Thread by @Pyara_PAK

یہ ہیں وہ تین سائنس دان جنہوں نے ہیپاٹائٹس سی کے وائرس کی دریافت کی اور لاکھوں لوگوں کو تڑپ تڑپ کر مرنے اور لیور کینسر میں مبتلا ہونے سے بچا لیا۔ان تینوں کو اس سال نوبل پرائز ونر قرار دیا گیاہے۔ہماری اس ترقی یافتہ دنیا میں جہاں

اڑنے والی گاڑیاں بنائی جا رہی ہیں، وہاں آج بھی لوگ بیماریوں سے مر رہے ہیں۔ بیماری ایسی چیز ہے کہ انسان کے اختیار میں نہیں ہوتی لیکن دوا اور چارہ جوئی انسان کے اختیار میں دی گئی ہے۔میں دنیا میں سب سے زیادہ سائنس دانوں کی قدر کرتی ہوں،

خاص طور پر وہ جو بیماری پر کام کرتے ہیں۔ یہ وہ لوگ ہیں جو اپنی زندگیاں تیاگ دیتے ہیں، کمروں میں بند رہتے ہیں، کتابیں کھاتے پیتے، اور علم کی عبادت کرتے ہیں۔انہیں انسٹا، فیس بک، فیشن، ہوٹلنگ سے زیادہ سروکار نہیں ہوتا، انہیں بس انسانیت

کی فکر ہوتی ہے۔ ہم لوگوں سے فجر کے وقت اٹھ کر نماز نہیں پڑھی جاتی، ہم چند لمحوں کے لیے موبائل سے دور نہیں رہ سکتے۔اور یہ لوگ صبح چار بجے اٹھتے ہیں، اور اپنا کام شروع کر دیتے ہیں۔ یہ بھی انسان ہی ہیں تو ان کا دل لحافوں میں

گھس کر دن چڑھے تک سونے کے لیے کیوں نہیں چاہتا؟آخر یہ لوگ رات دن موبائل کیوں نہیں یوز کرتے؟آخر انہیں کیا مصیبت پڑی ہے کہ اپنی جانیں ہلکان کرتے ہیں اور رات دن نیٹ فلیکس نہیں دیکھتے؟ اگر یہ کام نہیں کریں گے تو کیا دنیا تباہ ہو جائے

گی؟اگر یہ ہماری طرح پب جی کھیل لیں گے تو کیا قیامت آجائے گی؟ یہ لوگ ایسا کیا کھاتے ہیں کہ ان کی ڈکشنری میں لفظ " بور اور ڈپریشن " سرے سے موجود ہی نہیں۔۔۔یہ لوگ ایسے کیوں ہیں؟
یا تو یہ واقعی میں انسان ہیں، یا پھر

ہم جیسے لوگ انسان نہیں ہیں۔ ہم دن بھر، رات بھر کچھ نہیں کرتے اور پھر بھی ہم مصروف ہیں۔ہم کھا رہے ہیں، پی رہے ہیں پھر بھی ناشکرے ہیں، ہماری زندگیاں جہنم ہیں۔ ساری دنیا کی بکس آن لائن موجود ہیں، پھر بھی ہم جاہل ہیں، پھر

بھی کوئی کارنامہ سر انجام دینے سے قاصر ہیں۔یہ ہیں وہ لوگ جن کی ہر سانس عبادت ہے۔ جن کے بارے میں اللہ نے کہا کہ علم والا اور جاہل برابر نہیں ہو سکتا۔ہم ان لوگوں کی برابری نہ دنیا میں کر سکتے ہیں، نہ آخرت میں۔ یہ یہاں بھی بلند ہیں، وہاں

بھی بلند تر ہوں گے۔ مجھے ہمیشہ ایسے لوگوں پر رشک آتا ہے جو کبھی نہیں رکتے، اور اپنے پیچھے گھر، پیسہ، فیکٹریاں نہیں، علم چھوڑ جاتے ہیں۔اپنے پیچھے انسانیت چھوڑ جاتے ہیں۔ میں اس زندگی کو زندگی ہی نہیں سمجھتی جس میں آس پاس

والوں کو فائدہ نہ پہنچایا گیا ہو۔ میں اس زندگی کو بامقصد ہی نہیں سمجھتی جس میں کم سے کم چند ہزار لوگوں کی مشکلیں آسان نہ کی گئی ہوں۔ میں اسے علم والا ہی نہیں سمجھتی جس نے نے چند سو کو زندگی کا مقصد نہ سمجھا دیا ہو۔ اور میں

اسے انسان ہی نہیں سمجھتی جو کھا پی کر، سو جاگ کر زندگی گزار رہا ہوں۔
تحریر : سمیراحمید

مختصر معلوماتی اسلامی اور تاریخی اردو تحریریں پڑھنے کیلئے
دوسرا اکاؤنٹ فالو کریں 👈🏻 @AliBhattiTP

ہمارا فیس بک گروپ جوائن کریں ⁦👇🏻👇🏻
bit.ly/2FNSbwa