Thread by @RayaIaseema

ఒక ధర్మ ప్రభువు కథ

రాజ్యాలందు రామరాజ్యం వేరు
ప్రభువులందు ధర్మ ప్రభువులు వేరు
పురుషులందు పుణ్యపురుషులు వేరు

గర్భిణీ స్త్రీతో పనిచేయిస్తే కడుపులో పెరిగే బిడ్డకు సైతం కూలీ ఇవ్వాలి అని శాసనం వేయించాడు ఒక ధర్మప్రభువు. తారలు మారినా ఇప్పటికీ ఆ ధర్మాన్ని తప్పడం లేదు అక్కడి ప్రజలు.

కర్ణుడికి కవచకుండలాల్ల " ధర్మం, ధైర్యం, దానగుణం" అనేవి సీమ బిడ్డలకు పుట్టుకతో వచ్చే సుగుణాలు. అందుకే ఇక్కడి పాలకులు కూడా ధర్మ ప్రభువులుగా పేరు తెచ్చుకున్నారు.

నంద్యాల తిమ్మరాజు / నల్ల తిమ్మరాజు అవుకు సంస్థానం పాలకుడు. నంద్యాల రాజులలో ముఖ్యుడు. కర్నూలు జిల్లలో ఉంది అవుకు.

విజయనగర సామ్రాజ్యాన్ని ఏలిన నాలుగవ వంశం ఆరవీటి వంశస్థుడు. శ్రీకృష్ణదేవరాయలకు బంధువు. కృష్ణదేవరాయల అల్లుడు, ఆరవీటి అలియ రామరాయలకు స్వయానా పెదనాన్న.

ఈ నల్ల తిమ్మరాజే క్రీ.శ 1538లో అవుకు చెరువు తవ్వించాడు. దేశంలోని పెద్ద చెరువులలో ఇదీ ఒకటి.

రాయలసీమ వాసుల నీటి అవసరాలు తీర్చే గాలేరు నగరి సుజల స్రవంతి ప్రాజెక్టులో ఈ అవుకు చెరువు ప్రధాన భాగం. ఈ చెరువు నీటితో పంటలు పండించే రైతులు వరికోతల కాలంలో పనులకు వచ్చే గర్భిణీ స్త్రీలకు ఒకటిన్నర కూలీ ఇవ్వాలని ఒక ధర్మ శాసనం వేయించాడు.

ఈ నియమం పాటించేవారి పాదాలు ఎల్లప్పుడూ తన శిరస్సుపై ఉంటాయని పేర్కొన్నాడు. ఇక్కడి ప్రభువులే కాదు ప్రజలూ ధర్మ పరాయణులే. తారలు మారినా ఇప్పటికీ ఆ ధర్మాన్ని పాటిస్తున్నారు.

ధర్మో రక్షతి రక్షితః

#రాయలసీమ #అవుకు #కర్నూలు #Rayalaseema
#Ravishing_Rayalaseema #kurnool