Thread by @wankhedeprafull

काही दिवसांपूर्वी पुण्याला निघालो होतो तेव्हाची ही गोष्ट....

काॅफी घेण्यासाठी पेट्रोल पंपावर ब्रेक घेतला,गाडीतून उतरताच एक मित्र समोरच कॉफीशॉपवर भेटला आणि मग काय, लगेच मस्त गप्पा सुरू झाल्या.काॅफी संपतच आली होती तेवढ्यात अचानक माझा ड्रायव्हर (तो नुकताच

#सत्यकथा #मराठी #म 1/14

आमच्या कंपनीत रूजू झाला होता,नवाच तसा) कॅफेमध्ये आला आणि म्हणाला, “तुमच्यासाठी एक सरप्राईज आहे! कॉफी संपली की लगेच गाडीकडे या”

आम्ही दोघे घाईघाईने गाडीकडे निघालो, थोडे काळजीतच होतो, तिथे पोहोचताच ड्रायव्हर म्हणाला,“हे बघा! मी गाडीवरचे स्क्रॅचेस, डाग कसे एकदम चकाचक केले! 2/14

गाडी पुन्हा नव्यासारखी चमकत आहे आता !!!”

तो अतिशय आनंदाने सांगत होता, म्हणाला .. “मला आपल्या गाडीसाठी नवीन कारक्लिनींगचे किट भेटलेय....

जर हे आपल्या इतर रंगाच्या गाड्यांवर ही चांगले चालले तर पुढच्या वेळी परत आपण अजून काही सेट घेऊ.”

'व्वा, क्या बात है, फारच छान !! 3/14

तु तर मस्तच काम केलेस असे म्हणून मी त्याचे कौतुक केले ..
“आपली गाडी” हे शब्द कानातून थेट माझ्या हृदयात गेले...

चांगला माणूस भेटल्याचे समाधानही मिळाले. कौतुक म्हणून मी त्याला माझ्या बॅगेतला घरून आणलेला एक चॉकलेट बार दिला, त्याला त्याचा खूपच आनंद झाला!

4/14 #मराठी #म

समाधान, आणि केलेले कौतुक त्याच्या चेहऱ्यावर आणि नजरेत स्पष्ट दिसत होते, तो मस्त हलतडुलत गाडीत जाऊन बसला.

मला वाटले की माझ्या मित्रालाही हा प्रकार नक्की आवडला असावा म्हणून मी त्याच्याकडे पाहत होतो पण तो उलट म्हणाला, “अरे, तो त्याच्या नोकरीचा एक भाग आहे!

5/14 #मराठी

त्यासाठीच तर तुम्ही त्याला पगार देताय? उगीच काहीतरी वाईट सवयी लावू नकोस , आणि माझ्या दृष्टीने ही एकदम क्षुल्लक गोष्ट आहे, उगीच माझ्याकडून कोणत्याही प्रशंसेची, कौतूकाची अपेक्षा करू नकोस”.

मी त्यावर काहीच न बोलता त्याला निरोप द्यायला त्याच्या गाडीकडे जाऊ लागलो, गाडी जवळ
6/14

पोहचल्यावर तो म्हणाला मी ही पुण्यालाच चाललोय, एकत्रच जाऊ, मग मी आमच्या ड्रायव्हरला हातानेच इशारा करत त्याच्या गाडीच्या मागे आमची गाडी घ्यायला सांगितली आणि आमचा पुण्याच्या दिशेने प्रवास सुरु झाला.

आमच्या गप्पात लोणावळ्याचा घाट कधी संपला कळलेच नाही.

सिंहगड इंन्स्टिट्यूट जवळ 7/14

पोहोचलो आणि त्याच्या फोनची रिंग वाजली, त्याला त्याच्या प्रिंसिपल कंपनीचा फोन आला होता (त्याच्याकडे बऱ्याच कंपन्यांच्या डिलरशीप आहेत) फोनच्या स्क्रिनकडे थोडे तोंड वेंगाडूनच पाहत त्याने तो घेतला. बोलण्यावरून लगेच कळाले की हा त्याचा एरिया सेल्स मॅनेजर किंवा त्यापैकीच कोणी उच्च
8/14

अधिकारी असावा, बोलताना त्याच्या चेहऱ्यावरचा तणाव स्पष्ट जाणवत होता.

कॉल संपविल्यानंतर त्याचा चेहरा एकदम चिडचिडा झाला आणि रडगाणे सुरू झाले,
“डे-नाईट काम करायचे, पाहिजे तेंव्हा -पाहिजे तिथे पोहचायचे, मनापासून कितीही कष्ट केले तरी कधीच वेळेत कमिशन देत नाहीत, इंन्सेटिव्ह साठी
9/14

सहा-सहा महिने खेटे घालायचे, यांच्या टार्गेट्सच्या नादात घरच्यांना पण वेळ देता येत नाही. इतक्या सर्व तडजोडी करून, कसेतरी करून आम्ही टार्गेट पूर्ण करतोच पण अजिबात कसले ते कौतुक नाही !!!”

मी शांतपणे त्याच्याकडे पाहत अगदी थेट नजर रोखून म्हटले “पण हेच तर तुझे काम आहे ना?
10/14

टार्गेट पूर्ण करतोस तर त्याचे पैसेही तुलाच मिळतांत ना??? तुला त्यासाठीच तर नेमलेय ना!” असे म्हणून मी हळूच हसलो तर....

“कळलं..... भावना पोहचल्या....” असं म्हणत तो मोठ्याने हसला आणि मला त्याला जे काही सांगायचे होते ते त्याला मनोमन पटल्याची खात्री झाली.....11/14

आम्ही लहान मुलांसारखे टाळ्या देत हसण्यास सुरुवात केली.

मित्रहो,आयुष्याच कोणाचे कौतुक करायची वेळ आली तर नक्की करा,त्याने अजून चांगले काम करण्याची प्रेरणा मिळते, जगातल्या प्रत्येक जिवंत व्यक्तीस त्याची आवश्यकताही असतेच. मजेशीर बाब म्हणजे कौतुक करायला काही फार खर्च येत नाही.
12/14

आजूबाजूचे लोक स्वत: जबाबदारी घेऊन काही चांगल्या गोष्टी करत असतील तर त्याबद्दल त्यांचे नक्की कौतुक करावे, त्यांना प्रोत्साहन द्यावे.

तुमची एक कमेंट किंवा छोटीशी भेट एखाद्याला दिवसभराचा आनंद आणि आयुष्याकडे पाहण्याचा सकारात्मक दृष्टीकोन देत असेल तर करायला काय हरकत आहे?

13/14

आयुष्यात येऊन आनंद वाटला तर आपोआप आपले आयुष्यही आनंदाने भरून जाते.....

14/14

#मराठी #म #प्रेरणा #कौतूक #सत्यकथा #सुप्रभात