்கொள்வோம்.

30 வருடங்கள் கழித்து, அவர்களது முதலீடுகளின் மதிப்பு பின்வருமாறு:

A - ₹3.96 கோடி.
B - ₹7.64 கோடி.
C - ₹1.53 கோடி.

என்ன?

ஒரு சிறிய தொடக்கம், மலையாக வளர்ந்து நிற்பதை கண்டு ஆச்சரியமாக இருக்கிறதா?

Discipline மற்றும் consistency யின் ரிசல்ட்.

சம்பளம் அதிகரிப்பதால் செலவுகள் அதிகரிக்க வேண்டியதில்லை. புதிய இலக்குகள் அல்லது ஏற்கனவே உள்ள முதலீட்டுத் தேவைகளைப் பூர்த்தி செய்ய தேவைப்பட்டால் தேவையற்ற செலவுகளைக் குறைக்கவும். தற்போதுள்ள செலவுகளை அதிகரிக்காமல் பார்த்துக்கொள்ளவும்.

சம்பள உயர்வு திருப்திகரமாக இல்லாவிட்டால் அல்லது உயர்வே இல்லையென்றால், உங்கள் திறனுக்கேற்ப முதலீடு செய்யுங்கள்.

அவசிய செலவினங்களைக் குறைப்பதன் மூலம் உங்கள் தற்போதைய standard of life ஐ குறைக்காதீர்கள். இப்படிப்பட்ட முறை உங்களுக்கு சந்தோஷத்தை அளிக்காது.

முதலீட்டை அதிகரிக்க வேண்டுமே என்பதற்காக கடன் வாங்கியும் முதலீடு செய்ய வேண்டாம். தற்போதைய சம்பளம் போதவில்லையென்றால், நிறுவனத்தை மாற்றுங்கள் அல்லது find ways to make extra money.

இவ்வாறான முதலீட்டு strategy, உங்களது நெடுங்கால/குறுகிய கால goals ஐ விரைவாக அடைய உதவும்.

அதி விரைவில் நீங்கள் financial independence நிலையினை அடையலாம்.

மேலதிக தகவலுக்கு:

Financial Independence (பொருளாதாரச் சுதந்திரம்) என்றால் என்ன?


பொருளாதாரச் சுதந்திரத்தை அடைவதற்கான வழிகள்:


இந்த இரண்டு வீடியோக்களையும் பார்க்கவும்.

முடிவாக, உங்களுக்காக நீங்கள் செய்யும் முதலீடுகள் தான் உங்களையும், உங்கள் குடும்பத்தாரையும் ஆனந்தமாக வைத்துக்கொள்ள உதவும்.

வாசகர்கள் அனைவரும் பொருளாதாரச் சுதந்திரமடைய வாழ்த்துக்கள்.

#வாழ்கபணமுடன். 🙏🙏🙏