Thread by @Lavvelenata

Ve conto na storia.
Ovviamente na bruta storia. N'altra dee varie #storieviveevenete anca questa.
Na storia de vin, de imprenditori, de besteme e dea incolmabie distansa tra Veneto e Italia.
De tante besteme.

Pa far vin bon ghe vol passion. Ghe vol tera fertie, passion, amor de quel che veramente amor che move il sole e l'altre stelle, saver spettar, ghe vol l’arte de parlarghe ae vigne, cura, devosion, passion.
Tutto el resto xe quasi Taverneo.

Pa far vin bon serve anni.
Anca anni de ricerca. E a ricerca porta ae rivoluzioni. In tutti i ambiti.
Dai professionai ai personai.

A storia de oggi xe a storia de uno che no moea, de uno che mi no moeo. Uno de quei che te scegli pa amore, pa passion, pa senso de appartenensa al stesso esercito de folli, pa sfida

pa chea morbosa voja de no darghea vinta … che qua in Veneto move veramente il sole e l’altre stelle altrochè...

Tornemo al vin. Pa far vin bon serve lieviti. Eh si, no basta e vigne, a tera, l’amor e tutto el resto.
Al mondo esiste sol poche grandissime realtà che produce lieviti. Risultato: a tutti el stesso lievito … el vin col stesso gusto.

Perché mia e fa prodotto personalizzato e grande multinassionai, eh no standard ciò. A tutti el stesso lievito.

Però i parla e a xente vol vini local … beissimo. Coi lieviti dee multinasionai francesi e olandesi.

Tornemo al 2007. Na vita fa. Ghe xe uno che decide che pol anca bastar sta struma. Ghe xe uno che pensa che se possa scegliar ceppi locai e produrre lieviti dae stesse uve.
Gegnae. E cantine pol produr vin co i lievi derivai dae so stesse uve. Rivolusion.

Bisogna studiarghe sora. Bisogna far ricerca. E chi xe che dovaria dar na man nea ricerca in tutti i paesi normai? L’Università. Bon, coinvolgemo l’Università.
Bisogna far ricerca. E chi xe che dovaria dan na man a liveo finanziario nea ricerca in tutti i paesi normai? El Stato.

Ma qua no semo mia un paese normae…

Marzo 2007: l’idea gegnae deventa un progetto. Vien presentà al Ministero dell’Università. A dicembre vien approvà…. 9 mesi esatti. Un fiol.
Dei 7 milioni necessari Ministero finansia 5, el 15% a fondo perduto el resto agevolato da Centrobanca.
Bon vanti se parte.

Serve un capanon. Mi se pol far impresa sensa un capanon dei vanti.
Drio l’A4 de capanoni nel 2007 ghe ne iera a iosa. Vanti tol un laboratorio de 600 mq a Montebel dove ghe iera a Denim.

Bon. Assunti 4 ricercatori. Riportà casa dall’Olanda un gegno prestà ai olandesi e via co l’Impresa.
Fioi a rivolusion del vin iera quasi fatta. I veri vin local dio caro.
Ma i skei no riva.
Gnente, persi pa strada.

Tacca bestemar e tirar zo santi e madonne varie.
Ispesion SAL tutte ok ma no riva i skei. A novembre 2009 xe rivà gnanca 1 milion e mezo de euro.

Tante besteme. Tante.

Tante besteme. Tante.
Tacca battar a tutte e porte: manda lettere al ministro, al primo ministro, al ministro dell’Agricoltura.
Gnente no risponde nissun. Desmentegà da tanti.

E pa farla completa na mattina se scopre che manca na firma del ministero soea quota a fondo perduto che blocca el finanziamento agevolato.
Dio bello del cielo immenso

Pa fortuna che all’epoca nonno Zonin iera nonno Zonin e col gà visto vedar fatturato in crescita del 20% do skei de credito sol tavoeo li gà messi.

Progetti in testa: uno beissimo. Assumer 10 neaolaureati, portar vanti el progetto, passar da 10 a 15 milioni de fatturato.
E invesse ..

E invesse col casso dio caro. Rinvio dea produsion pal secondo anno consecutivo.
Coi cinesi ae porte: ce vendio l’azienda? Semo pronti comprar el progetto.

Eh no dio bello qua se resiste come lungo el Piave.
Qua no se moea un centimetro.
Passa el tempo, tanto ghe ne passa, se finisse e besteme e na mattina dopo 3 anni riva a notissia : pratica sbloccada.

E giustificazione: La pratica si era incagliata per il cambio del direttore al ministero dell’Università.
Ah che bel. Dio caro.
Dopo che te gà anticipà 4 milioni de scarsea tua te ndarissi ndarghe fogo a tutto.

Provè immaginar che voja de restar in sto paese, de aver fiducia in sto paese, de ricominsiar .. e invesse te tocca sol sarar baracca e burattini.

Ma noialtri veneti semo da sempre FENICE: morte e risuresion. Decce pure fogo che noialtri rinassemo dae nostre ceneri.
Pi bei de prima. Pi forti de prima

E co el stesso progetto in testa: quel de trasformar el mosto in bon vin. Che te pol far coi lieviti selezionati.
E se nel cassetto te resta 200 ceppi de lieviti dal Barolo all’Amarone te parti sensa skei, co tanti lividi nel corpo e nell’anema ma te riparti.

E ancò chel progetto se ciama VINEXT. E pa amore, pa rabia, pa passion ghe son dentro anca mi. Co me amigo israelian Nir. Co Salvatore che nonostante tutto e tutti no gà moea.
[e-mail]