Thread by @MilindG11975687

शेतकऱ्यांना कायम सतावणारी बाब म्हणजे शिंपणे
हे जर शिंपणे जर शेतकरी वेळ काढून करू लागला तर शेतात पाणी मिळून चांगले पीक येते
मी स्वतः नोकरीत ही आहे आणि मसाला शेतकरी आहे
मी शेतावर सागवान लागवड करून त्यावर मिरी चढवली आहे आणि बाकी इतरत्र मोकळ्या जागेत व चौफुल्यावर (सावली येते)वेलची,

जायफळ ,लवंग,दालचिनी अशी लागवड केली आहे
व जो काही खराबा होता तिथे वेगवेगळ्या प्रकारचा आंबा व काजू लावला आहे
प्लॉट घेतला तेव्हाच तिथे आपोआप रुजून आलेली कोकमाची झाडे तब्बल 11 होती त्यामुळे कोकमाचा प्रश्न उरलाच नव्हता
राहता राहिला लिंबू व सीताफळ आणि जाम (आम्ही विलायती काजू म्हणतो)

अशी निवडक झाडे कोपरे बघून लावली
सोलर पंप (स्वखर्चाने) बसवला प्लॉट ला लागूनच बारमाही जिवंत ओढा (40 फूट रुंद,3 फूट खोलआणि पावसात रौद्रभीषण) असल्याने विहिरीचा विषय नव्हता
रीतसर सरकारी कागद रंगवून पाणीपट्टी भरून सोलर बसवला
साग थोडा उंचीवर आल्यावर त्यावर मिरी चढवली
आणि नंतर तारांबळ

सुरू झाली
मसाला पिकांना योग्य तेवढी सावली तसेच पाणी मुबलक प्रमाणात लागते
काळीमिरी ला तर दिवसाला 7 लिटर च्या आसपास पाणी लागते.
ड्रीप एरिगेशन स्वतःच सामान आणून कुणाचीही मदत न घेता त्या सर्व लॅटरल हव्या तश्या बसवल्यात
सकाळी सूर्य पूर्वेकडे आला की सोलर पॅनल डोंगरमाथ्यावर असल्याने

पावणे 8 लाच पंप सुरू होतो आणि मावळतीला गेला की पावणे 6 च्या सुमारास बंद होतो
म्हणजे 10 तास मला अव्याहत पाणी मिळते
पण नंतर नोकरी आणि शेती होती तेव्हा ठीक होते
मी आठवडा सुट्टीत पूर्ण दिवस व मधल्या दिवशी लवकर जाऊन पाण्याचे फिल्टर साफ करून मॅनेज करत होतो फक्त जायचा यायचा ताण होता

कारण माझ्या नोकरीच्या ठिकाणाहून शेती माझी 38 km लांब आहे
तारांबळ उडे पण मी मॅनेज केले व मला सवय झाली
5 महिन्यांपूर्वी मी shrimps फार्मिंग मध्ये उतरण्याचा निर्णय घेतला
त्याअगोदर त्या फार्मिंग चे प्रात्यक्षिक करून झाले होते म्हणून आत्मविश्वास आला होता
पण हे करताना वेळेचे गणित

नोकरी,शेती,shrimps फार्मिंग व कुटुंब नंतर स्वतः
हे एवढे गणित 24 तासात कसे बसवणार ह्याचे गणित काही जमतच नव्हते
Shrimp फार्मिंग मध्ये डोळ्यात तेल घालून लक्ष ठेवावे लागते 1 क्षुल्लक शी चूक मोठे नुकसान करू शकते
आणि मला नोकरी तसेच माझी मसाला शेती ही सोडायची नव्हती
मसाला शेतीला पाणी

पुरवणे हाच 1 मोठा यक्षप्रश्न होता
इतका मी मी 2 महिने जरी तिथे गेलो नाही तरीही पाणी अव्याहतपणे फिल्टर तसेच ड्रीपर्स चोक न होता झाडांना मिळू शकेल
काहीही मार्ग सुचत नव्हता
आणि म्हणतात की आत्यंतिक इच्छा ज्यावेळेस माणूस मनाशी धरतो आणि त्यानुसार प्रयत्न सुरू करतो त्यावेळी मार्ग आपोआप

मिळत जातो
आता मला शेतावर जायला ही लागत नाही
अगदीच कंटाळा आला रुटीनचा तर जातो
बाकी तिथे पाणी वगैरे व्यवस्थित पणे चालू असते मी कसलाही हस्तक्षेप तिथे करीत नाही
फिल्टर, ड्रीपर्स अजिबात चोक होत नाहीत
शेतकऱ्यांना सतावणारा शिंपणाचा प्रश्न मी माझ्यापुरता सोडवलाय
ती सिस्टीम बसवल्यानंतर

मी 2 महिन्यांनी जेव्हा सहज म्हणून फिल्टर उघडला तेव्हा जाणवले की उघडला नसता तरीही चालला असता इतका तो क्लीन होता
आता फिल्टर साफ म्हणजे ड्रीपर्स बघायलाच नको
आता जाऊन फिरून ओढ्यात डुंबून येतो
अगदी साधी आणि सोपी कल्पना होती व आहे पण ती सुचायला वेळ लागला
असो

अगदी नाममात्र खर्च आला मला
जे मी केलं ते मला इथे शेअर करायचंय
ज्यांना अमलात आणायचे असेल त्यांनी सांगा व शिंपणे ह्या त्रासदायक व वेळखाऊ प्रकारापासून मुक्तता घ्या

नमस्ते

महत्त्वाचे म्हणजे विहीर किंवा संथ असलेल्या नदीतून जरी पंप लावून पाणी उचलले तर किमान 7 दिवस ही फिल्टर ची मुदत असते व वाहता ओढा असेल तर जेमतेम 2 दिवसात फिल्टर चोक झालाच पाहिजे व आपण साफ केलाच पाहिजे
ह्यात उशीर झाला तर तेच मातीचे अत्यंत लहान कण फिल्टर मधून झिरपून ड्रीपर्स पर्यत

पोचून एकदा ड्रीपर्स चोक झाले की मग मात्र अत्यंत कठीण काम
इरिगेशन चे काम करणारे ही सांगतात की 2 दिवसाआड फिल्टर साफ कराच
आणि माझ्याकडे तर 5 डोंगराच्या कुशीतून येणारा बारमाही वाहता जिवंत ओढा
पण तरीही मी ह्यावर संपूर्ण मात केलीय
वाहता ओढा असूनही 2 महिन्यात फिल्टर चोक नाही