Thread by @RajarajanRj

Intellectual Terrorism: அறிவுலக தீவிரவாதம். அறிவிருக்கும் இடத்தில் எப்படி தீவிரவாதம் இருக்க முடியும் என்று நீங்கள் சிந்தித்தால், மேலே படியுங்கள். வரலாற்றில் எங்கெல்லாம் பாசிச தீவிரவாதம் தலைத்தோங்கி இருக்கிதோ, அங்கெல்லாம், அதற்கு முன்னர் ஒரு அறிவுலக தீவிரவாதம் நடந்திருக்கும்.

இதற்கு வரலாற்றில் பல எடுத்துக்காட்டுகளை சொல்ல முடியும். ஆரிய இன தூய்மைவாதத்தை நியாயப்படுத்தி மக்களை நம்ப வைத்தப்பின் தான், ஹிட்லர் பல்லாயிரக்கணக்கான யூதர்களை கொன்றான்.

காந்தி இறந்து 70 ஆண்டுகளுக்கு பிறகும், அவரது உருவ பொம்மையை சுட்டு இரத்தம் பார்க்கும் வெறி சங்கிகளுக்கு இருக்கிறது என்றால், அதற்கு பின்னால் நூறாண்டு அறிவுத்தீவிரவாதம் இருக்கிறது.
ஏன் பாஜகவின் தொடர்ச்சியான இரண்டு இமாலய தேர்தல் வெற்றிக்கு பின்னால் இருப்பதும் அறிவுத்தீவிரவாதம் தானே?

இணையத்தில் நேருவைக்குறித்தோ, காங்கிரஸ் கட்சி குறித்தோ தேடிப்பாருங்கள். நேருவும் காங்கிரசும் தான் இந்தியாவின் சீரழிவுக்கு காரணம் என்கிற தொடர்ச்சியான பரப்புரையும் பாஜகவின் இமாலய வெற்றிக்கு காரணம். இதை அப்படியே நம்பி ஆதரித்தவர்கள் ஏராளம்.

தமிழ்நாட்டில் திராவிட இயக்கத்தை குறித்தும் இந்த அறிவுலக தீவிரவாதிகள் பல ஆண்டுகளாக அவதூறுகளை சொல்லிக்கொண்டு தான் வந்தார்கள். 2009 க்கு பிறகு அந்த அவதூறுகள் அடுத்தக்கட்டத்திற்கு சென்றது.

ஹிட்லரின் அறிவுலக தீவிரவாதத்திற்கு பெயர் ஆரிய நாசிசம்.

இந்தியாவில் அறிவுலக தீவிரவாதத்திற்கு பெயர் பார்ப்பனியம். ஆரிய நாசிசம் பேசியது இனத்தூய்மைவாதம் என்றால், பார்ப்பனியம் செய்தது மிக நுட்பமான வேலை. எந்த ஒரு விசயத்தையும் அதனால் திரிக்க முடியும்.

சங்க காலத்திலேயே தமிழர்கள் சிறந்த பண்பாடோடு வாழ்ந்தார்கள் என்பதற்கு பல்வேறு இலக்கிய சான்றுகளை தந்தால், சங்க இலக்கியத்தில் மகாபாரத போரை திணிப்பார்கள். அதையே தமிழ்தேசியம் என்ற பெயரில் “மகாபாரதம் தமிழ்நாட்டில் நடந்தது” என்று பேச வைப்பார்கள்.

நிற்க!

முத்தையா முரளிதரன் வாழ்க்கை படத்திலிருந்து விஜய் சேதுபதி விலக வேண்டும் என்று நடந்த விவகாரம் உண்மையில் கவலையளிக்கிறது. முரளிதரனின் வாழ்க்கை உண்மையில் 90 சதவிகித தமிழ்நாட்டு தமிழர்களுக்கு தெரியாது. அவர் தமிழ் பேசும் தமிழர் என்பதும், சிறந்த கிரிக்கெட் வீரர் என்பதை தாண்டி

எதுவும் பலருக்கு தெரியாது. ஆனால், அவரது அரசியல் கருத்துக்களை வைத்து அவரை இனத்துரோகி என பட்டம் கொடுத்து, இப்போது அவரே அந்த படத்தில் இருந்து விஜய் சேதுபதியை விலக சொல்லிவிட்டார். விஜய் சேதுபதியும் நன்றி வணக்கம் என்று முடித்துக்கொண்டார்.

ஒருவரின் அரசியல் கருத்துக்களை வைத்து அவரது படத்தை எதிர்க்க வேண்டுமென்றால், தமிழ்நாட்டில் ரஜினி சூப்பர் ஸ்டாராக இருக்க முடியுமா? அவரது படத்தை தமிழ்நாட்டில் யாராவது ரிலீஸ் ஆவதற்கு முன்பே எதிர்த்திருக்கிறார்களா? இதை என்னிடம் கேட்டவர் ஒரு இலங்கை தமிழர்.

இதை ஏன் நான் அறிவுலக தீவிரவாதத்துடன் இணைக்கிறேன் என்றால், நான் அறிவாளிகள் என்று நினைத்தவர்கள் சிலர் கூட இந்த விசயத்தில் விஜய் சேதுபதிக்கு எதிராக இருந்தார்கள் என்பதால் தான்.

நம் மண்ணின் மிகப்பெரிய போராளி தந்தை பெரியார். இந்திய அளவில் மிகப்பெரிய போராளி அண்ணல் அம்பேத்கர்.

இந்த இருவரையும் ஆசான்களாக ஏற்பவர்கள், எப்படி பாசிசத்தை ஆதரிக்க முடியும்? இந்த இருவர் தங்களின் நெடிய போராட்டத்தில், பாசிசத்தின் பக்கம் நின்றிருக்கிறார்களா? மாற்று கருத்தை வரவேற்றார்களா? அல்லது, மாற்றுக்கருத்தே இருக்கக்கூடாது என்று நினைத்தார்களா?

அம்பேத்கர், பெரியார் பெயரை சொல்லிக்கொண்டு அறிவுலக தீவிரவாதத்தை ஆதரிப்பவர்களை பார்த்தால் தமிழகத்தின் எதிர்காலம் குறித்து உண்மையில் பயமாக இருக்கிறது. கடைசியாக ஒன்று, யாரை வேண்டுமானாலும் படிங்க. பின்பற்றுங்கள். ஆனால், எது நம் மண்ணுக்கான அரசியல் என்பதை சிந்திந்து செயல்படுங்கள்.🖤❤️🙏

யார் சொல்லியிருந்தாலும் எங்கு படித்திருந்தாலும் நானே சொன்னாலும் உனது புத்திக்கும் பொது அறிவுக்கும் பொருந்தாத எதையும் நம்பாதே

- இரண்டாயிரம் ஆண்டுக்கு முன் புத்தர் பிறகு பெரியார் ஈ.வெ.ரா சொன்னது.

நன்றி... வணக்கம்!