Thread by @Sakthi45929949

🌷 #வான்புகழ்_வள்ளுவம்🌷

#பால் - #பொருட்பால்
#இயல் - #அரசியல்
#அதிகாரம் - 55 - #செங்கோன்மை
#குறள் - 545.

#இயல்புளிக்_கோலோச்சும்_மன்னவன்_நாட்ட.
#பெயலும்_விளையுளும்_தொக்கு.

#விளக்கம் 😗 - அறநூல்கள் கூறும் இயல்போடு , செங்கோல் நடத்தும் அரசன் ஆளுகின்ற நாட்டில் - 1/11

பருவமழையும், நிறைந்த விளைவும் ஒன்று கூடி நல்ல பயனைத் தரும்.
🌷🌷🌷🌷🌷🌷🌷🌷🌷🌷

பண்டைய நம் அரசர்கள் செங்கோல் கோணாது ஆட்சி செய்தனர்.நயன்மை, நேர்மை, தொண்டு மனப்பான்மை, குடியோம்பல், நல்லாட்சி என்பதையே குறிக்கோளாகக் கொண்டு ஆட்சி செய்தனர்.நேர்மையாக ஆட்சி புரிந்து குடிமக்களைக் - 2/11

காப்பதே நல்ல அரசனின் தலையாய கடமையாக இருந்தது. நயன்மை தவறாது செங்கோலாட்சி செய்கின்ற அரசன் ஆளும் நாட்டினில் பருவமழை பொழிந்து, நிறைந்து விளையும்.

#இக்குறளுக்கு_ஏற்புடைய_சில_இலக்கியப்_பதிவுகள் : -

கொற்றவ னறிதல் உற்றிடத் துதவி.
#கொன்றை_வேந்தன் - #ஒளவையார்.

அரசனானவன் அறிதல் - 3/11

உற்ற நேரத்தில் உதவி செய்தல் ஆகும்.

மன்னவர்க் கழகு செங்கோன் முறைமை.
#நறுந்தொகை_அதிவீரராமபாண்டியர்.

நல்ல அரசனுக்கு அழகாவது தமது அரசை நயன்மை வழுவாது செங்கோல் முறைப்படி ஆட்சி செலுத்துதல் ஆகும்.

ஒன்றின் தெரியா சிறைப்புறத் தோர்துமெனப்
பொற்றோள் துணையாத் தெரிதந்தும் குற்றம் - 4/11

அறிவரிதென் றஞ்சுவதே செங்கோன்மை சென்று
முறையிடினுங் கேளாமை யன்று.

#நீதிநெறி_விளக்கம் - #குமரகுருபரர்.

ஒற்றர்களால் தெரியப்படாத உண்மைகளை ஒதுக்கிடங்களிலிருந்து தானே நேரில் சென்று தெரிந்து கொள்வது முதலான குடி மக்களின் நலங் காண்டலிலேயே அரசனுக்கு கருத்திருக்க வேண்டும் - 5/11

“கோல்நோக்கி வாழுங் குடியெல்லாம் "
#நான்மணிக்கடிகை - #விளம்பி_நாகனார்

அரசனது நல்லாட்சியால் குடிமக்கள் நலமாக உயிர் வாழ்வர்.

வணங்கி வழியொழுகி மாண்டார் சொற்கொண்டு
நுணங்கிய நூனோக்கி வாழ்வான் பழியில்லா மன்னனாய்
நூனோக்கி வாழ்வா னுனித்து.
#ஏலாதி - #கணிமேதையார் - 6/11

பிறருக்குப் பணிந்து நடப்பவனாய், சான்றோர்களின் அறிவுரைகளை மேற்கொண்டு போற்றத்தக்க செந்நெறியில் நடப்பவனாய், அறநூல்கள் எடுத்தியம்பியபடி வாழுபவன் பழியற்ற மன்னனாய் பெருவாழ்வு வாழ்வான்.

வாயிற் கடைமணி நடுநா நடுங்க
ஆவின் கடைமணி உகுநீர் நெஞ்சு சுடத்தான் தன்
அரும்பெறல் புதல்வனை - 7/11

ஆழியின் மடித்தோன்.
#சிலப்பதிகாரம் - #இளங்கோவடிகள்.

கன்றினை இழந்த பசுவின் கண்ணீருக்கு இரங்கி தன் அருமை மகனை தேர்க்காலில் இட்டுக் கொன்ற மனுநீதிச் சோழனின் செங்கோன்மையே அவனது சிறப்புக்குக் காரணமாகும்.

வையம் இன்புறின் மன்னன் இன்புறும்
வெய்யது ஒன்றிறின் தானும் வெய்துறும் - 8/11

#சூளாமணி - #தோலா #மொழித்_தேவர்.

ஒரு நல்ல அரசன் குடிமக்கள் மகிழ்ச்சியாக இருந்தால் தானும் மகிழ்வான். குடிமக்கள் துயருற்றால் தானும் துயருறுவான்.

தாழ்ந்த குடையன் தளர்ந்த செங்கோலன்
பொன்செய் கொல்லன் தன்சொல் கேட்ட
யானோ அரசன் யானே கள்வன்.
#சிலப்பதிகாரம் - #இளங்கோவடிகள் - 9/11

#சிலப்பதிகாரம் - #இளங்கோவடிகள்.

ஆராயாமல் தீர்ப்பு வழங்கிய பெரும் பிழைக்கு நாணி இன்னுயிர் நீத்தான் பாண்டியன் நெடுஞ்செழியன்.

பண்டைய மன்னர்கள் செங்கோன்மைக்கு முக்கியத்துவம் தந்தார்கள். குடிமக்களுக்கு மட்டுமன்றி விலங்குகள், பறவைகளிடத்தும் அன்பு காட்டி நயன்மை தவறாது - 10/11

நல்லாட்சி செய்தனர்.

🌷 #செங்கோன்மை🌷

#செங்கோல்_அரசனின்

சீர்மிகு நாட்டில்
பருவமழை பொழியும்
பயிர்களும் விளையும்
கோலது தவறாத
கோனாட்சி நடந்திடின்
அமைதி தழைக்கும்
அறநெறிகள் செழிக்கும்
நயன்மைகள் நிலைக்கும்!!! - 11/11

“Un roll” @threadreaderapp