Thread by @taibahdot

غامدی اور #قادیانیت_نوازی2

ابن عربی اور عقیدۂ ختم نبوت

درج ذیل سلسلۂ پیغامات (#Thread) میں ہم آپ کی خدمت میں عقیدۂ ختم نبوت سے متعلق ابن عربی کی عبارت (Text) پیش کریں گے اور واضح کریں گے کہ غامدی صاحب نے ابن عربی کی عبارت سے غلام قادیانی کے دفاع کی ناکام کوشش کی ہے- ⏬

آپ کی خدمت میں ابن عربی کی مزید ایسی دو عبارات پیش ہیں جن سے ختم نبوت کے بارے میں ان کا موقف واضح ہوجائے گا اور یہ حقیقت بھی واضح ہوجائے گی کہ ابن عربی کی عبارت سے غلام قادیانی کے موقف کی بالکل تائید نہیں ہوتی، نیز امام شعرانی جو ابن عربی کے شارح ہیں کی بھی عبارت پیش کریں گے.⏬

1 - ابن عربی (فتوحات مکیہ 381/3) میں لکھتے ہیں: "إنما انقطع الوحي الخاص بالرسول والنبي" (رسول اور نبی کے ساتھ جو وحی خاص تھی اس کا سلسلہ بند ہوگیا ہےـ).
ابن عربی کا موقف واضح ہوگیا کہ وہ نبی اکرم ﷺ کے بعد وحی کے منقطع ہونے کے قائل ہیں، جبکہ غلام قادیانی وحی کا دعویدار ہے. ⏬

غلام قادیانی اپنے اوپر وحی آنے کا دعویدار ہے، لکھتا ہے: "میری وحی میں امر بھی ہے اور نہی بھی".
غامدی صاحب، ابن عربی کی جس تحریر سے غلام قادیانی کا دفاع کررہے تھے اس کی حیثیت تلبیس سے زیادہ نہیں ہےـ کیوں کہ ابن عربی وحی کے انقطاع کے قائل ہیں اور قادیانی وحی کے تسلسل کا قائل ہےـ ⏬

غامدی صاحب خود «ميزان ص71» میں لکھتے ہیں: "آپ ﷺ کے رخصت ہو جانے کے بعد وحی والہام کا دروازہ ہمیشہ کے لئے بند ہو گیا ہے".
اس کے باوجود وہ ایسے شخص کا دفاع اور تائید کر رہے ہیں جو اپنے اوپر وحی کے نزول کا دعویدار ہے!

غامدی صاحب کے ظاہری اور باطنی موقف میں اتنا تضاد کیوں ہے؟ ⏬

2 - ابن عربی (فتوحات مکیہ 353/5 پر لکھتے ہیں: "اللہ تعالٰی کی طرف سے ہمیں الہام تو ہوتا ہے لیکن وحی نہیں ہوتی، وحی کا سلسلہ رسول الله ﷺ کی وفات سے منقطع ہوگیا ہے"ـ
ابن عربی کی اس تحریر سے یہ بات واضح ہوگئی کہ نبی اکرم ﷺ کے بعد الہام تو باقی ہے لیکن وحی کا سلسلہ بند ہوگیا ہےـ⏬

لیکن غامدی صاحب الہام کے تسلسل کے بھی قائل نہیں ہیں.
اگر اُن کے نزدیک ابن عربی کا اتنا وزن ہے کہ ابن عربی کی ایک تحریر سے غلام قادیانی کو بچانے کی کوشش کررہے ہیں، تو پھر کیا وجہ ہے کہ وہ ابن عربی کے الہام والے موقف کو کوئی وزن نہیں دیتے اور الہام کے تسلسل کا انکار کردیتے ہیں؟ ⏬

3 - امام عبدالوہاب شعرانی (متوفی ٩٧٣ھ) جو ابن عربی کی تصنیفات کے شارح ہیں، لکھتے ہیں: شیخ ابن عربی نے فتوحات میں کہا ہے: (جس نے دعوی کیا کہ اللہ تعالی نے اس کو کوئی شرعی حکم دیا ہے تو یہ غلط ہے بلکہ یہ تلبیس ہے ... اللہ کا لوگوں کے ساتھ بات کرنے کا سلسلہ یہ بالکل بند ہوچکا ہے =⏬

= (آپ کے لئے بات واضح ہوگئی کہ اللہ تعالی کے احکامات ونواھی کے سلسلے بند ہوچکے ہیں، اب جو شخص حضرت محمد ﷺ کے بعد احکامات ملنے کا دعوی کرتا ہے تو گویا وہ دعویٰ کررہا ہے کہ ایک نئی شریعت اس کی طرف وحی کی گئی ہے).
امام شعرانی کی یہ تحریر بھی ابن عربی کے موقف کو واضح کردیتی ہے.⏬

خلاصۂ کلام:
1- ابن عربی ختم نبوت اور انقطاع وحی کے قائل ہیں، قادیانی موقف اس کے بالکل خلاف ہے.
2- غامدی صاحب خود انقطاعِ وحی کو مانتے ہیں، اس کے باوجود مدّعی نبوت کا دفاع کرتے ہیں.
3- ابن عربی، الہام اور نزول عیسی کو ثابت کرتے ہیں، لیکن انہی کی تحریر سے استدلال کرنے والے غامدی=⏬

= غامدی صاحب الہام اور نزولِ عیسٰی عليه السلام کے منکر ہیں.

غامدی صاحب نے ابن عربی کی ایک نامکمل تحریر پیش کرکے غلام قادیانی کے دفاع کی نا کام کوشش کی ہے، جس کی حقیقت آپ کے سامنے آچکی ہےـ

اللّٰه رب العزت ہمیں ختم نبوت کے عقیدے کے ساتھ وابستہ رکھیں اسی پر ہمیں موت عطا فرمائیں.

مزید تفصیل کے لیے پروفیسر ڈاکٹر مولانا محمد الیاس فیصل صاحب کا درج ذیل محاضرہ سماعت فرمائیں.