#அறிவோம்_மடங்கள் #அஹோபிலமடம் #அழகியசிங்கர் அஹோபிலம் என்ற திவ்ய தேசம் ஆந்திரா கர்னூல் மாவட்டத்தில் அமைந்துள்ளது. அஹோ என்றால் சிங்கம். பிலம் என்றால் குகை. இது 108 திவ்யதேசத்தில் 97 வது திவ்யதேசமாகும். திருமங்கை ஆழ்வாரால் மங்களாசாசனம் செய்யப் பெற்றது. இங்குள்ள அகோபில மடம் ஆதிவண் 
சடகோப மகாதேசிகரால் பொயு 1400ல் நிறுவப்பட்டது. இந்த மடத்தின் முதல் ஜீயராக ஆதிவண் சடகோப மகாதேசிகர் இருந்தார் என்று கூறப்படுகிறது. வைணவத் துறவியான ஆதிவண் சடகோபர், வேதாந்த தேசிகரின் தலைசிறந்த மாணவர். பஞ்சாத்ரா முறைப்படி மடத்தை நிறுவினார். தென்னிந்தியாவின் மிகப்பெரிய வைணவ மடமாகும்.
அகோபிலத்தில் எழுந்தருளியுள்ள நரசிம்மர் 600 ஆண்டுகளுக்கு முன் (கி.பி. 1398 ) காஞ்சியில் இருந்த கிடம்பி ஸ்ரீநிவாசாச்சாரியார் கனவில் வந்து அவரை அகோபிலம் வருமாறு அழைத்தார். அகோபில மலையில் அவரது கையில் மாலோல நரசிம்ஹர் விக்ரஹமாக வந்து சேர்ந்தார். அத்துடன் வயோதிகர் உருவில் வந்து கிராமம்
கிராமமாகச் சென்று மக்களை ஆற்றுப்படுத்த ஆணையிட்டார். அதன்படியே அகோபில மடம் உருவானது. அவர் ஆதிவண் சடகோபன் என்ற ஒரு திருநாமத்தை ஏற்று வைணவ சம்பிரதாயம் தழைக்க ராமானுஜர் வழியில் விசிஷ்டாத்வைத மரபைப் பரப்பினார். இந்த மடம் வடகலை சம்பிரதாயத்தைச் சார்ந்தது. ஆதிவண் சடகோப ஜீயர் தென்கலை
சம்பிரதாயத்தின் ஆதி குருவான மணவாள மாமுனிகளுக்கு சந்நியாசம் அளித்தார் என்றும் வரலாறு கூறுகிறது. அவரது நாட்களில் வடகலை-தென்கலை வேறுபாடுகள் இல்லை என்று அறியலாம். ஆந்திராவைச் சேர்ந்த #அன்னமாச்சாரியார் திருவேங்கடவன் மேல் பல பாடல்கள் எழுதியுள்ளார். இவர் ஆதிவண் சடகோப ஜீயரின் சீடர் ஆவார்
ஆதிவண் சடகோப ஜீயர் வழியில் வந்தோர் #அழகியசிங்கர் என்றும் #சடகோபஜீயர்கள் என்று அழைக்கப்பட்டார்கள். (அழகிய சிங்கம் என்பது நரசிம்மப் பெருமானைக் குறிக்கும்.) இம்மடத்தின் ஆளுமையில் சில திருமால் கோவில்கள் உள்ளன. திருவள்ளூர் வீரராகவப் பெருமாள் கோவில், ஆதனூர் புள்ளபூதங்குடி கோவில்கள்,
அகோபில நரசிம்மர் கோவில் முதலியன சில. அவை தவிர மடத்தின் மூலம் பல வேத, ஆகம, பிரபந்த பாடசாலைகளும் நடத்தப் படுகின்றன. இதில் சேர்ந்து படிக்கக் கட்டணம் தேவை இல்லை. கடந்த அறுநூறு ஆண்டுகளாக தொடர்ந்த குரு பரம்பரை வழியில் பல ஆயிரக்கணக்கான சீடர்கள் கொண்ட ஒரு வைணவ மடமாக அகோபில மடம் செயல்பட்ட
வருகிறது. இதன் 44-வது பட்டம் ஜீயரின் பெரு முயற்சியால் ஸ்ரீரங்கம் மொட்டை கோபுரம் ஆசியாவிலேயே உயர்ந்ததாக, 236 அடி உயரத்தில் #திருவரங்கம்_ராஜகோபுரமாக உருவானது. (1979 மே, 20 கும்பாபிஷேகம் நடந்தது) 44வது ஜீயரால் தேர்வு செய்யப்பட்ட வில்லிவலம் கிருஷணமாச்சாரியார் 45-வது ஜீயராக 1991ஆம்
ஆண்டு பொறுப்பேற்று நாராயண யதீந்திர மஹா தேசிகன் என்ற சந்நியாசப் பெயர் பெற்றார். அதற்கு முன் இவர் தமிழ்ப்பண்டிதராகவும் பாடசாலை ஆசிரியராகவும் பணியாற்றி வைணவம் சார்ந்த நூல்கள் எழுதியுள்ளார். மடத்தின் பொறுப்பேற்றபின் பல சீர்திருத்தங்களைக் கொண்டுவந்தார். அஹோபிலம், புள்ளபூதங்குடி,
திருவள்ளூர் கோவில்களைச் செப்பனிட்டார். தண்ணீர் வசதிகள் ஏற்படுத்தினார். எல்லாரும் சென்று பெருமாளைச் சேவிக்க வேண்டும், இறைஅருள் பெறவேண்டும் என்று கருதி அகோபிலத்தில் பக்தர்கள் எளிதில் சென்று சேவிக்கவும் தங்கி அருள் பெறவும் பெரும் பொருட்செலவில் பல வசதிகளைச் செய்தார் 45 ம் பட்டம்
அழகியசிங்கர். எளிதில் அணுகக் கூடியவராகவும், வெளிப்படையாகப்பேசக் கூடியவராகவும், கடினமான வடமொழி காவியங்களையும் பக்தி இலக்கியங்களையும் பாமரர் அறியும் வண்ணம் எளிய தமிழில் உபன்யாசம் செய்யும் ஆற்றல் கொண்டதால் பக்தர்கள் மனதில் நீங்கா இடம் பிடித்தவர். இவர தனது 87 வது வயதில் பரமபதம்
அடைந்தார். ஸ்ரீரங்கத்தில் தனது ஆச்சாரியாரின் பிருந்தாவனத்தருகில் தானும் பிருந்தாவனம் கொள்கிறார். 46வது ஜீயராக, ஸ்ரீரங்கநாத யதீந்திர மகாதேசிகன் சுவாமிகள், 58 வயதில் வடக்கு வாசலில் தசாவதார சன்னதியில், 46வது ஜீயராக, பட்டம் ஏற்றுக் கொண்டார். தற்போதைய ஜீயர், 2009ம் ஆண்டு முறைப்படி,
இளைய பட்டமாக, தீட்சை பெற்றவர். இவர் பூர்வாசிரம் பெயர் ரங்கராஜாச்சாரியார். இவர் ரிக் வேதத்தில் மகா பண்டிதர். தெய்வம் அல்லால் செல்ல வொண்ணாச் சிங்கவேள் குன்றம்” என்றும் , “சென்று காண்டற்கு அரிய கோவில்” என்று ஆழ்வார்கள் அகோபில மலையில் காட்டின் நடுவே உள்ள மாலோல நரசிம்மர் கோவிலைப்
பற்றிப் பாடி உள்ளனர். இந்த மடத்தின் கிளைகள் முக்கிய நகரங்களில் அமைந்துள்ளன. செந்தமிழும் வட மொழியும் கலந்து திருமாலைப் பணியும் தொன்மையான மரபு சார்ந்த வைணவ மடங்களில் முதன்மையானது அகோபில மடம். சென்று சேவித்து ஆசி பெறுவோம்.
ஆச்சார்யன் திருவடிகளே சரணம்.
சர்வம் ஸ்ரீ கிருஷ்ணார்ப்பணம்🙏🏾
ஆச்சார்யன் திருவடிகளே சரணம்.
சர்வம் ஸ்ரீ கிருஷ்ணார்ப்பணம்🙏🏾
• • •
Missing some Tweet in this thread? You can try to
force a refresh
