திராவிடம் பேசும் சமூகநீதி பேசும் யாவரும் அறிந்துக்கொள்ள வேண்டிய ஒரு வாழ்க்கை பகுத்தறிவு பண்பாளர் சின்னக்குத்தூசி அவர்களுடையது. அவரது வாழ்க்கை வரலாறை கவிஞர் தெய்வசிலை அழகாக 100 சிறு கட்டுரைகளாக தொகுத்து எழுதி இருக்கிறார். அதை வாசிக்கும் வாய்ப்பு கிடைத்தது.
வாசிக்கும் போது, இப்படி ஒரு அதிசய மனிதர் நம்முடன் வாழ்ந்தாரா என்னும் வியப்பே அதிகம் ஏற்பட்டது. சின்னக்குத்தூசி அவர்களின் வாழ்வில் இருந்து நாம் கற்க நிறைய இருக்கிறது. ஒரு துறவி போல அவர் வாழ்ந்தாலும், அவர் தொட்டுச்சென்ற பணிகள், மனிதர்கள் எண்ணற்றவை.
கலைஞரின் சின்னக்குத்தூசி குறித்த இந்த ஒரு வரி சொல்லும் ஆழமான வரலாறை நம்மால் உணர்ந்துக்கொள்ள முடியும்.
"காற்றில் மிதக்கும் தூசு ஒன்று
என் மீது பட்டாலே
ஆற்றொண்ணா துயர் கொண்டு
அதனை விரட்டுவதில் அன்னையாய் வாய்ந்தவர்!"
"காற்றில் மிதக்கும் தூசு ஒன்று
என் மீது பட்டாலே
ஆற்றொண்ணா துயர் கொண்டு
அதனை விரட்டுவதில் அன்னையாய் வாய்ந்தவர்!"
பிறப்பால் ஒரு பார்பனராய் பிறந்தாலும், அவர் அந்த பிறப்பின் அடையாளத்தை வெறுத்து ஒதுக்கி வாழ்ந்திருக்கிறார். பத்திரிக்கையாளர் ஏ.எஸ். பன்னீர்செல்வம், தனது வாழ்வில் தாக்கத்தை ஏற்படுத்திய ஐந்து பிராமணர்கள் என்ற வரிசையில் "சின்னக்குத்தூசி" அவர்களின் பெயரை எழுதி இருக்கிறார்.
50 ஆண்டுகளாக பெரியாரிஸ்டாக வாழும் என்னிடம் இன்னும் பார்ப்பனத்தன்மை இருப்பதாக நீங்கள் சுட்டிக்காட்டி இருக்கிறீர்கள். உங்களுடைய சூத்திரர்களின் வரிசைப்பட்டியலில் நான் இடம்பெறும் நாள்தான், என்னுடைய சுயமரியாதைப்பாதையில் வெற்றிபெற்றதாக பொருள்' என்றார் சின்னக்குத்தூசி.
குடும்பம் ஏதும் இல்லாமல், ஒரு பகுத்தறிவு துறவி போல வாழ்ந்த சின்னக்குத்தூசி தனது வாழ்வில் புத்தாடை உடுத்தும் ஒரே நாள் செப்டம்பர் 17 ஆக இருந்திருக்கிறது. பெரியாரின் பிறந்தநாளில் அவரது நினைவிடத்திற்கு புத்தாடை அணிந்து காலையிலேயே மரியாதை செலுத்துவதை வழக்கமாக கொண்டிருந்திருக்கிறார்.
தனது 77 வயதில் 2011ல் இறந்த சின்ன குத்தூசியின் சொத்தாக இருந்தது 36 ஆயிரம் ரூபாய். அத்தோடு கலைஞர் தந்த 50 ஆயிரம் ரூபாய், மேலும் சில நண்பர்கள் தந்த பணம் என்று சேர்த்து சின்னக்குத்தூசி அறக்கட்டளை தொடங்கப்பட்டுள்ளது.
இந்த உலகில் பெற்றதை விட அதிகம் கொடுத்துவிட்டு சென்று இருக்கிற ஒரு மாமனிதர் வாழ்வை நீங்களும் அறிந்துக்கொள்ளுங்கள். சுருக்கமாக 11 பக்கங்களில் கொடுத்து இருக்கிறேன். blog.dravidiansearch.com/2020/10/50.html
• • •
Missing some Tweet in this thread? You can try to
force a refresh
