#திருக்கடித்தானம் #ஸ்ரீஅற்புதநாராயணன் தற்போதைய கோட்டயம் பகுதியில் முன்னொரு காலத்தில் சூரிய வம்சத்தை சேர்ந்த ருக்மாங்கதன் என்ற மன்னன் ஆண்டு வந்தான். அவன் நந்தவனத்தில் அரிய பூக்கள் பூக்கும். இந்த மலர்களை தேவர்கள் பறித்து சென்று பெருமாளுக்கு அணிவித்தனர். தினமும் மலர்கள் காணாமல் 
போவதை அறிந்த காவலர்கள் மன்னனிடம் முறைஇட்டனர். கோபம் கொண்ட மன்னன் மலர்களை பறிப்பவர்களை கைது செய்யும்படி உத்தரவிட்டான். மறுநாள் தேவர்கள் பூ பறிக்க வந்த போது காவலர்கள் தேவர்கள் என தெரியாமல் கைது செய்து மன்னன் முன் நிறுத்தினர். உண்மையை அறிந்த மன்னன் அவர்களிடம் மன்னிப்பு கேட்டு
விடுவித்தான். இருந்தாலும் மனிதர்களால் கைது செய்யப்பட்ட தேவர்கள் தங்கள் சக்தியை இழந்து வானுலகம் செல்ல இயலாமல் போனது. இதற்கு என்ன வழி என தேவர்களிடம் மன்னன் கேட்க, மன்னா நீ ஆண்டுதோறும் இருக்கும் ஏகாதசி விரத பலனை எங்களுக்கு அளித்தால் மட்டுமே நாங்கள் வானுலகம் செல்ல முடியும் என கூறினர்
இதைக் கேட்ட மன்னன் மகிழ்ச்சியுடன் தேவர்களை அழைத்துக் கொண்டு, இத்தலத்து பெருமாளின் முன்னிலையில் தனது ஏகாதசி விரதபலனை தேவர்களுக்கு தானமாக அளித்தான். தேவர்களும் வானுலகம் சென்றனர். இந்த நிகழ்ச்சிகள் எல்லாம் ஒரு கடிகை நேரத்தில் இத்தலத்தில் நடந்ததால் இத்தலத்திற்கு #திருக்கடித்தானம் என
பெயர் வந்ததாக கூறுவர். இத்தலத்து பெருமாளை சகாதேவன் பிரதிஷ்டை செய்ததாக கூறப்படுகிறது. இப்பகுதியில் பிரதிஷ்டை செய்ய விக்ரகம் கிடைக்காமல் மனம் வருந்திய சகாதேவன் அக்கினிப்பிரவேசம் செய்ய முயன்றான். அப்போது அந்த இடத்தில் பெருமாளின் சிலை தோன்றி சகாதேவனின் துயர் துடைத்தார் பெருமாள். இதன்
காரணமாக இத்தல பெருமாள் #அற்புதநாராயணன் என அழைக்கப்படுகிறார். இப்பகுதியில் சகாதேவன் கட்டிய கோயில் என்றால் தான் அனைவருக்கும் தெரிகிறது. நம்மாழ்வாரால் பாடல் பெற்ற திவ்ய தேசம் இக்கோவில். 'கடி’ என்ற சொல் கடிகை என்ற சொல்லிலிருந்து வந்ததாகும். 108 வைணவத்தலங்களில் கடி என்ற சொல்லைக் கொண்ட
மூன்று தலங்கள் உள்ளன. திருக்கடிகை என்ற சோளிங்கபுரம், வடநாட்டில் உள்ள கண்டமென்னும் கடிநகர், கேரளாவில் திருக்கடித்தானம். கடிகை பொழுதில், ஒரு நாழிகையில் (நாழிகை என்பது 24 நிமிடம்] தூய்மையான கடுந்தவம் இந்தத் தலங்களில் மேற்கொண்டால் காரிய சித்தியும் மோட்சமும் கிட்டும் என்பது நம்பிக்கை.
இத்தல பெருமாள் அறுபது ஆண்டுகளுக்கு ஒரு முறை புதிய சக்தி பெறுவதாகவும், கலியுக முடிவில் ஒளியாக மாறி விண்ணில் கலந்து விடுவார் என்றும் கூறுகிறார்கள். அருள்மிகு அற்புத நாராயணன் திருக்கோவில், கேரள மாநிலத்தில் கோட்டயத்திலிருந்து திருவல்லா செல்லும் வழியில் சங்கனாச்சேரியிலிருந்து சுமார் 3
கி.மீ. தூரத்தில் உள்ளது. இந்தக் கோவிலுக்கு ஏராளமான சிறப்புகள் உள்ளன. இங்கு நாராயணர் கற்பகவல்லி நாச்சியார் சமேதராக உள்ளார். வட்டவடிவமான கர்ப்பக்கிரகத்தில் பெருமாள் கிழக்கு நோக்கியும், நரசிம்மர் மேற்கு நோக்கியும் காட்சியளிக்கின்றனர். பெருமாள்தான் பிரதான மற்றும் முதலான சந்நிதியாகும்
நரசிம்மர் சந்நிதி பிற்காலத்தில் உருவாக்கப்பட்ட ஒன்று. ஒரே கர்ப்பக் கிரகத்தில் இரண்டு சந்நிதிகள் இருப்பதால் இங்கு இரட்டைக் கொடிமரங்கள் உள்ளன. கருவறைக்கு தெற்கே தட்சணாமூர்த்தி, விநாயகர் மற்றும் பிரகாரத்தில் சாஸ்தா சுப்பிரமணியர், நாகர் விக்ரஹங்கள் பிரதிஷ்டை செய்யப் பட்டிருக்கின்றன.
இந்த விக்ரகங்கள் அமைக்கப்பட்டுள்ள சந்நிதிக்கு கதவுகள் கிடையாது. மரத்தால் ஆன சட்டங்கள் வழியேதான் இவர்களை வழிபட முடியும். இக்கோவிலைச் சுற்றி கட்டப்பட்ட பிரம்மாண்ட கல்சுவர்கள் பூதகணங்களால் ஒரே நாளில் கட்டப்பட்டதாக கூறுவர். இங்குள்ள நரசிம்மர் உக்ர நரசிம்மராக இருப்பதால் அவரை சாந்தப்
படுத்த நரசிம்மருக்கு ஒவ்வொரு பூஜையின் போதும் நாராயணீயம் படிக்கப்பட்டும் பால்பாயாசம் நைவேத்யமாகவும் சமர்ப்பிக்கப்படுகிறது. இக் கோவிலின் முகப்பில் ஒரு கல்தூணில் இறந்த ஒரு மனிதரின் உடல் கிடத்தப்பட்டிருப்பது சிலையாக வடிக்கப்பட்டிருக்கிறது. அது இந்த கோவிலின் காவலாளியின் உடல். ஒரு முறை
மன்னர் ஒருவர் இந்தக் கோவில்க்கு வந்த போது நடை சாத்தப்பட்டிருந்தது. ஆனால் அந்தக் காவலாளி மன்னரிடம் பணம் வாங்கிக் கொண்டு கோவில் நடையை திறந்து விட்டிருக்கிறான். மரபை மீறிய அந்தக் காவலாளி அக்கணமே பிணமாகிப் போனான். இந்த நிகழ்ச்சியை வெளியுலகிற்கு எடுத்துக்காட்டவே அவன் உடல் கோவில் முன்
வைக்கப்பட்டிருப்பதாக சொல்கிறார்கள். கார்த்திகை மாதம்தான் இக்கோவிலில் பிரதான திருவிழா கொண்டாடப்படுகிறது. பத்து நாட்கள் நடக்கும் இத்திருவிழாவில் ஒன்பதாம் நாள் தீபம் ஏற்றப்படுகிறது. அன்று ஏற்றப்படும் தீபம் மறுநாள் வரை இடைவிடாமல் எரிந்து கொண்டிருக்கும். இந்த வைபவம் ‘சங்கேதம்’ என்று
அழைக்கப்படுகிறது. சிவபெருமான் ஜோதி வடிவில் இங்கு தோன்றியதை குறிக்கும் வகையில் இந்த வைபவம் கொண்டாடப்படுகிறது. கலியுகத்தின் முடிவில் அதே ஜோதிவடிவில் இறைவன் இங்கிருந்து செல்வார் என்ற ஐதீகமும் இதன் அடிப்படையில் உருவானதுதான். 2000-3000ஆண்டுகள் பழமையான கோவில் இது.
கலி யுகத்தில் நம் தேவைக்கு ஏற்ப குறைந்த நேரம் தியானித்து நிறைய பலனை பெற, இக்கோவிலுக்குச் சென்று கற்பகவல்லி சமேத ஸ்ரீ அற்புத நாராயணனை தரிசித்து வருவோம்.🙏🏾
• • •
Missing some Tweet in this thread? You can try to
force a refresh
