#சாதுர்மாஸ்யம் இந்த பேர் நம் காதுகளில் நிறைய தடவை விழுந்திருக்கும். சந்நியாசிகள், மடாதிபதிகள் சாதுர்மாஸ்யம் அனுஷ்டிக்கிறார்கள் என்று கேள்விப் பட்டிருக்கிறோம், பார்த்திருக்கிறோம். சாதுர்மாஸ்யம் என்றால் என்ன? ஒவ்வோர் ஆண்டும் ஆடி சுக்ல தசமியிலிருந்து கார்த்திகை சுக்ல பௌர்ணமி வரை 4 
மாத காலம் சாதுர்மாஸ்ய புண்ணிய சுபகாலம் எனப்படும். ஆவணி, புரட்டாசி, ஐப்பசி கார்த்திகை ஆகிய 4 மாதங்கள் இதில் அடங்கும். (ஸ்ராவண ஏகாதசி துவாதசி முதல், கார்த்திகை ஏகாதசி துவாதசி வரை என்றும் கணக்கு) ஆவணி மாதத்தில் ஏகாதசியில் விஷ்ணு பகவான் சயனித்துக் கொள்கிறார். இதற்கு சயன ஏகாதசி என்று
பெயர். கார்த்திகை மாத ஏகாதசியில் விஷ்ணு பகவான் விழித்துக் கொள்கிறார். இதற்கு உத்ஸான ஏகாதசி என்று பெயர். பொதுவாக அந்தக் காலத்திலே மழை காலமாக இருக்கும். ஆகவே ஒரே இடத்தில், தங்கி, சத்சங்கங்கள், பஜனைகள், வேதாந்த காலட்சேபங்கள் முதலியவைகளை பெரியோர்கள், ரிஷிகள் எல்லோரும் செய்வார்கள்.
நாரத மஹரிஷி, அவர் பிறப்பதற்கு முன்பு, இது போன்று சாதுக்கள், மஹரிஷிகள், சன்யாசிகள், சாதுர்மாஸ்ய காலத்தை நான்கு மாதம் ஓரிடத்தில் அனுஷ்டானம் செய்த பொழுது, அவருடைய தாயார் அவர்களுக்கு சேவை செய்து, அந்த ப்ரஸாதத்தினால் நாரத மகரிஷி பிறந்ததாக புராணங்கள் சொல்கின்றன. சன்யாசிகள் ஒரு
கிராமத்துக்கு கிராமம் ஒரு ராத்திரி தான் தங்கலாம் என்று நியதி. சன்யாசிக்கு மூன்று நாட்கள் பெரிய ஷேத்ரங்களில் தங்கலாம் இப்படி எப்போதுமே, போய்க் கொண்டு இருப்பவர்கள் ஓர் இடத்தில் விஸ்ராந்தியாக இருந்து, சில சாதனைகளை செய்வதற்கும், மழைக்காலத்தில் சில புழுக்கள், பூச்சிகள் எல்லாம் வெளியே
வரும் ஆகையால், அவைகளை காலில் மிதிபட்டோ, மற்றவை மூலமாகவோ ஹிம்சையாதை தடுப்பதற்கும், ஒரே இடத்தில் இருக்க வேண்டும் என்பதற்காகவும், அஹிம்சையை அடிப்படையாக வைத்துக் கொண்டு, நான்கு மாதம் சுற்ற வேண்டாம் என்பதற்காகவும், சாதுர்மாஸ்யம் சன்யாசிகள் அனுஷ்டிக்கிறார்கள். அந்த நான்கு மாதங்களில்
அவர்களும் தியானங்களை செய்து கொண்டு, சாதனை செய்து கொண்டு இருப்பார்கள். இதைத் தவிர இந்த சாதுர்மாஸ்ய காலத்திலேயே #ஆகாவரண_சாதுர்மாஸ்யம் என்று ஒன்று உண்டு. முதல் மாதத்திலே பால் சேர்த்துக் கொள்ளக் கூடாது, மற்றவை (சைவ உணவு) அனைத்தையும் சாப்பிடலாம். இரண்டாம் மாதத்திலே தயிர் சாப்பிடக்
கூடாது. மற்றவை அனைத்தையும் சாப்பிடலாம். மூன்றாவது மாதத்திலே கறிகாய்கள் சாப்பிடக்கூடாது. மற்றவை அனைத்தையும் சாப்பிடலாம். நான்காவது மாதத்திலே இரண்டாகப் பிளக்கக் கூடிய பருப்புகளை சாப்பிடக்கூடாது, மற்றவை அனைத்தையும் சாப்பிடலாம். கார்ததிகை மாதம் துவாதசி அன்று அனைத்தையும் கலந்து
வைத்து, பகவானுக்கும் படைத்து விட்டு, அந்த கார்த்திகை ஏகாதசி அன்று கிருஷ்ணருக்கும் ருக்மிணிக்கும் கல்யாணம் செய்து விட்டு, துவாதசி அன்று பாராயணம் செய்வது வழக்கம். பாரணை என்று சொல்லுவார்கள், பாரணை என்றால், உபவாசம் இருந்து மறுநாள் செய்வது பாரணை. இது சன்யாசிகள், க்ரஹஸ்தர்கள்,
பிரம்மச்சாரிகள், வானப்ரஸ்தர்கள் அனைவரும் செய்யக்கூடியது. பிராமணர்கள் மாத்திரம் அல்ல அனைத்து வகுப்பினரும் செய்வார்கள். இது மஹாராஷ்டிரத்திலும், ஆந்திராவிலும் மிகவும் விசேஷமாக நடைபெற்று வருகிறது. கர்நாடகாவிலும் சில பேர் செய்கிறார்கள். தமிழ்நாட்டிலே மிகவும் குறைந்த பேர்கள் தான் இந்த
சாகா விரதத்தை கடைப்பிடிக்கிறார்கள். சன்யாசிகள் மட்டும் தான் சாதுர்மாஸ்யத்தை தமிழ்நாட்டிலே கடைப்பிடிக்கிறார்கள். துறவிகள் தங்களுக்காக இந்த விரதத்தை அனுஷ்டிப்பதில்லை. மனித சமுதாயம் மட்டுமல்ல பிற உயிர்களும் இன்புற்று வாழ வேண்டும் என்ற பொதுநல நோக்கத்துடனேயே இந்த விரதத்தை
அனுஷ்டிக்கிறார்கள். இந்தக் காலத்தில் செய்யும், தானம், விரதம், ஜபம், ஹோமம், அநேக நன்மைகளை அளிக்கவல்லது, மற்ற மாதங்களில் செய்வதை விட பன்மடங்கு பலனை தரவல்லது. இல்லறத்தார், சாதுர்மாஸ்ய விரதம் மேற்கொண்ட பீடாதிபதிகள் ஒருவரையாவது இந்த நான்கு மாதத்தில் ஒரு முறையேனும் சென்று தரிசிக்க
வேண்டும். துவைதம், அத்துவைதம், விசிஷ்டாதுவைதம் ஆகிய கோட்பாடுகளை முறையே கைக்கொண்ட, ஆனந்த தீர்த்தர் என்ற மத்துவர், ஆதிசங்கரர், ராமானுஜர் ஆகியோர் வழி வந்தவர்கள் அனைவரும் இந்த சாதுர்மாஸ்ய விரதம் மேற் கொள்கிறார்கள். அவர்கள் மூலம் வேத, வேதாந்தங்கள் அபரிமிதமாக வளர்ந்துவருகின்றன. அதனால்
இந்த காலகட்டத்தில் அவற்றிற்கான சிறப்பு தர்மங்கள் செய்வதில் பக்தர்கள் பங்கேற்க வேண்டும். அதனால் குரு கிருபை ஏற்பட்டு புண்ணியம் கூடும்.
சர்வம் ஸ்ரீ கிருஷ்ணார்ப்பணம்🙏🏾#அறிவோம்_சனாதனதர்மம்
சர்வம் ஸ்ரீ கிருஷ்ணார்ப்பணம்🙏🏾#அறிவோம்_சனாதனதர்மம்
• • •
Missing some Tweet in this thread? You can try to
force a refresh
