Thread by @Lavvelenata

Ve conto na storia.
Una dee #storieviveevenete.
Un toco de Veneto.
Ovviamente na bruta storia sea vardemo co serti oci ma el protagonista gà vissuo un gran bel film e finchè gà podesto sea ga godua ea grande.
E far dea vita un gran bel film no xe mia da tutti.

Ghe vol impegno. E costansa. Ghe vol anni. E testa. E anca fegato.
E come nel gran bel film … quando arrivano i conti sai ognuno paga comunque i suoi e stà tranquillo che io, io i soldi ce li ho (cit.)

Xe n’altra storia veneta, come tante, na storia de paesetto, ansi de provincia, na storia de nero, de tentativi de no pagar tasse.
Na storia de ordinaria bataglia.

Zona de Veneto che confina tra Padova e chel toco de Veneto indegno che xe Mes3.
Ma che gà n’altra reigion rispetto aea Riviera.
Altri cristi, altre madone, altre besteme.

Nea vita ognun se sceglie a so profession se nol se incontenta de ndar laorar sotto paron. El personaggio de oggi gà deciso che nea vita lui doveva far l’EVASORE.
E farlo aea grande.
E cossita xe stà.
Mission aziendae portada a termine.

Co so venua saver a storia del personaggio de oggi me xe venuo in mente un caso de tentativo de evasione fiscae durante a Serenissima Repubblica de Venessia. Legge dea Serenissima del 18.04.1739 tuti i contribuenti gà da denunciar i beni de proprietà da sottopor a tassasion.

Ghe xe un pitor all’epoca che xe drio farse strada a Venessia, un certo Antonio Canal conossuo come Canaletto. El 27 de agosto fa un atto dove chel dichiara do imobii uno dove che i vive e uno dato in affitto da cui i ciapa 40 ducati. So questo i dovaria pagar el 10% de tassa.

Ma el 10 de settembre Canaletto fa un novo atto disendo che na settimana prima se iera sbajà e che a rendita xe de 80 ducati.

Canaletto xe sta un contribuente modello che se autodenuncia pa un error de scrittura de un 4 al posto dell’8 o un che sercava de evadere provando a denunciar metà dell’introito? Va saverlo ....

A diferensa de Canaletto però el nostro personaggio no gà né fatto errori de scrittura nè denuncià metà introito.
NO GA PROPRIO DENUNCIA’ UN CASSO.

Oggi ve conto a storia de MARIO.
Che amichevolmente e pa riassumere a so carriera e darghe un cleim podarissimo ciamar MARIO STRASSE, FIGA & AUTO. I o conosseva tutti cossita in zona. E FATTURE.
Tante. Tante fatture tutte false.

MARIO STRASSE F&A ga tante passion e un picoeo difeto de fabricasion: memoria corta.
Se desmentega e robe.
Vodi de memoria.

MARIO STRASSE F&A xe veneto, un fiol dell’entroterra venesiana ma no campagnoi come noialtri de Padova, più o meno dea stessa età de Canaletto co xe successo e robe. 2012.

Robe importanti che val a pena ricordar del 2012:
-Gila assa a Viola, in na stagion cambiemo tre allenatori e se riussimo salvar co 46 punti. El scudeto i lo vinse sempre i stessi.
-A tragedia del Giglio (che no xe collegà al fatto sora)

-Se allinea Mercurio, Venere e Saturno
-Se dimette Mario Monti (che no xe collegà al fatto sora)
-Anno de l’arresto e dea scarcerasion de MARIO STRASSE F&A

Prima che me se scatene i moraisti che evadere xe pecà chiarimo suito che MARIO STRASSE F&A desso xe un omo libero e gà scontà a so pena … cioè .. vedemo dopo come xe finia a storia.

Chiarimo che se evasione saria da condanar tut-curt , di fronte a sto Stato ingordo de skei e che li spende mal, mi no saria cossita categorica nel metterlo tra i grandi pecai.
Ma questa xe n’altra storia.
Bruta anca questa.

In do paroe mi MARIO STRASSE F&A no mea sentaria de mandarlo proprio in mona del tutto.
E anca el Giudice aea fine gà deciso come mi.

Alora MARIO STRASSE F&A xe un fiol gnanca tanto vecio. Come ve gò dito all’inissio uno de quei che da grandi voeva deventar EVASORE e zogar a scacchi co quei coea bareta grigio scuro.
Ma no gavea sol sta passion.

Una dee so grandi passion che lo gà ciavà xe stae e AUTO.
Tutte macchine de grossa ciindrata, co a targa de un San diversa da Marco.
Na coesion de macchine: Porsche, Bmw, Ferrari. E girava allegramente paea provincia venesiana sconfinando spesso su sui colli padovani.

E nel lato passeggero a so seconda grande passion che lo gà ciavà. A FIGA. Na coesion anca de queste. Sempre in giro pa locai co e pi bee fighe dea provincia. E anca foreste. Che ovviamente finia a serata ndava casa co lui.

Lui che vivea in na villa veneta.
No in una dee casette dei tre porseetti.
E co no dormia la dormia in un golf club. Oppure in Messico.
E nuvoe.

Gnanca MARIO STRASSE F&A iera astemio, da vero veneto. Nei so tavoi tra Venessia e Padova nei locai de tendensa no mancava mai champagne o i vini pi cari. E co rivava lu vestio de tutto punto daea testa ai pie tutti pronti a servirlo e riverirlo.

E a vardarlo coi oci ludici de invidia.
Bruta bestia l'invidia vero ? Ma sensa invidia de tanti pochi no deventa mia idoi e miti ...

MARIO STRASSE F&A gavea anca n’altra passion. E STRASSE.
Prima che i o ciapasse iera un imprenditor del mondo dea moda, anca famoso.
Na grande azienda. Famosa. De abbigliamento.
Pecà che a so azienda sia ndata a puttane e che gà dovuo dichiarar faimento.

Ma el sogno dea vita de MARIO STRASSE F&A xe sempre sta quel de far l’EVASORE.
Come quei che vol deventar astronauti. O quee che vol a pace nel mondo.
Xe che MARIO STRASSE F&A ghe xe riussio dio santo del ciel.

EVASORE TOTALE.
Gnanca parziae. Totae.
Perché qua in Veneto e robe o te fe par ben o gnanca mettarte.
Tempo perso.

MARIO STRASSE F&A prima che i o mettesse dentro produseva fatture. False. A compiacenti e insospettabii imprenditori veneti interessai a diminuire redditi e a pagar manco tasse.
Sentirse parte de un popoeo e de un territorio.

Oltre a 90 – NOVANTA - conti correnti nee varie banche e casse peste venete dove no tegnea mia i skei del monopoi - MARIO STRASSE F&A gestiva 5 imprese intestae a dei prestanomi come vision pa raggiungere a so mission.

Nei 90 cc de MARIO STRASSE F&A xe passà na roba tipo 40 milioni de euro. QUARANTA MILIONI DE EURO.
E in sto sistema ojà de illecito evasivo e de frode fiscal impirai pal spago ghe iera tipo na trentina tra imprese, amministratori, titoeari de partite IVA piò o meno de comodo.

Tutti amissi. Tutti unii daea passion pa dichiarasion fraudolente usando fatture false pa operasion false. Ansi pa operasion inesistenti.
Tutti amissi de MARIO STRASSE F&A.
Che offriva champagne nei locai dea zona. E tutti beveva.

Dal mondo dee STRASSE, MARIO gà imparà a confesionar fatture false.
E le ghe vendea ai vari imprenditori de zona. Ghe disea de star tranqui che gavea na solida organisazion aziendae ae spae e che nissun gavaria sospettà gnente.
MI NO I ME CIAPARA’ MAI.

Femo cossita caro imprenditor che te ga da aumentar i costi e abbattere i ricavi in modo da pagar manco tasse: mi te fasso a fattura, me tegno l’importo IVA e pal disturbo fasemo na provvigione dal 5 al 10 par sento dell’imponibie.

Sta tranquio che quei dea finansa li conosso tutti.
I beve co mi.
Contenti tutti.

Ma MARIO STRASSE F&A ciapà dae AUTO e daea FIGA pa anni sbadatamente se gà desmentegà sia de versar l’IVA sia de far dichiarasion dei redditi.
Robe che se se desmentega dai, i vodi de memoria.
I te insegna a desmentegar e robe tristi .....

Se dopo ghe xe qualcun nea to azienda, fata da ti e ti, che te sconde e carte e e scritture contabii mia colpa tua.
E dopo se te ghè un grande sogno te fa de tutto pa raggiungerlo.
I te insegna a rincorrere i sogni ....

Ma prima o dopo capita che nea partita a scacchi ... quel col basco grigio fassa scacco aea regina e vien torte casa de matina presto e finisse el zogo.
Fine del sogno ....

Perché se no te movi ben tutte e pedine xe logico che i te sgama.
O so che fa figo girar co na cabrio fiammante, dio caro ma i finansieri no i xe tutti ebeti, e co i vede na targa Repubblica de San che no xe Marco nostro, i sdrissa e antenne.

E se i te ferma no xe sol pa veder a macchina o a figa sentà vissina.
Che curiosi dio bello.
Mai farse i cassi sui gnanca questi.
I te insegna a farse sempre i cassi propri ....

E i scopre tutto el teatrin. Compresi chealtri imprenditori veneti del giro.
E i scopre tutto.
E na mattina de fine luglio i vien torte casa. Ricordandote che te te si desmentegà de dichiarar qualche milion de euro …

E alora al posto de champagne pan e acqua.
E i amissi imprenditori de MARIO STRASSE F&A che grassie al so sogno riussiva a evadere ?

Iori indagai per dichiarasion dei redditi fraudolenta ma MARIO STRASSE i lo gà arrestà e i ghe gà sequestrà tutto quel che i podeva pa garantir parte dea restituzione dea somma dovuta all’erario.

Marchiato e accusato de EVASIONE TOTALE.

Pecà de evasion che comunque prima del Nadal 2012, MARIO STRASSE F&A gavea xa scontà visto che el giudice lo gà rimesso in libertà e sospesa a pena.
Un pecà da 1 anno e 4 mesi de reclusion co a sospension condisionae dea pena.

A ciavar MARIO STRASSE F&A xe sta e so passion.
Pae AUTO.
Pai SKEI
Par na vita stile Steve McQueen.
E dei finansieri massa curiosi.
E i soiti vodi de memoria de tanti veneti ....
End.