Thread by @praboo_mass

இறைவனையும், வேதங்களையும், அது சார்ந்த மூடப் பழக்க வழக்கங்களையும் மறுத்து வாழ்ந்த இனம் தமிழினம் என்பதையும், #திருவள்ளுவர் தந்த குறள்களின் பொருளைச் சிதைத்துத் தவறாகப் பொருள் கொண்டிருக்கிறோம் என்பதையும், அக்கால நடைமுறைகளை அலசி ஆராய்ந்து உணரலாம்.
#BJPInsultsThiruvalluvar
👇

சாவகர் அருகர் அமணர் ஆசீவகர் தாபதர்
இவர்களே ஐந்து வழிநெறிகளைத் தந்த ஐயர் (சமணர்கள்) ஆவர்.
#அந்தணன் எனும் சொல் பொதுவாகத் துறவிகளைக் குறிக்கும் சொல்லும்,
#ஐயர் எனும் சொல் கடவுளை மறுத்துத் துறவின் மெய்வழியைக் காட்டிய இந்த ஐவரைக் குறிக்கும் சொல்லும் ஆகும்.
#BJPInsultsThiruvalluvar 👇

இதிலே குறிப்பாக, ஆசீவகம் தான் தமிழகத்தில் தழைத்தோங்கியிருந்த, முதல் #கடவுள்_மறுப்புக் கொள்கையாக நம்பப்படுகிறது.
இது குறித்த நூல்கள் அனைத்தும் அழித்தொழிக்கப்பட்ட போதும், இதன் #இறைமறுப்பு நிலைப்பாடு குறித்து, பல தொல்பொருளியல் நூல்களில் குறிப்புகள் உள்ளன
#BJPInsultsThiruvalluvar 👇

ஆசீவகம்- ஆசு+ஈவு+அகம்
குற்றமற்ற தீர்வு தரும் இடம்
என்று பொருள் தரும்.
வாழ்வியலுக்கான கேள்விகளுக்கு விடையளிக்கும் வகையில் அமைந்திருக்கிறது ஆசீவகம்.
#ஐயர் என்று அழைக்கப்பட்ட ஐவர் வழிகாட்டுதலும் இறை மறுப்பு நிலைப்பாட்டை உடைய வாழ்வியல் வழிமுறைகளே. அதற்கும் முந்தையது திருக்குறள்👇

அதற்கும் முந்தையதா?
அது என்ன? அது தான் பூதவியல், இதனை வழியொற்றித் தோன்றியவர்கள் தான் இந்த #ஐயர் எனும் மதிப்புமிக்க ஐவர். ஐம்பூதங்கள் என்று சொல்லக்கூடிய ஐம்பெரும் ஆற்றல்களையும், ஐந்திணைகளையும், ஐம்புலன்களையும் பொருத்தி அமைத்துக் கொண்ட வாழ்வுமுறையே அது.
#BJPInsultsThiruvalluvar 👇

இதனை ஒத்தே அன்றைய தமிழர்களின் ஆட்சிமுறையும், இயற்கை மேலாண்மையும், வாழ்வுமுறையும் அமைந்திருக்கிறது. இவற்றை அடிப்படையாக வைத்தே,
#எது_கடவுள்!?, #தமிழ் #கோ , திருக்குறளின் கடவுள் வாழ்த்தின் மெய்ப்பொருள் எனும் தலைப்புகளில் எல்லாம் எழுதியிருக்கிறேன்.
#BJPInsultsThiruvalluvar 👇

எதையும் பகுத்தறியாது ஏற்பது ஆத்திகமாக இருக்கலாம், பகுத்தறியாது மறுப்பது நாத்திகமல்ல. அப்படி முற்றாக, நாம் விளங்கிக் கொள்ள முடியாத அனைத்தையும் மறுப்பதால் தான், பெரும் உண்மைகளையும், அதனைச் சொன்ன அறிஞர்களையும், ஐயர் அந்தணர் உள்ளிட்ட சொற்களையும் தனதாக்கிக் கொள்கிறது பார்ப்பனியம்👇

உலகின் முதன்முதலில் பகுத்து எழுதப்பட்ட மொழி #அகரமுதலான எழுத்துக்களை உடைய தமிழ் என்பதே, வள்ளுவன் முதற் குறளாய், தமிழைக் கடவுளாய் வடித்து எழுதியது தான்.

குறள் என்பதன் பொருள், பெரும் உண்மைகளை குறுக்கி எழுதப்பட்டதென்பதே ஆகும்.
அதனை உணர, பகுக்க, அதன் வழி அறிந்திருத்தல் அவசியம்👇

தனக்குவமை இல்லாதான் என்கிறார், உலகில் நாம் அறிந்த தனக்குவமை இல்லாதான் #மூளை தவிர்த்த வேறு எதுவாக இருக்க முடியும்!? உன் மூளையை நாடாது நீ எந்தச் சிக்கலைத் தான் தீர்க்க முடியும்!?
அது போல, அந்தணன் எனில், துறவி என்று பொருள், பார்ப்பனன் அல்ல.
#BJPInsultsThiruvalluvar 👇

அந்தணன் என்பது சாதி அல்ல, வாழ்வுமுறை, பிறர் நலனுக்காகவே துறவு மேற்கொண்டு வாழ்வோரே அந்தணர். அரசன்-ஆள்பவன், அந்தணன்-துறவி, வணிகன்-வணிகம் செய்பவன், வேளாளன்-வேளாண்மை செய்பவர். இப்படி குறள் சொல்லும் உண்மைகளை திரித்து, உரிமை கொண்டாடப் பார்க்கின்றது ஆரியம்.
#BJPInsultsThiruvalluvar 👇

சமணத்தின் ஒரு வடிவமான பவுத்தத்தை ஏற்கும் நாம், அதே கோட்பாடு உடைய மற்றவற்றை அறியாமலே புறந்தள்ளியதன் விளைவையே தற்போது அனுபவிக்கிறோம். ஆய்வு செய்து கூட அறிந்து கொள்ளக் கூடாது என்றே, பெரும்பாலான தமிழ் இலக்கியங்கள் திட்டமிட்டு அழிக்கப்பட்டிருக்கிறது
#BJPInsultsThiruvalluvar 👇

கண்ணகி #சாவகத்தையும் , மணிமேகலை #பவுத்தத்தையும் , கண்ணகியின் தந்தை #மாநாய்கன் தன் செல்வம் அனைத்தையும் துறந்து #ஆசீவகத்தையும் ஏற்றனர். கடவுளை மறுக்கும் இந்த வழிநெறிகளை ஏற்று, வள்ளுவர் சொன்ன இறைத்துவத்தை இவர்கள் எட்டியதே இதற்கெல்லாம் சான்று தான்.
#BJPInsultsThiruvalluvar

திருக்குறளின் கடவுள் வாழ்த்துப் பாடல்கள் அனைத்தும் பூதவியல் வழியில் எழுதியது தான்.
அதிலே ஒவ்வொரு குறளிலும் ஒவ்வொன்றைக் கடவுளாக உயர்த்தி, கடவுள் என்று தனித்து ஏதுமில்லை என்றே விளக்கியிருக்கிறார்

இன்று #ஐயன் திருவள்ளுவரையே ஆட்டயப்போடப் பாக்குறாய்ங்க

#BJPInsultsThiruvalluvar