Thread by @skpkaruna

7.5% for Aided schools : My opinion.
அரசு உதவி பெறும் பள்ளிகள் (Aided schools) எனப்படும் இவைகள் தனியார் கல்வி அறக்கட்டளைகள், வணிகர் சங்கங்கள், ஹிந்து அமைப்புகள், முஸ்லீம் ஜமாத்கள், கிருத்துவ மிஷினரிகள் போன்றவைகளால் துவக்கப்பட்டு நடத்தப்படுபவை.
1. இங்கு ஆசிரியர்கள் நியமனம்

அறக்கட்டளைகளால் நியமிக்கப்படுவர். சம்பளம் அரசு தரும். இந்த ஆசிரியர் நியமனங்கள்தான் அறக்கட்டளையின் ஜாக்பாட். ஒரு ஆசிரியர் பணி ஓய்வு பெற்ற பிறகுதான் காலி இடம் நிரப்பப்படும் என்பதால் பெரும் போட்டியே அதற்கு நடக்கும். எனக்குத் தெரிந்து ஓய்வு பெற இரண்டு ஆண்டுகள் மீதமிருந்த ஒருவருக்கு

இரண்டு ஆண்டு சம்பளத்தை முன்கூட்டியே தந்து விருப்ப ஓய்வில் அனுப்பிவிட்டு அந்த இடத்தை அறக்கட்டளை செகரட்டரி தனது மகளுக்கு தந்த கதையெல்லாம் உண்டு. பல லட்சங்கள் (30 லட்சம்) கொடுத்து பணிக்கு வந்த ஆசியரின் தரமும், நோக்கமும் எப்படி இருக்கும் என்பது உங்கள் யூகத்துக்கு.,
2. மாணவர் சேர்க்கை

அரசுப் பள்ளிகள் இருக்கும் தெரு வழியே நடந்து சென்றாலே கூட உள்ளே அழைத்து அட்மிஷன் போடுவார்கள். ஆடு மேய்க்கும் தகப்பன் உடன் வந்தாலும் உட்கார வைத்து பிள்ளைக்கு அட்மிஷன் தந்து, கவலைப்படாதீங்க! நாங்க பார்த்துக்கிறோம் என சொல்லி அனுப்பும் தலைமை ஆசிரியர்க்ள் பல ஆயிரம் பேர் இங்குண்டு.

Aided பள்ளியில் அப்படி அல்ல! 100% ரிசல்ட் லட்சியம் என்பதால், நல்ல மார்க் உள்ளவர்களுக்குதான் கேட்கும் குரூப் தரப்படும். 450+ இருந்தால்தான் இங்கே முதல் குரூப். தவிர டியூஷன் கட்டாயம். ஞாயிறு கட்டாய வகுப்பு என மதிப்பெண்களுக்காக தனியார் பள்ளிகளுடன் போட்டிப்போடும் மனோபாவம் இங்குண்டு.

3. இது போக சிறப்புக் கட்டணங்கள், பில்டிங் டொனேசன், ஸ்போர்ட்ஸ் ஃபீஸ் என தனியாக பல ஃபீஸ்களை வாங்கி விடுவார்கள். சில Aided பள்ளிகள் மிக பிரம்மாண்டமாக, தனியார் பள்ளிகள் போலிருக்கும். அங்கே அரசுப் பள்ளிகளுக்கான கேரக்டர் ஏதும் இருக்காது. அவை சாமானியனுக்கானது அல்ல.இவைகளுக்கும் கூட

அரசு அனைத்து நிதி உதவிகளையும் செய்கிறது. அரசுப் பள்ளி மாணவர்களுக்கு வழங்கப்படும் சைக்கிள், லேப்டாப், புத்தகம், பை, காலணி அனைத்துமே Aided பள்ளி மாணவர்களுக்கும் வழங்கப்படுகிறது. 90 %மாணவர்கள் ஏழ்மை மற்றும் Lower middle class என்பதால் அவ்வுதவிகளுக்கு முற்றிலும் தகுதியனவர்கள்தான்.

சரி! 7.5% ஒதுக்கீட்டுக்கு வருவோம். இது போராடி பெற்ற சிறப்பு ஒதுக்கீடு. 7.5% என்பது அநேகமாக 300 மருத்துவக் கல்வி இடங்கள் வரும். இந்த இடங்களுக்கு aided பள்ளி மாணவர்களையும் அனுமதித்தால், 280 இடங்களை அவர்களுக்கு சென்று விடக்கூடும். காரணம் 1 : பத்தாம் வகுப்பில் சிறப்பான மதிப்பெண்

பெறுபவர்கள்தான் இங்கே தேர்வு செய்யப்படுகின்றனர்.
2. தனியார் மேனெஜ்மெண்ட் தங்களுக்கு பெயர் கிடைக்க வேண்டி செலவு செய்து கோச்சிங் வகுப்புகள் நடத்துகின்றனர்.
3. அந்தப் பள்ளி மாணவர்களுக்கு நீட் இடம் கிடைத்தால் அதை பெரிதாக விளம்பரப்படுத்தி வேற பல பயன்களை அடைவார்கள்.
4. Aided பள்ளி

மாணவர்களும் பெரிய வசதி படைத்தவகள் இல்லை என்றாலும், அவர்கள் 12ம் வகுப்பில் தேர்ந்தெடுக்கப்படும் செலக்‌ஷன் சிஸ்டம் அவர்களுக்கு ஒரு advantage தருகிறது.
இவை எதுவுமே இல்லாத அரசுப் பள்ளி மாணவர்களுக்கு 7.5% முதல் preference தரப்பட வேண்டும் என நினைக்கிறேன். ஒரு ஐடியல் கிராமப்புற

மாணவன் / மாணவி 9ம் வகுப்பு வரை விளையாட்டாக இருந்து 10ம் வகுப்பில் சுமார் மதிப்பெண்களுடன் தேர்ச்சி பெற்றி மேல்நிலைப் பள்ளிக்கு சென்று, அங்குள்ள ஆசிரியர்களால் திறமையை அடையாளம் காணப்பட்டு, ஊக்குவிக்கப்பட்டு இறுதியில் +2 வில் உயர் மதிப்பெண் எடுப்பார்கள். இதில் இன்னொரு catch உண்டு.

10 ம் வகுப்பில் நல்ல மதிப்பெண் பெறுபவர்களை தனியார் பள்ளிகள் அணுகி முழு ஸ்காலர்ஷிப் உடன் தங்கள் பள்ளிகளுக்கு எடுத்துக் கொள்வார்கள். அங்கே சென்று இவர்கள் பெரும் ரேங்க்குகளை தங்கள் வெற்றி பேனரில் போட்டுக் கொள்வதற்காக! அரியலூர் அனிதாவுக்கு நேர்ந்தது போல! இந்த 7.5% ஒதுக்கீடு இவைகளை

தடுக்கும். 10ம் வகுப்பு வரை படிக்க வைத்து சிறப்பான மதிப்பெண் பெற வைத்த அரசுப்பள்ளி ஆசிரியர்களுக்கு 12ம் வகுப்பில் அதை செய்யத் தெரியாதா என்ன?
எனவே, இந்த 300 இடங்கள் முதலில் முழுமையான அரசுப்பள்ளி மாணவர்களுக்கு மட்டுமே சேர வேண்டும். அடுத்த compartment தான் அரசு உதவி பெறும் பள்ளி

மாணவர்களுக்கு தரப்பட வேண்டும். இருக்கும் 300 இடங்களை அவர்களுடன் பகிர்ந்தால், தனியார் மேனேஜ்மெண்ட் பள்ளி மாணவர்கள் பெரும்பகுதியை எடுத்துச் செல்வதைத் தவிர்க்க இயலாது. அது சாதி, வர்க்கப் படிநிலையில் அடிமட்டத்தில் இருக்கும் பிள்ளைகளுக்கான நியாயம் ஆகாது என்பது என் கருத்து.

எதிர்காலத்தில் தமிழக மருத்துவக் கல்வி இடங்களை 15% மத்திய தொகுப்புக்குத் தந்தது போக, மீதமுள்ளவற்றில் 50% அரசுப்பள்ளி மாணவர்களுக்கு தர வேண்டும். அப்போது உள் ஒதுக்கீடாக இந்த Aided பள்ளி மாணவர்களுக்கும் தரலாம். NEET விலக்கு வாங்கினாலும், அரசுப்பள்ளி சிறப்பு ஒதுக்கீடு தேவை. நன்றி.