#மஹாபெரியவா சொல்கிறார் “அம்மா குழந்தைக்கு பால் கொடுத்து ஆளாக்கிற மாதிரி, அம்பாள் குரு வடிவாக வந்து ஞானப் பால் கொடுத்து, ஒருத்தனோட அக்ஞானத்தைப் போக்கறா. அதுனாலதான் அம்பாளோட உபாசனைக்கு ஸ்ரீவித்யா உபாசனைன்னு பேர்”
(இது உண்மையில் பெரியவாளுக்கு தான் பொருந்தும்.) அந்த
(இது உண்மையில் பெரியவாளுக்கு தான் பொருந்தும்.) அந்த
ஞானத்தை அம்பாள்தான் கொடுக்கிறாள் என்பதற்கு பெரியவா #கேனோபநிஷத்தில் இருந்து ஒரு சம்பவம் சொல்கிறார். அதாவது தேவர்களுக்கே கூட அம்பாள் தான் ஞானத்தைக் குடுத்தாள் என்பதை. ஒரு தடவை தேவாசுர யுத்தத்தின் போது, தேவர்கள் வெற்றி பெற்று விடுகிறார்கள். வெற்றி விழா கொண்டாடுகிறார்கள். ஒருவரை
ஒருவர் புகழ்ந்து கொண்டு அதிக ஆட்டம் பாட்டம்! பரமாத்மா பார்த்தாராம். இது என்னடா, இந்த தேவர்களுக்கே ஜெயிச்ச உடனே, அசுர குணம் வந்துடும் போல இருக்கே, என்று நினைத்து, அப்படி கெட்டுப் போகக் கூடாது என்று பக்கத்திலேயே ஒரு அடிமுடி காண முடியாத மாதிரி ஜோதி ஸ்வரூபமா ஒளி வடிவமா பகவான் காட்சி
கொடுக்கிறார். இது என்னவென்று புரியாமல் அதை யக்ஷம் என்று நினைத்தனர். அந்த யஷத்திடம் தேவர்கள் முதலில் அக்னியை அனுப்புகிறார்கள். அக்னி போயி நீ யாருன்னு கேட்பதற்குள், அந்த யஷம் அக்னிய பாத்து நீ யாரு என்று கேட்கிறது. உடனே அக்னி “என் பேர் ஜாதவேதஸ். அக்னி பகவான்”, என்று சொன்ன உடனே, உன்
சக்தி என்ன என்று அந்த யஷம் கேட்கிறது. அதுக்கு அக்னி பகவான், நான் எதையும் பஸ்பம் ஆக்கி விடுவேன் என்றார். உடன், யக்ஷம் ஒரு துரும்பை கீழ போட்டு இதை எரி பாக்கலாம் என்றது. அக்னி தன் முழு பலத்தையும் பயன்படுத்தி அதை எரிக்கப் பாக்கிறார். முடியவில்லை. அக்னி பகவான் வெட்கப்பட்டு திரும்பி
வந்துவிடுகிறார். அப்புறம் வாயுவை அனுப்புகிறார்கள். வாயு அதனிடம் போன உடனே, நீ யார் என்று யக்ஷம் கேட்கிறது. வாயு, என் பேர் மாதரீஷ்வன், நான் எதையும் புரட்டி போட்டு விடுவேன் என்கிறார். திரும்பவும் யக்ஷம் ஒரு துரும்பை போட்டு, இத தூக்கு பாக்கலாம் என்றது. தன் முழு பலத்தையும் வைத்து அதை
தூக்கப் பார்க்கிறார். வாயு பகவானால தூக்க முடியவில்ல. வாயுவும் வெட்கப் பட்டு திரும்புகிறார். நாம் வெற்றி விழா கொண்டாடும் போது, இந்த ஒரு யக்ஷம் நமக்கு தோல்வியைத் தருகிறதே, நம் பக்கத்தில் மிகுந்த சக்திமானான அக்னி, வாயு இருவரும் தோத்துப் போய் விட்டார்களே என்ற நிலையில் வெற்றிவிழா
பிசுபிசுத்துப் போய் விடுகிறது. அதனுடன் கொஞ்சம் நல்லறிவும் வருகிறது. விநயம் வருகிறது. இந்திரன் பணிவுடன் யக்ஷத்தை நெருங்கி வணங்கினான். அப்பொழுது அந்த யக்ஷம் இருந்த இடத்தில் ஒரு ஸ்திரீ ரூபத்தில், உமா தேவி, ஹைமவதியாக காட்சி கொடுத்தாள் என்று உபநிஷத்தில வருகிறது.“பஹு ஷோபமானா” ரொம்ப
அழகோடு காட்சி கொடுத்தாள். “ஞானம் தான் ஷோபை” என்று ஆதி சங்கரர், ஆச்சார்யாள் இங்கே பாஷ்யம் எழுதி உள்ளார்கள். அப்படி ஞான வடிவமான அம்பாள் தங்கமயமாக ஒளி உருவமாக காட்சித் தந்தாள். அப்போது இந்திரன் “இங்கே இப்போ ஒரு ஜோதி தெரிஞ்சுதே, அது என்ன” என்று கேட்கிறான். அம்பாள் சொல்கிறாள், "அது
தான் பரப்ரம்மம், அகண்டமான சக்தி. அந்த அகண்டமான சக்தியோட துளித்துளி தான் நம் எல்லோரிடமும் உள்ளது. தேவர்களுக்கும், அசுரர்களுக்கும், மனுஷ்யர்களுக்கும் எல்லார்கிட்ட இருக்கற சக்தியும் அந்த பரப்ரம்மத்தோட சக்தி தான்” என்று ஞானோபதேசம் செய்கிறாள் என்ற உபநிஷத்தில் வந்திருப்பதை சொல்லி
விட்டு பெரியவா சொல்கிறார், “நான் ஸ்ரீகாளஹஸ்திக்கு போயிருந்தேன். அங்கே கிரி பிரதக்ஷிணம் பண்ணினேன். அங்கே மலை மேலே ஒரு சஹ்ஸ்ர லிங்கம் கோவில் இருந்தது. அந்த லிங்கத்தை தரிசனம் பண்ணினேன். பக்கத்துலேயே யக்ஷ லிங்கம்னு ஒண்ணு இருக்கு. அது பக்கத்துல இந்திர லிங்கம்னு ஒண்ணு இருக்கு.
காலஹஸ்தில பெரிய கோவிலில் அம்பாள் பெயரும் “ஞான ப்ரஸுனாம்பா” “ஞானப்பூங்கோதை” னு தமிழ்ல சொல்றா. அதுனால இந்த அடிமுடி காணாத ஜோதி ஸ்வரூபம்னு சொன்னவுடன் உங்களுக்கு திருவண்ணாமலை அருணாசலம் ஞாபகம் வந்திருக்கும். ஆனா எனக்கு, இந்த காளஹஸ்தியில் தான் இந்த கேனோபநிஷத் சம்பவம் நடந்து இருக்குனு
தோணறதுனு”
ஹர ஹர சங்கர ஜெய ஜெய சங்கர
சர்வம் ஸ்ரீ கிருஷ்ணார்ப்பணம்🙏🏾
Excerpts from valmikiramayanam.in
ஹர ஹர சங்கர ஜெய ஜெய சங்கர
சர்வம் ஸ்ரீ கிருஷ்ணார்ப்பணம்🙏🏾
Excerpts from valmikiramayanam.in
• • •
Missing some Tweet in this thread? You can try to
force a refresh
