Thread by @Lavvelenata

Ve conto na storia.
N’altra #storiavivaeveneta.
Na brutta storia veneta anca questa che però dimostra come a passion pa far impresa e fare l’impresa dea vita vien applicata tut-curt indipendentemente dal sesso del Paron.

Ghemo imprese che fasendose el cueo, spuando sangue e besteme deventa lider de settore e ghemo imprese ghe deventa lider fasendo bueae e bojae.

E prime vien riconossue dal mercato e seconde sassina el mercato.
E no centra el sesso del Paron.
No serve leggi de parità.
Gnente quote rosa.
I mona xe sia femene che maschi.

Xe na storia veneta anca questa.
Na storia che gà a che far col bere (e no podaria essar diversamente visto che semo un popoeo de imbriagoni (cit) e co milioni de fatture false (e no podaria essar diversamente visto che semo un popeo de evasori (cit).

Oggi ve conto a storia dea signora MARIA LEDI FATTURE. FALSE.
MARIA LEDI FATTURE (FALSE) uain & distiled spirits.

MARIA LEDI FATTURE (FALSE) no gà un casso da spartir coe Donne che gà fatto granda a Serenissima Repubblica de Venessia.
Gnente a che veder coea Elisabetta Carminer Turra, coea Elena Lucrezia Corner Piscopia o co chea santa donna dea Veronica Franco.

E gnanca co a prima forma de indipendensa professionae femminie dee Impiraresse de Muran o e merlettare de Buran.

Ma nel suo a nostra MARIA LEDI FATTURE (FALSE) xe sta na testina fina. Perché anca pa far bojae ghe vol testa. Bisogna pianificar ben tutto e risciar. Come pa far impresa fata par ben.
Ghe vol testa anca a far e vaccae. E a nostra MARIA LEDI FATTURE (FALSE) no iera stupida.

Xa districarse nea contabiità normae xe un casin parchè i te cambia de continuo e carte in toea figuremose gestir na contabiità parallela.
Ghe vol testa dio caro.
No se se improvisa mia evasori.
Va ben che ghe xe grandi maestri in merito ma …

Xe che i a gà sgammà a nostra MARIA LEDI FATTURE (FALSE). Capita. Xe na rulette russa. In mezo a tanti che evade capita che ogni tanto qualcun i lo beca.
Xe a stessa possibiità che l’unico proiettie dea rivoltea te oltrepasse a testa co te premi el grilletto.

E co i a gà sgammà i ghe gà tatuà el so reato: 200 milioni de euro de fatture. False.
DOXENTO MILIONI DE EURO.

A MARIA LEDI FATTURE (FALSE) gà messo su un colosso nea vendita de bevande, alcoliche e no, battendo tutti vendendole a sottocosto.
A lider dee bevande.
A dominante nel commercio de vin e spiriti.

MARIA LEDI FATTURE (FALSE) che oltre a aver ciavà el Fisco gà ciavà anca i so coregionai onesti che prova lavorar onestamente e che nea magior parte dei casi oltre a finir e besteme finisse sol lastrico.

MARIA LEDI FATTURE (FALSE) che de diritto entra nea categoria #veneticheodiaiveneti.
Ma no tutti.
Sensa generalizzare (cit).

DOXENTO MILIONI DE FATTURE FALSE xe mal contai 44 milioni de frode IVA.
In fila per sei col resto di due.

Grande mente a nostra MARIA LEDI FATTURE (FALSE). Xe riussia far rete co altri 68 imprenditori veneti e prestanome tra Vicensa, Padova, Treviso e Rovigo.
E internasionaizarse.

Perché in sta storia ghe xe de mezo anche altre società comunitarie. Che però no esiste. Esiste e no esiste.
E dopo che le imprese venete no fa rete dio caro.
E che xe prevalentemente agricoe e rurai (cit) e sensa vocasion estera.

Na rete de imprese, co a nostra MARIA LEDI FATTURE (FALSE) come proget menager , co obiettivo far e usar fatture de operasion insesistenti, occulatamento e distusion de documenti e scritture contabii e de conseguensa vodi de memoria nel presentar dichiarasion.

Ridì voialtri … i vodi de memoria fa far brutti schersi.

In mezo tra primo venditore e a MARIA LEDI FATTURE (FALSE) a costellasion de Orione e Sirio de società fittissie. De cartiere. Cartiere che se passa a stessa partia de bottiglie sensa gnanca vederle.
Bottiglie che riva in Italia daea Romania o daea Slovenia in esension IVA.

Bottiglie che riva da società foreste co amministratori foresti e fantasmi. Omenetti de paja pagai sol pa far finta de essar amministratori. Società foreste sensa sede sociaee.

Società foreste che dovea sol far apparir bottiglie nazionalizzate come provenienti da fornitore comunitario e in quanto tai esenti da IVA.

Società foreste ovviamente cartiere.
A ste società foreste a MARIA LEDI FATTURE (FALSE) ghe versava l’IVA. I omanetti de paja se desmentegava versarla all’erario ma i se ricordava dea MARIA LEDI FATTURE (FALSE) ...

... e i ghea tornava indrio con vendite sottocosto (manco 15% del prezzo de acquisto) e ogni tanto l’1% i gheo portava in contanti in qualche autogrill de l’A4. IVA restituia come vendita sottocosto

Fasea tutto a MARIA LEDI FATTURE (FALSE). Trovava ea i omanetti de paja, verzeva e gestiva ea e società foreste, smistava ea skei in contanti.
Ghe vol testa a far bojae. E anca fegato.

Ma co testa e fegato te deventi anca lider. E te te ne ciavi de quei che lavora correttamente.

E va tutto ben finchè no i te sgama quei che pa lavoro scolta e teefonae o che riceve come nea Serenissima Repubblica de Venessia dentro na Bocca del Leon na denuncia anonima dei evasori …

Xe che a MARIA LEDI FATTURE FALSE no xe sta mia condannà al remo … xe sol finia in gaera e sequestrai tipo 1,7 milioni de euro tra skei e beni. Tutto el so patrimonio personae.

Grassie MARIA LEDI FATTURE FALSE te gà dimostrà che no serve e quote rosa o e leggi de genere pa essere mona.
End.