Thread by @HearMeRoar21

नमस्कार पाटील,

थ्रेडची सुरुवातंच खोटं बोलून केल्याबद्दल तुमचं अभिनंदन. पेशव्यांना दोषी ठरवल्याने ४ लाईक्स जास्तं मिळाले असतील.

🔸१७३३ नंतर रायगड पेशव्यांच्या देखरेखीत आला. पेशवेकालीन रायगड कसा होता ते पाहूयात👇🏼

सिंहसनासाठी तख्त-पुजारी नेमणारे समाधीकडे दुर्लक्ष करतील का🤷🏻‍♂️

१/२२

https://twitter.com/kunalanilpatil/status/1373325598282686468

आता शिवछत्रपतींच्या समाधीची अवस्था बिकट का झाली ते पाहूयात.

१८१८ मधे ले.कर्नल प्रॅाथर या इंग्रज अधिकाऱ्याने रायगडचा ताबा मिळवला. इंग्रजांनी तोफांचा वापर करुन किल्ल्याचं बरंच नुकसान केलेलं.

१८१८ मधेच प्रॅाथर ने महाराजांच्या समाधी चा उल्लेख केलाय.

२/२२

आता ज्या अर्थी एका इंग्रजाला समाधी ओळखता आली किंवा त्याला ज्याने कोणी ओळख पटवून दिली, त्या अर्थी समाधी सुस्थितीतंच असेल.

पुढे इंग्रजांनी रायगडावर जाण्यास बंदी घातलेली. १८८३ पर्यंत रायगडावर कोणी प्रवासी चढून गेल्याचे आढळत नाही.

१८१८ ते १८८३- हा काळ झाडं उगवायला पुरेसा आहे.

३/२२

🔸मोजका ‘यवन’ हा शब्द उचलून मी कशाला ‘मुस्लिम द्वेष’ पेरु?

महान सत्यशोधक कृष्णराव अर्जुन केळूसकरांनी काय लिहून ठेवलय ते वाचा-

“यवनांविषयी पराकाष्ठेचा द्वेष शिवाजीमहाराजांच्या हृदयात अगदी लहान वयातच होता” आणि हा द्वेष महाराजांच्या मनात राजमाता जिजाऊंमुळे होता.

४/२२

https://twitter.com/kunalanilpatil/status/1373325602430812161

🔸भगवान परशुरामाने पृथ्वी ‘निक्षत्रिय’ केली हेच मुळात चूकीचं आहे. त्यांनी ‘उन्मत्त’ क्षत्रिय मारले, जसं रामाने अहंकारी ब्राह्मण रावणाला मारलं.

भीष्म हे परशुरामांचेच शिष्य होते.

प्रभू राम आणि श्रीकृष्ण ह्यांचा जन्म पण नंतर क्षत्रियकुळातंच झाला.

हे हजारो वर्षांपूर्वी घडलं.

५/२२

https://twitter.com/kunalanilpatil/status/1373325608676171776

आणि भारतावर पहिल्यांदी आक्रमण करणारा मोहम्मद-बिन-कासीम हा यवन ८ व्या शतकाच्या सुरुवातीला आला.

त्या वेळेला अनेक क्षत्रिय राजांची (दहिर सेन, हर्षा, चालुक्य, राष्ट्रकुटा आदि) राज्य भारतात होती.

त्यामुळे पोवाड्यात जोडलेला हा संबंध चूकीचा आहे.

६/२२

🔸असंख्य लोकांना ईश्वराच्या जागी असणाऱ्या ज्ञानेश्वर माऊलींचा अपमान करुन निरीश्वरवाद्यांना काय मिळालं?

मला एक सांगा, लोकं कोणाला पूजतात? ज्या धर्मांध लोकांनी माऊलींना त्रास दिला त्यांना कि माऊलींना?

त्या ओळीत माऊलींचा अपमान केला गेलाय, त्रास देणाऱ्या धर्मांध लोकांचा नाही.

७/२२

https://twitter.com/kunalanilpatil/status/1373325611486285826

ज्ञानेश्वरी मधे काय ‘कपट’ आहे हे का नाही सांगितलं सत्यशोधकांनी?

लोककल्याणासाठी पसायदान मागणाऱ्या संतश्रेष्ठ ज्ञानेश्वर माऊलींपेक्षा ‘जिहाद शिकवणारा, स्त्रीयांबद्दल विकृती शिकवणारा’ दानव सत्यशोधकांना ‘मानव’ वाटला हेच या देशाचं दुर्दैव.

८/२२

अचानक समाधी का घेतली? अहो पाटील, मग काय तुम्हाला विचारुन घ्यायला हवी होती का🤷🏻‍♂️

ज्ञानजन्य निरहंकार प्राप्त करणे हेच आयुष्याचे अंतिम ध्येय आहे. तोच मोक्ष आहे. आणि माऊलींनी तो वयाच्या २१ व्या वर्षीच प्राप्त केला होता.

आत्ताच्या MPSC-CSAT मधला हा उतारा नक्की वाचा.

९/२२

https://twitter.com/kunalanilpatil/status/1373325615303114754

🔸पुन्हा तेच🤦🏻‍♂️

तुमचा इतिहास एवढा कच्चा कसा🤷🏻‍♂️

शिव-समर्थ ह्यांचा परिचय १६७० नंतर झाला.

शिवकालीन पत्र सार संग्रह खंड २ मध्ये आढळणारं हे पत्र👇🏼

त्यामुळे १६५० चा आधीच श्रीसमर्थांचे ‘भिक्षु’ शिवछत्रपतींचं मन संत तुकारामांच्या विरोधात कलुषित करण्याचा संबंधंच येत नाही.

१०/२२

https://twitter.com/kunalanilpatil/status/1373325619325505541

आणि शिवछत्रपती एखाद्या संताबद्दल कोणाचं ऐकून स्वत:चं मन कलुषित करवून घेणाऱ्यांमधले नव्हते.

खात्री नसताना कुठली तरी गोष्टं गृहित धरुन श्रीसमर्थांवर चूकीचे आरेप करणं चूकीचं होतं.

भोसले घराण्याला जसे तुकाराम तसेच रामदास. ह्याचा पुरावा आजपण तंजावर भोसल्यांकडे पहायला मिळतो.

११/२२

अजून एक - वैकुंठवासी/कैलासवासी/स्वर्गवासी म्हणायची पद्धत आहे आणि त्यात काही ही गैर नाही.

इस्लाम मधे पण एका मृत व्यक्तिला ‘जन्नत-नसीब’ असं म्हणायची पद्धत आहेच.

पुष्पक विमान / नदीतल्या गाथा पुन्हा वर येणे...ह्या सगळ्या श्रद्धा आहेत.

१२/२२

https://twitter.com/kunalanilpatil/status/1373325621162610699

माझा स्वत:चा ह्यावर विश्वास नाही. पण म्हणून मी लोकांच्या श्रद्धेची मजा देखील उडवणार नाही.

🔸पानाचा पूर्ण SS टाकून तुम्ही स्वत:च्याच पायावर दगड मारून घेतलात.

कुठल्या पेशव्याने कुठल्या छत्रपतींना अटकेत ठेवलेलं?

मराठ्यांच्या इतिहासात एकाच छत्रपतींना साताऱ्याच्या...

१३/२२

https://twitter.com/kunalanilpatil/status/1373325626288013319

... अजिंक्यताऱ्यावर अटकेत ठेवलेलं.

छत्रपती रामराजा यांना. आणि छत्रपती रामराजा यांना कैदेत कोणी ठेवलेलं हे सर्वश्रुत आहे👇🏼

संदर्भ:
- New History of the Marathas (Sardesai)
-History of the Marathas (Grant Duff)

सत्यशोधकांना इतिहासाचं विकृतीकरण करुन काय मिळतं, कोणासठाऊक.

१४/२२

🔸कोणत्या गणपती बद्दल? संत तुकारामांच्या गणपतीबद्दल!

ॐकार प्रधान रूप गणेशाचे।हे तिन्ही देवांचे जन्मस्थान॥१॥

आकार तो ब्रह्मा, उकार तो विष्णु।मकार महेश जाणियेला॥२॥

ऐसे तिन्ही देव जेथोनी उत्पन्न ।तो हा गजानन मायबाप॥३॥

तुका म्हणे ऐसी आहे वेदवाणी ।पहावी पुराणे व्यासाचिया॥४॥

१५/२२

https://twitter.com/kunalanilpatil/status/1373325637822394369

छत्रपतींच्या राजवटीत गणपतीला कसलेच महत्त्व नव्हते?

किती खोटं बोलावं प्रबोधनकारांनी🤷🏻‍♂️

पुण्याचं ग्रामदैवत असलेल्या कसबा गणपती चं मंदिर राजमाता जिजाऊंनी बांधलं.

ह्याच देवस्थानाला शिवछत्रपतींनी आणि शाहूछत्रपतींनी दिलेल्या दानाचे ‘समकालीन पुरावे’👇🏼

शिव-शंभू छत्रपतींनी...

१६/२२

...’चिंचवडकर गोसावी’ यांना दिलेल्या सनदा👇🏼

एवढंच नाही तर संस्कृत पंडित धर्मवीर संभाजी महाराजांनी त्यांच्या ‘बुधभूषण’ या ग्रंथाची सुरुवात ह्याच ‘गणपती’ ला नमन करुन केलेली.

भोसले राजघराण्याच्या प्रत्येक लग्न-पत्रिकेची सुरुवात आज पण ‘श्री गजानन प्रसन्न’ लिहूनंच होते.

१७/२२

बहुसंख्य शेतकरी, कामकरी व बहुजन समाज ज्या थोर संतांची भक्ती करतो ते देखील गणपतीचे उपासक होते.

ज्ञानेश्वर माऊली, तुकाराम महाराज, संत नामदेव ह्यांच्या गणेशाबद्दल जरुर वाचा.

लेख सामनातला आहे - प्रबोधनकारांना त्यांच्याच घरातले गंभीरपणे घेत नाहीत😆

१८/२२

saamana.com/article-on-gan…

आज पण महाराष्ट्रात लोकमान्य टिळकांनी सुरु केलेला सार्वजनिक गणेशोत्सव ब्राह्मण व ब्राह्मणेतर समाज आनंदाने साजरा करतो.

उलट ब्राह्मणांपेक्षा ब्राह्मणतेर समाज जास्तं हवशीने गणेशोत्सव साजरा करतो.

त्यामुळे प्रबोधनकारांच्या बोलण्याला किती किम्मत द्यायची,हे ज्याने-त्याने ठरवावे.

१९/२२

फुले दामपत्याचं सामाजिक कार्य मोठं आहे - ह्यात कसली ही शंका नाही.

पण इथे सामाजिक कार्याबद्दल नाही तर साहित्यावर चर्चा चालू आहे.

न्यायमूर्ति रानडे, आगरकर, शिक्षणमहर्षी कर्वे अशा अनेक महापुरुषांनी समाजासाठी त्यांचं आयुष्य वेचलं - पण कधी लोकांच्या भावना नाही दुखवल्या.

२०/२२

सगळ्यात महत्त्वाचं - जगद्गुरु संत तुकाराम ह्यांच्या नावातून ‘राम’ वगळण्याचा केविलवाणा प्रयत्न बंद करा पाटील.

तुकोबाराय म्हणा किंवा तुकोबा, महाराजांचं नाव तुका ‘रामंच’ राहणार आहे.

असो, संत तुकारामांनी प्रभू श्रीरामचंद्रांवर केलेली रचना नक्की वाचा👇🏼

(तुकाराम गाथा २६२-२६४)

२१/२२

शेकडो वर्षांपासून वारकरी तुकाराम महाराजांच्या पादूका घेऊन पंढरपूरला ‘जय जय राम-कृष्ण हरी’ हाच जप करत जातात हे विसरु नका.

प्रतिउत्तर द्यायला उशीर झाला त्याबद्दल क्षमस्व.

ते काय आहे ना, मला कादंबऱ्यांमधली कात्रणं चिकटवायला नाही आवडत. आणि समकालीन पुरावे शोधायला वेळ लागतो.

२२/२२

संदर्भ:

१)महाराष्ट्र राज्य साहित्य आणि संस्कृती मंडळाने १९६२ साली प्रकाशित केलेल्या प्रसिद्ध इतिहास संशोधक कै. शांताराम विष्णू आवळसकर यांचं ‘रायगडची जीवनकथा’.

२)Papers Respecting the Pindarry and Mahratta Wars

३)क्षत्रियकुलावतंस छत्रपति शिवाजीमहाराज - कृष्णराव अर्जुन केळूसकर