இந்தியாவுக்கு விடுதலை கிடைச்ச ஆகஸ்ட் 15ஐ எளிமையாக கோட்டையில் கொடியேற்றி, பிரதமர் உரையோட முடிச்சிடறோம். ஆனால், குடியரசு தினத்தை அயல்நாட்டு தலைவரை எல்லாம் அழைச்சு விமரிசையாக கொண்டாடுகிறோம். இது ஏன்னு சின்ன வயதில் யோசித்திருக்கிறேன். எதனால் குடியரசு நாளுக்கு அவ்வளவு முக்கியத்துவம்?
நம் கூடவே சுதந்திரம் பெற்ற பாகிஸ்தான், இலங்கையில் ராணுவ ஆட்சி, அதிபர் என்ற பெயரில் தனி மனித ஆட்சி எல்லாம் பார்த்து விட்டோம். ஆனால், 75 ஆண்டுகளாக மக்களாட்சி என்ற பாதையிலிருந்து விலகாமல் நாம் பயணம் செய்து கொண்டிருப்பதற்கு காரணம் நம்முடைய அரசியலமைப்பு சட்டம் உருவாக்கிய
குடியரசு என்ற அமைப்பு தான். தமிழ்நாடு என்ற பெயரை மாற்றணும்னு சொன்ன ஆளுநரை 'வாழ்க தமிழ்நாடு' என்று சொல்ல வைத்தது நம்முடைய அரசியலமைப்பு தான். இங்கே எந்த தனி மனிதனும் ஆட்சி அதிகாரத்தை தன் இஷ்டப்படி துஷ்பிரயோகம் செய்து விட முடியாது. நாட்டு நடப்பு தெரியாதான்னு நீங்க கேட்கலாம்
ஆனால், மோடியை விட பல மடங்கு பலம் வாய்ந்த பிரமராக , mini constitution என்று சொல்லப்படும் 42nd Amendment ஐக் கொண்டு வந்த இந்திரா காந்தியையே அடக்கி வைத்த பெருமை இந்திய அரசியலமைப்பு சட்டத்திற்கும், அதன் பாதுகாவலனான உச்ச நீதினன்றத்தையும் சாரும். அரசியலமைப்பு சட்டம் என்பது
மக்களின் பொதுவான விருப்பம். அது, நாடாளுமன்றத்தின் வாயிலாகவே வெளிப்படுகிறது. எனவே முழு பலத்துடன் ஆளும் அரசு நினைத்தால் ஷரத்து 368ன் படி அரசியலமைப்பு சட்டத்தின் எந்த பிரிவை வேண்டுமானாலும் மாற்றலாம். அப்படி என்றால் புதிதாக ஒரு அரசியல் சட்டத்தையே இயற்றலாமா? என்ற கேள்வி வந்தது
ஆனால், அரசியல் சட்டத்தின் அடிப்படை கட்டமைப்பை (basic structure) மாற்ற நாடாளுமன்றத்திற்கு உரிமை இல்லை என்று இந்திய உச்சநீதிமன்றம் தீர்ப்பளித்தது (கேசவனாந்த பாரதி வழக்கு). ஆங்கில ஆதிக்கத்திலிருந்து பெற்ற விடுதலையை பெரும்பான்மை மக்கள் கையிலெடுத்து சிறுபான்மையாக உள்ளவர்களை
அடக்கி விடாமல் காப்பாற்றும் அரணாக நமது அரசியலமைப்பு சட்டம் திகழ்கிறது. Absolute power corrupts absolutely என ஆக்டன் பிரபு சொன்னதைப் போல நாடாளுமன்றமோ, அதிகாரிகளோ, நீதிமன்றமோ முழு அதிகாரத்தை எந்நாளும் கைப்பற்ற முடியாத ஒரு சமநிலையை (checks and balances) நமது அரசியலமைப்பு சட்டம்
ஏற்படுத்தி உள்ளது. இதில் குறைகளே இல்லையா என்றால் நிறைய இருக்கிறது. முக்கியமாக, ஒன்றிய அரசிடமே அதிகாரங்கள் குவிந்து கிடக்கின்றன. மாநில சுயாட்சி என்பது வெறும் கனவாகவே இருக்கிறது. ஒரு வேளை திராவிட இயக்கம் நமது அரசியலமைப்பு சபை (constituent assembly)யில் இடம் பெற்றிருந்தால் மாநில
சுயாட்சி குறித்து ஒரு பிரிவு இடம் பெற்றிருக்கக் கூடும். அந்த வாய்ப்பை நாம் தவற விட்டு விட்டோம். திராவிட நாடு கோரிக்கையை கைவிட்டது முதல் ஒன்றிய அரசில் இடம் பிடிப்பது வரை மாநில நலன்களைப் பாதுகாக்க ஆவன செய்து வருகிறோம். அரசியல் சட்டம் என்பது வாழும் ஆவணம். அதை காலத்துக்கு ஏற்றவாறு
மெருகேற்ற வேண்டியது நமது கடமை. "பழைய சுமைகளை இறக்கி விட்டு, புதிய அரசியல், சமூக கட்டமைப்பை உருவாக்கும் ஒரு ஆயுதமே இந்த அரசியலமைப்பு சட்டம்' என்ற பண்டிதர் நேருவின் கூற்றோடு இழையை நிறைவு செய்கிறேன் #RepublicDay #Thread
• • •
Missing some Tweet in this thread? You can try to
force a refresh
