Thread by @Saksham35690081

⭕ #*लबाडलांडगढोंग_करतेय
#ओबीसीसावधहो* ⭕
- अनिल भोईर, ओबीसी कार्यकर्ता

काळच भारतीय जनता पक्षा कडून ओबीसीच्या विविध मागण्या करिता मोर्चा आयोजित करणार आहेत असे कळाले, अशीच नाटक काही दिवसांपूर्वी काँग्रेस आणि वंचित बहुजन आघाडी तर्फे करण्यात आली होती.

काँग्रेस असो व भाजपा दोन्ही पक्षांनी ओबीसींचा वापर फक्त मतपेटी म्हणूनच केला आहे. ओबीसींच्या जनगणनेच्या चळवळीच्या इतिहासात डोकावून पाहिले तर अगदी नेहरूनि गुंडाळलेला अन इंदिरा गांधीनि अडगळीत टाकलेला कालेलकर आयोग असो,

वा सत्तेसाठी कालेलकर आयोग मंजूर करू असे आश्वासन देणारे पण सत्तेत आल्यावर वेळ काढून नेण्यासाठी नवीन मंडळ आयोग स्थापणारे मोरारजी देसाई असोत,मंडळ आयोगाला विरोध म्हणून रथयात्रा काढणारे लालकृष्ण अडवाणी,ओबीसींना शैक्षणिक आरक्षण मिळू नये म्हणून दैवगोडा सरकार पाडणारे

अटलबिहारी वाजपेयी असोत, वा 2014 ला निवडून आल्यानंतर मद्रास हायकोर्टात ओबीसींची जनगणना करणार नाही असे शपथपत्र सादर करणारे व 2019 च्या निवडणुकी आधी ओबीसींची जनगणना करू असे आश्वासन देऊन निवडुन येणारे बोलबच्चन नरेन्द्र मोदी असोत वा मंडळ बंडल आहे सांगणारे व 2006 ला

ओबीसींना उच्च शिक्षणात मिळणाऱ्या आरक्षणाला विरोध करणारे बाळासाहेब ठाकरे असोत या प्रत्येक नेत्यांनी व त्याच्या प्रस्थापित पक्षानि ओबीसींची कायम दिशाभूल आणि शोषण करायचंच काम केलं आहे.

अगदी आम्ही 2019 च्या निवडणुकी आधी ओबीसी जातीनिहाय जनगणना या विषयावर जनजागृती करत असताना तुम्ही

भाजपा ला विरोध म्हणून खोट सांगताय नरेंद्र मोदी प्रणित भाजपा हा कसा ओबीसींची जनगणना करणार आहे व नरेंद्र मोदी हे स्वतः ओबीसी आहेत असे छातीठोकपणे सांगणारे भाजपचे ओबीसी कार्यकर्ते मात्र आज तोंडावर पडले आहेत आणि आपल्या गळ्यात बांधलेल्या गुलामीचे साखळदंड फेकून द्यायच्या ऐवजी स्वतःच्या

राजकीय अस्तित्वाच्या भितीपोटी केंद्र सरकारला व आपल्या पक्षाला जाब न विचारता व आपल्या पदाला चिकटून राहून ओबीसींच्या मागण्या साठी मोर्चे काढायची भाषा करता आहेत.
2021 च्या जनगणनेत पण भाजपा आणि मोदी सरकार ओबीसींची जनगणना करणार नाही हे जवळ जवळ स्पष्ट झालंय पण

ओबीसींच्या विविध संघटना नेटाने लढा देत आहे आतापर्यंत हजारो मोर्चे निघाले, हजारो सभा झाल्या, सर्व प्रकारची आंदोलने करून, लाखो पत्र, ई-मेल, केंद्र शासनाला देशभरातून पाठवण्यात आली, करोडो ट्विट्स करण्यात आली मात्र या सर्वांकडे दुर्लक्ष करून पुतांना मावशीचे प्रेम दाखवणारे आज

ओबीसींच्या मागण्यासाठी मोर्चे काढायची भाषा करता हेत हे संतापजनक आणि तेवढेच हास्यास्पद आहे.

माझी सर्व ओबीसी बांधवाना एकच विनंती आहे की तुमच्या मताची लचके तोडायला आलेले हे लांडगे वेळीच ओळखा व याचा बंदोबस्त करा. भाजपा, काँग्रेस, शिवसेना, राष्ट्रवादी मनसेच्या ओबीसी कार्यकर्त्यांना

एकाच विनंती आहे स्वताच स्वाभिमान जागृत ठेवून आपल्या पक्षश्रेष्टीना ओबीसीं जनगणनेच्या मुद्यावर जाब विचारा व ओबीसी सेल काढण्याऐवजी ओबीसी चळवळीचं काम प्रामाणिक पणे करणाऱ्या कार्यकर्त्यांना, चळवळींना व संघटनांना बळ द्या,

उगाच फेल असलेल्या ओबीसी सेल मध्ये चतकोर तुकड्या साठी व पदासाठी वेळ वाया घालवू नका व समाजाला पक्षाच्या गळ्यात बांधू नका.

मुळात आतपर्यंत सत्तेवर आलेलें काँगेस भाजपा याची नेतृत्व ही कायम ब्राह्मण नेतृत्वाच्या हाताखाली राहिली आहे.

काँग्रेस म्हणजे छुपे संघी असलेल्या लोकांचा पक्ष व भाजपा म्हणजे उघड संघी व टोकाचा ब्राह्मणवाद पाळणारा व येथील मूळ हिंदूंवर वैदिक समाजच वर्चस्व कसे राहील व राजसत्ता व प्रशासन व्यवस्था आपल्याच ताब्यात कशी राहील अश्या ध्येयाने पछाडलेल्या लोकांचा पक्ष.

त्यातल्या त्यात भाजपवर संघाचं जास्त वर्चस्व असल्याने आपसूकच तो शेटजी भटजीचा पक्ष आहे हे जगजाहीर आहे, तिथे ओबीसींना फक्त पोजिशन मिळेल पॉवर नाही. मुळात संघाची भूमिका ही कायमस्वरूपी आरक्षण विरोधी राहिली आहे, बहुजन समाजाला उघड विरोध हे करू शकत नसल्याने विषय डायवर्ट करण्यासाठी हे

मुस्लिम, बौद्ध, ख्रिश्चन अश्या अल्पसंख्याक समाजाला टार्गेट हे लोक करत असतात, यामुळे आपसूकच नकळतपणे ओबीसी याच्या मागे ओढला जातो ही लबाडी आता ओबीसींच्या लक्षात यायला हवी. बहुजन चळवळी डायव्हर्ट करण्यासाठी ओवेसी, केजरीवाल, चंद्रशेखर आझाद ही पात्रही यांनीच उभी केलीत.

अश्रफ (उच्चवर्णीय मुसलमान) ओवेसीनि हिंदूंवर गरळ ओकायची व हिंदुत्ववादाच्या नावाखाली sc, ST आणि ओबीसींनि एकत्र येऊन बहुजन चळवळीना फाटे फोडायचे, प्रखर हिंदुत्वावादी अशी आभासी प्रतिमा माध्यमानि उभे केलेल्या नरेंद्र मोदींवर केजरीवाल यांनी गरळ ओकायची आणि नुकसान मात्र बहुजन ओबीसींच्या

नेतृत्वाच्या समाजवादी पक्ष, जनता दल या पक्षांनी सोसायच ही नियोजित योजना आहे.

ओबीसी चळवळी या देशात आता वेग धरू लागल्या आहेत, मोठया प्रमाणात जनजागृती होत आहे. प्रामाणिक ओबीसी कार्यकर्ते आपली नोकरी व्यवसाय सांभाळून प्रसंगी कुटुंबाकडे दुर्लक्ष करून चळवळीचं काम करतात त्यांना बळ

देण्याची गरज आहे व पक्षासाठी ओबीसींच्या मताची दलाली करणाऱ्या राजकीय नेते व कार्यकर्त्याच्या ढुंगणावर लात मारण्याची तयारी ओबीसी बांधवांनी ठेवली पाहिजे. पण जे ओबीसी नेते राजकीय नेते ओबीसींच्या साठी उघड भूमिका घेत असतील

त्यांना पाठिंबा देण्याची व बळ देण्याचाही समजूतदार पणा समाजाने दाखवला पाहिजे.

जे भाजपा ओबीसी मोर्चाचे लोक ओबीसींच्या मागण्यासाठी आंदोलनाची भाषा करत आहेत त्यांनी, केंद्र सरकारला विचारावं की
1. सरकारने ओबीसींच्या शिष्यवृत्ती मध्ये कपात का केली?

2. 2019 च्या निवडणुकीत ओबीसी जंगणेच आश्वासन देऊन पण 2021 च्या प्रस्तावित जनगणनेत ते ओबीसींची स्वतंत्र जनगणना करायला का तयार नाहीत.

3. ओबीसींच्या संसदीय समितीने क्रीमिळेअर ची अट 15 लाखाची शिफारस असताना, तातडीने BP शर्मा कमिटी बसवून ती 12 लाख पर्यंत कमी का केली गेली तसेच शेती आणि

नोकरीतील उत्पन्न जे क्रीमिळेअर साठी पकडत नव्हते त्याचा क्रीमिळेअर मध्ये आणण्याचा अट्टहास केंद्र सरकार का करते?

4. युनिव्हर्सिटी मध्ये 13 पॉईंट रोस्टर का लागू केले गेले?

5.सरकारने लॅटरल एन्ट्री च्या नावाखाली UPSC च्या परीक्षेच्या ऐवजी थेट खाजगी क्षेत्रातून IAS ऑफिसर भरतीचालू केली आहे . भरती केलेल्या अधिकाऱ्यात एकही OBC, SC आणि ST उमेदवार का नाहीये. दिवसरात्र UPSC चा अभ्यास करणाऱ्या मुलावर हा अन्याय नाही का?

6. क्रिमिलेयरची अट लावून ओबीसी च्या 314 *UPSC पास झालेल्या विद्यार्थ्यांना सरकारने घरी बसवले आहे हे म्हणजे स्पर्धा परीक्षेची दिवसरात्र तयारी करणाऱ्या मुलाचं मानसिक खच्चीकरण नाही का?

7.मागील फडणवीस सरकारने ओबीसी विद्यार्थ्यांना असलेल्या परदेशी शिष्यवृत्ती साठीच्या असलेल्या 20 जागा सरकारने बंद करून खुल्या प्रवर्गासाठी ठेवून ओबीसींवर अन्याय केला आहे. तुम्ही ओबीसी समाजातील प्रतिनिधी म्हणून राज्य सरकारला किती वेळा प्रश्न विचारला?

8. रोहिणी कमिशन द्वारे ओबीसीच सब कॅटेगरिसशन करून सरकार ओबीसी च्या मध्ये फूट पाडण्याचा प्रयत्न करत आहे. तुम्ही ओबीसी म्हणून केंद्र सरकारला प्रश्न का विचारात नाही येत

9. आरक्षण हे सामाजिक व शैक्षणिक मागासलेपणाच्या आधारावर मिळत असताना ओबीसींना आर्थीक निकष का लावले गेले आहेत, क्रीमिळेअर ची अट रद्द करण्याची हिम्मत प्रस्थापित भाजपा सरकार करेल का?

अशे नांनावधी प्रश्न या ओबीसी सेल च्या व मोर्चाच्या लोकांनी कधी सरकारला व पक्षाच्या नेतृत्वाला ओबीसी सेल च्या लोकांनी कधी विचारले आहेत का? आणि विचारून पक्ष आणि नेतृत्व त्याची दखल नसेल तर अश्या पक्षाच्या पदाचा राजीनामा द्यायची तुमची तयारी आहे का?

म्हणून तमाम ओबीसी बांधवाना एकच विनंती योग्य आयोग्याची पारख करा व चळवळींना, प्रामाणिक कार्यकर्त्यांना व संघटनांना बळ द्या.

जय जगतगुरु तुकाराम महाराज, जय जिजाऊ, जय शिवराय, जय ज्योती, जय भीम, जय भारत, जय ओबीसी🙏