Thread by @humiraj1

ایک مرتبہ ابو لہب کے بیٹے عتیبہ نے بارگاہِ نبوّت میں گستاخی کی یہاں تک کہ بدزبانی کرتے ہوئے

حضور رحمۃٌ للعالمین ﷺ پر جھپٹ پڑا اور آپ ﷺ کے مقدس پیراہن کو پھاڑ ڈالا۔ اس گستاخ کی بے ادبی سے آپ ﷺ کے قلبِ نازک پر انتہائی رنج و صدمہ گزرا،👇🏻

اورجوشِ غم میں آپ ﷺ کی زبانِ مبارک سے یہ الفاظ نکلے
:اللّٰھُمَّ سَلِّطْ عَلَیْہِ کَلْباً مِّنْ کِلَابِک َ
اے اللہ! اپنے کتّوں میں سے کسی کتّے کواس پر مسلّط فرما دے۔

چنانچہ جب ابولہب اور عتیبہ دونوں تجارت کے لئے ایک قافلہ کے ساتھ ملکِ شام گئے تو رات کے👇🏻

وقت مقام زرقا میں ایک راہب کے پاس ٹھہرے۔ راہب نے قافلے والوں کو بتایا کہ یہاں درندے بہت ہیں اس لئے تمام لوگ ذرا ہوشیار ہو کر سوئیں۔

یہ سُن کر ابو لہب نے قافلے والوں سے کہا کہ اے لوگو!محمد ﷺنے میرے بیٹے عتیبہ کے لئے ہلاکت کی دعا کی ہے۔ لہٰذا تم لوگ تمام تجارتی👇🏻

سامانوں کو اکٹھا کرکے اس کے اوپرعتیبہ کا بستر لگا دو اور سب لوگ اس کے ارد گرد سوجاؤ تاکہ میرا بیٹا درندوں کے حملے سے محفوظ رہے۔

چنانچہ قافلہ والوں نے عتیبہ کی حفاظت کا پورا پورا بندوبست کیا لیکن رات کے وقت اچانک ایک شیر آیا اور سب کو سونگھتے ہوئے کُود کر عتیبہ کے بستر پر👇🏻

جا پہنچا اور اس کے سر کو چبا ڈالا۔

لوگوں نے شیر کو بہت تلاش کیا مگر کچھ بھی پتا نہیں چل سکا کہ یہ شیرکہاں سے آیا تھا اور کدھر چلا گیا۔

[ شرح المواهب ،باب فی ذکر اولادہ الکرام، جلد4 صفحہ 325, 326 (ملخصاً) مطبوعہ دارالکتب العلمیہ بیروت لبنان]👇🏻

اللہ پاک حضورسیدِعالَم علیہ السلام کے گستاخوں کو نیست ونابود فرمائے

۔آمین

فِدَاکَ اَبِیْ وَاُمِّیْ وَرُوْحِیْ وَقَلْبِیْ عَلـٰی رَسُوْلُ اللّٰه ﷺ