Thread by @RajarajanRj

வாரயிறுதியில் வெகுநாள் கழித்து இலங்கை நண்பர் ஒருவர் அழைத்திருந்தார். சிறிது நேரம் பேசியபின், முரளிதரன் - விஜய் சேதுபதி குறித்து பேச்சு சென்றது. எனக்கு முரளிதரன் மிகவும் பிடிக்கும். விஜய் சேதுபதி இந்த படத்திலிருந்து விலகக்கூடாது என்று அவரது விருப்பத்தை தெரிவித்தார்.

நான் அது சந்தேகம் தான் என்றேன். அதன் பிறகு, பல்வேறு அரசியல் விசயங்களை விவாதித்தோம். பேச்சு வாக்கில், இங்கே முரண் என்னத்தெரியுமா? ஈழம் என்பது இலங்கையின் அரசியல். ஆனால், இங்கிருக்கும் யாழ்ப்பாணத்து அரசியல்வாதிகள் கூட இப்போது அதைக்குறித்து பேசுவதில்லை.

அனைவரும் இங்கிருக்கும் முரண்பாடுகளை களைவதிலும், கொள்கை மாறுதல்கள் குறித்தும் கவனம் செலுத்துகிறார்கள். வெளிநாட்டில் வாழும் தமிழர்கள் இலங்கை எப்படி இயங்குகிறது என்பதைக்கூட புரிந்துக்கொள்வதில்லை. அவர்கள் தாங்கள் பாட்டுக்கு செய்வது, இங்கிருக்கும் மக்களைத்தான் பாதிக்கிறது என்றார்.

தமிழனுக்கு தமிழன் தான் எதிரி என்றார்.

பிறகு, அவரே “அண்ணா பல்கலைக்கழகம்” என்ன பிரச்சனை என்று வினவினார். நான் நீட் குறித்து சொல்ல ஆரம்பித்தேன். நீட் குறித்து தெரியும். நீயா நானா நிகழ்ச்சியில் பார்த்தேன். “நீட் ஒழிக்கப்பட வேண்டும்” என்றார்.

பிறகு, அண்ணா யுனிவர்சிட்டி பிரச்சனையை விளக்கினேன். மாநில உரிமைகள், இட ஒதுக்கீடு, இலவச கல்வி என்று பேச்சு போனது. அவர் ஒரே வரியில் சொன்னார்.

“இது தமிழகத்திற்கான அதி முக்கியமான காலம். இப்போது தமிழகத்தை காக்காவிட்டால், தமிழகம் வட இந்திய மாநிலங்கள் போல் ஆகிவிடும்.

மருத்துவத்தை விட்டதை போல இஞ்சினியரிங்கை விட்டுவிடாதீர்கள்.படிப்பு இல்லாவிட்டால் நம் வாழ்க்கை இருண்டுவிடும். ஏழை, ஒடுக்கப்பட்ட மக்கள் இனி மேலேறி வரமுடியாது. இந்த போரில் நாம் வீழ்ந்துவிடக்கூடாது என்றார்”, அந்த இலங்கை நண்பர்.

இலங்கையில் வாழும் அவருக்கு தமிழ்நாட்டின் அருமை அவரது தாத்தாவின் மூலமாக தெரிந்திருக்கிறது. பெரியார் - கலைஞரை ஆதர்சமாக கொண்டு வாழ்ந்தவர் அவரது தாத்தா என்று ஒருமுறை சொல்லியிருக்கிறார். அவருக்கு இருக்கும் உணர்வு தமிழ்நாட்டு தமிழர்களுக்கு வருமா?

நன்றி...வணக்கம்!