Thread by @_NadeemZaidi

@SdqJaan
ایک ایسے مندر کی خبر جو کوئی دوسرا نہیں دے گا

متروکہ وقف املاک کی زیر سرپرستی انارکلی لاھور میں موجود انیسویں صدی کے ایک مندر کو جس کا نام "برھم سماج مندر" تھا، مسمار کر کے اس کی جگہ ایک پلازا تعمیر کیا جا چکا ہے حالانکہ متروکہ وقف املاک کے قوانین کے مطابق قدیم
1/4

تعمیرات کی ایک بھی اینٹ ہٹانے تک کی اجازت نہیں ہوتی اور نہ ہی ایسی املاک پر کوئی نئی تعمیرات کی جا سکتی ہیں مگر اس کے باوجود اس مندر کو مسمار کر کے اس کی زمین عقب میں موجود پلازہ میں شامل کر دی گئی اور پلازہ نے اس زمین کو اپنی توسیع میں استعمال کر لیا

یہاں یہ بھی بتاتا چلوں
2/4

کہ وہ مندر ہندؤوں کا نہیں تھا۔ 1810 عیسوی میں ہندوستان کے ایک شہری (جس کا نام راجہ رام مومن رائے تھا) نے ایک نیا مذہب (برھمو سماج) ایجاد کیا تھا، اس نے اپنے اس نئے مذہب میں تمام مذاہب سے اپنے پسندیدہ عقائد کو اکٹھا کیا تھا جس میں اللہ کی واحدانیت کو مرکزی حیثیت حاصل تھی۔ اسہی
3/4

لیے برھمو سماج مندروں میں ایک اللہ کی ہی عبادت (نماز کی شکل میں نہیں) ہوتی تھی اور وہاں کوئی بُت نہیں ہوتا تھا

لاھور میں نسبت روڈ پر موجود دیال سنگھ کالج کے بانی سردار دیال سنگھ بھی "برھمو سماج" کے ہی پیروکار تھے

برہم سماج مندر کا پتہ "6 ہسپتال روڈ، نئی انارکلی، لاھور" تھا
4/4

یہاں یہ بھی بتا دوں کہ اس مندر کو مسمار ہوئے اور وہاں پلازہ بنے ہوئے 10 سال سے زیادہ ہو چکے ہیں