Thread by @PunjabiWarriorr

#garrisonstate
پہلی قسط

پنجاب پہ انگریزوں کا قبضہ ۔
انیسویں صدی کے آغاز میں پنجاب پہ سکھوں کا قبضہ تھا موجودہ صوبہ خیبرپختونخواہ کا بیشتر بندوبستی علاقہ اسوقت اس سلطنت کا حصہ تھا 1846 میں پہلی انگریز سکھ جنگ ہوئی جسکے نتیجے میں انگریز جالندھر اور ہوشیار پور کے اضلاع پہ

قابض ہو گئے 1849 میں دوسری سکھ انگریز جنگ ہوئی جسکا سبب انگریز کی پیادہ فوج کی دو رجمنٹس کی بغاوت بنی اس بغاوت کو کچلتے کچلتے پورا پنجاب انگریزوں کے قبضے میں چلا گیا اس قبضے کے بعد سکھوں کے مستقبل کے بارے انگریز فوج کے اعلیٰ افسران میں بحث کا آغاز ہوا کہ آیا انکو انگریز فوج

میں شامل کیا جائے یا ان سے اسلحہ واپس لیکر انکو منتشر کر دیا جائے سکھوں کی تربیت فرانسیسیوں اور پرتگالیوں کے ہاتھوں ہوئی تھی لہٰذا یہ اچھے تربیت یافتہ تھے اور انگریزوں کے لیے کارآمد ثابت ہو سکتے تھے لیکن دوسری طرف ان میں مذہبی جذبہ بہت زیادہ تھا جسکی وجہ سے انکی طرف

سے بار بار بغاوت کا خدشہ بھی اپنی جگہ موجود تھا فیصلہ یہ ہوا کہ سکھوں سے اسلحہ لیکر انہیں منتشر کر دیا جائے سکھوں سے مختلف قسم کے ایک لاکھ بیس ہزار ہتھیار واپس لیے گئے اور پچاس ہزار سکھ سپاہیوں کو لہور میں جمع کر کے کچھ معاوضہ دینے کے بعد منتشر کر دیا گیا انگریزوں نے سکھوں کے

خلاف یہ ساری جنگ اپنی بنگال آرمی کے ذریعے لڑی تھی واضح رہے کہ برطانیہ نے برصغیر میں گھسنے کے بعد ابتداء میں وفاق کے تحت تین صدارتی افواج (presidential armies) قائم کی تھیں یعنی بنگال آرمی بمبئی آرمی اور مدراس آرمی ۔ پنجاب پر قبضے میں پیش پیش رہنے والی بنگال آرمی میں موجود مقامی

فوجیوں کا تعلق زیادہ تر بنگال بہار اور اڑیسہ کے علاقوں سے تھا اور بنگال آرمی کے انگریز فوجیوں کو شامل کیا جائے تو پنجاب میں بنگال آرمی کی کل افرادی قوت پچاس ہزار بنتی تھی
انگریز کے تحت پنجاب کے پہلے فوجی دستے کا قیام ۔
پنجاب اور سرحد پہ قبضے کے بعد انگریزوں کی توجہ

قبائلی علاقوں کیجانب مبذول ہوئی کیونکہ اس سے پہلے سکھوں کو بھی قبائل کی طرف سے حملوں کا سامنا رہتا تھا انگریز نے پنجاب کو قبائل کے حملوں سے محفوظ کرنے کے لیے "پنجاب کی بے قاعدہ سرحدی فوج" قائم کی آغاز میں اس بے قاعدہ دستے میں چار یورپی افسر 16 مقامی افسر اور نو سو سپاہی بھرتی

کیے گئے مقامی سپاہیوں میں 50 فیصد پنجابی مسلمان 20فیصد سکھ اور 25 فیصد باقی قوموں کے ہندوستانی شامل تھے اس دستے کا قیام "پاکستان فوج" کا نقطہءآغاز ھے
بے قاعدہ فوج میں بھرتی ہونے والے پنجاب کے سپاہیوں کی کارکردگی سے مطمئن ہونے پر 1851 میں پنجاب سے تعلق رکھنے والے لوگوں کو

بنگال آرمی میں باقاعدہ طور پہ بھرتی کرنے کی اجازت دے دی گئی تاہم یہ اجازت اس شرط پہ تھی کہ ہر رجمنٹ میں دو سو سے زیادہ سکھ نہ ہوں کیونکہ سکھوں سے انگریزوں کو بغاوت کا خطرہ بدستور باقی تھا البتہ عملاً ایک رجمنٹ میں بمشکل بیس سکھ ملتے تھے اور باقی زیادہ تر مسلمان اور پھر ہندو

ہوتے تھے نتیجتاً بنگال فوج کی کل 47 رجمنٹس میں سکھوں کی کل تعداد تین ہزار سے تجاوز نہ کی
1857 کی جنگ آزادی میں پنجاب کا کردار ۔
10 مئی 1857 کو بنگال آرمی کی میرٹھ میں تعینات دو رجمنٹوں "بیسویں بنگال مقامی پیادہ رجمنٹ" اور "تیسری ہلکی گھڑسوار رجمنٹ" نے بغاوت کر دی آہستہ آہستہ

باغیوں کے ساتھ آبادی کے دیگر طبقات بھی شامل ہو گئے انگریز کے لیے یہ سخت پریشانی کی بات تھی کیونکہ پنجاب پہ قبضہ برقرار رکھنے کی ضامن بنگال آرمی ہی میں بغاوت ہو گئی تھی بنگال آرمی میں اسوقت تئیس ہزار گورے افسر تھے جنکی زیادہ تعداد پنجاب میں تعینات تھی بغاوت کو پنجاب تک پھیلنے

سے روکنے کے لیے انگریز نے پنجاب میں تعینات بنگال آرمی کے مقامی سپاہیوں سے بھاری اسلحہ واپس لینے کا فیصلہ کیا بنگال آرمی میں اسوقت مقامی فوجیوں کی کل تعداد ایک لاکھ پینتیس ہزار تھی پنجاب میں تعینات دس ہزار تین سو چھبیس گورے افسروں نے پنجاب کی بے قاعدہ سرحدی فوج (PIFFers) کے

ساتھ ملکر جسکی افرادی قوت اسوقت تک تیرہ ہزار چار سو تیس تک پہنچ چکی تھی امرتسر لہور ملتان اور جہلم میں بنگال آرمی کے مقامی فوجیوں سے ہر قسم کے ہتھیار واپس لے لیے یوں پنجاب میں تعینات فوج میں بغاوت کا خطرہ ختم ہو گیا پنجاب سے فارغ ہونے کے بعد دہلی کی طرف توجہ کی گئی دہلی میں

موجود افسران جنکی قیادت جنرل آرتھر ولسن کر رہا تھا مسلسل پیغام بھیج رہے تھے کہ اگر جلدی کمک نا پہنچی تو انہیں مزید پیچھے ہٹنا پڑے گا چنانچہ انکی مدد کے لیے پنجاب سے مزید رجمنٹس بھیجی گئیں جن میں درج ذیل رجمنٹس شامل تھیں
1- بارہ مختلف یورپی رجمنٹس
2- چوتھی سکھ رجمنٹ

3- پہلی پنجاب پیادہ رجمنٹ
4- پہلی پنجاب گھڑسوار رجمنٹ
5- پنجاب گھڑسوار فوجیوں کا دوسرا اسکواڈرن
6- پنجاب گھڑسوار فوجیوں کا پانچواں اسکواڈرن
لیکن اس کمک سے بھی ضرورت پوری نہیں ہوئی
جاری ھے

@threadreaderapp @threader_app compile please