Thread by @anbezhil12

#ஸ்ரீகிருஷ்ணன்கதைகள் முன்னொரு காலத்தில் ஒரு ஊரில் ஒரு செல்வ செழிப்பான ராஜா இருந்தார். அவருக்கு நான்கு மனைவிகள். அவர் நான்காம் மனைவியை மிகவும் நேசித்தார். அனைத்து செல்வங்களையும் அவளுக்காகவே செலவிட்டார். தன்னிடம் உள்ளதில் சிறப்பானதை மட்டுமே அவளுக்கு கொடுத்தார். அவர் மூன்றாம்

முன்றாம் மனைவியையும் நேசித்தார். அவளுக்கு அவரது மற்ற ராஜாங்கத்தை காட்டி மகிழ்வூட்டுவார். ஆனாலும் அவள் என்றாவது வேறொருவனுடன் சென்றுவிடுவாள் என அஞ்சினார். அவர் தனது இரண்டாம் மனைவியையும் நேசித்தார். அவள் எப்போழ்தும் அவரிடம் அன்பாய் நடந்துகொள்வாள். அவர் சோர்ந்து போகும் போதோ அல்லது

அவர் ஏதேனும் பிரச்சனையை சந்திக்கும் போதோ அவள் ஆதரவாக இருந்து ஆலோசனையும் வழங்குவாள். ராஜாவின் முதல் மனைவி மிகவும் முக்கியமானவள். ராஜாங்க சொத்துகளை கவனிப்பதற்கும், ராஜா ஆட்சி செய்வதற்கும் அதிக பங்கு அவளையே சேரும். அவளே அனைத்திற்கும் காரணமானவள். எனினும் ராஜாவுக்கு முதல் மனைவி மீது

அவ்வளவு பற்றுதல் இல்லை. எப்போதாவது அவர் அவளை கவனத்தில் கொள்வார். ஒரு நாள் ராஜா மரண படுக்கையில் விழுந்தான். அவரது ராஜ வாழ்கையை எண்ணினார், "எனக்கு நான்கு மனைவிகள், ஆனால் நான் மரணமடைந்தால் நான் தனியாக இருப்பேனே" என்று அவர் நான்காம் மனைவியிடம் "நான் உனைத் தான் மிகவும் அதிகமாக

நேசித்தேன், என்னிடம் இருந்ததில் சிறந்தவை அனைத்தையும் உனக்கே கொடுத்தேன், இப்பொழ்து நான் மரணமடைய போகிறேன், நீ என்னை பின் தொடர்ந்து வருவாயா?" என்று கேட்டார்.
"முடியாது!" என்றவாறு அவள் நடந்து சென்று விட்டாள். ஒரு கத்தி அவரது நெஞ்ஜை கிழிப்பது போல் இருந்தது ராஜாவுக்கு. அவர் முன்றாம்

மனைவியிடம் "நான் உன்னை என் வாழ்நாள் முழுவதும் நேசித்தேன். இப்பொழ்து நான் மரணமடைய போகிறேன், எனக்கு துணையாய் வருவாயா?"
"முடியாது, வாழ்கை இனிமையாய் உள்ளது, நீ மரித்தால் நான் மறுமணம் செய்து கொள்வேன்" என்றவாறு அவள் நகர்ந்து சென்றாள். அவரது இதயம் கணத்தது.
அவர் இரண்டாம் மனைவியிடம் "நான்

உன்னிடம் தான் அதிகமான ஆலோசனைகள் கேட்டுள்ளேன், நீ எனக்காக பல நன்மைகள் செய்துள்ளாய், அன்பே நான் மரணமடைந்தால் நீயும் என்னுடன் வருவாயா?"
"என்னை மன்னிக்கவும், என்னால் இப்பொழுது உனக்கு உதவ இயலாது, என்னால் உனக்காக ஒரு பூச்செண்டு தான் அனுப்ப முடியும்" என்றவாறு அவளும் சென்று விட்டாள்.

அந்த பதில் ராஜாவின் நெஞ்சில் இடி போல் விழுந்தது. அவர் நிலை தடுமாறினார். அப்போது ஒரு குரல் கேட்டது. "நான் உன்னுடன் நீ எங்கு சென்றாலும் வருவேன்". ராஜா நிமிர்ந்து பார்த்தார். அது அவரது முதல் மனைவி. எலும்பும் தோலுமாக அவள் காட்சியளித்தாள். ராஜா, "எனக்கு வாய்ப்புகள் இருந்த பொழுதேு

உன்னிடம் நான் அதிக கவனம் செலுத்தி இருக்க வேண்டும்" என்றவாறு வருந்தினார். உண்மையில் நம் அனைவருக்கும் இந்த நான்கு மனைவிகளும் வாழ்வில் உள்ளனர். நான்காம் மனைவி நமது உடல். அதற்கு என்னதான் நன்மை செய்தாலும் அது நம்மை விட்டு சென்று விடும். முன்றாம் மனைவி செல்வம், அந்தஸ்து மற்றும் நம்

உடைமைகள். நம் மரணத்திற்கு பிறகு அது மற்றவரது கைகளுக்கு சென்று விடும். இரண்டாம் மனைவி குடும்பமும் நண்பர்களும். அவர்களால் சுடுகாடு வரை தான் நம்மோடு வர முடியும். முதல் மனைவி, ஆன்மா. வாழ்கை போராட்டத்தில், செல்வம், அந்தஸ்து, அதிகாரம், இவற்றை தேடும் வேகத்தில் நம் அனைவராலும் ஆத்மாவை

ஜடவுலகில் சிக்க வைத்து விடுகிறோம்
தன்னையே பெரிய முட்டாளாக ஏற்றுக் கொண்ட மன்னன், என்னை போல முட்டாளாக இருந்து விடாதீர்கள் என்று தனது பிரஜைகளுக்கு அறிவுறுத்தினான்.
எஞ்சிய குறுகிய காலத்தில் கிருஷ்ண பக்தியில் முழுமையாக ஈடுபட்டான்.
இருப்பினும், அவனது வாழ்வின் பெரும் பகுதி, ஒரு பெரிய

முட்டாளின் வாழ்க்கையாகவே அமைந்தது. நாம் சற்று யோசித்துப் பார்த்தால், நம்மில் பெரும்பாலானோர் ஆன்மீக வாழ்வில் ஆர்வம் காட்டாமல், உலகச் சொத்துக்களைச் சேகரிப்பதிலும் இன்பமடைவதிலும் முழுமூச்சாக செயல் பட்டுக் கொண்டுள்ளோம் என்பது புரியும். ஆனால் அவை அனைத்தையும், அல்லது அவற்றில் ஏதேனும்

ஒன்றை கூட மரணத்தின் பின்னே நம்மால் கொண்டு செல்ல இயலாது. இந்த உண்மையை உணர்ந்து, பெரிய முட்டாளாக இருக்காமல், வாழ்வின் எந்த நிலையில் இருந்தாலும், அந்த நிலையில் இருந்தபடி கிருஷ்ண பக்தியை தீவிரமாகப் பயிற்சி செய்து, புத்திசாலியாக வாழ்வோம். பற்பல பிறவிகளைக் கடந்த பின்னர், யாரொருவன்

புத்திசாலியோ, அவன் எல்லா காரணங்களுக்கும் காரணமான கிருஷ்ணரிடம் சரணடைவான்.
ஹரே கிருஷ்ண, ஹரே கிருஷ்ண,
கிருஷ்ண கிருஷ்ண, ஹரே ஹரே
ஹரே ராம, ஹரே ராம,
ராம ராம, ஹரே ஹரே
சர்வம் ஸ்ரீ கிருஷ்ணார்ப்பணம்🙏🏾