Thread by @swathikasarah

thread 3
லிலித் (Lilith):

லிலித் யூத நாட்டுப்புற கதைகளில் வரும் மிகவும் சர்ச்சைக்குரிய பெண். Torah (Jewish bible) வின் படைப்புக் கதையில் லிலித்தின் பெயர் சேர்க்கப்படவில்லை ஆனால் அவள் பல midrashic  நூல்களில் (புனித நூல்களுக்கு அர்த்தங்களும் விளக்கங்களும் குடுக்கும் நூல்கள்)

தோன்றுகிறாள். யூத அறிஞர்கள், பெண்ணியவாதிகள் இடையே அவளுடைய அடையாளங்கள், வரலாறு மற்றும் இலக்கியங்கள் விவாதிக்கப்படுகின்றன.

லிலித்துக்கு பல தோற்றக் கதைகள் உள்ளன, ஆனால் மிகவும் பிரபலமானது லிலித் ஆதாமின் முதல் மனைவி என்பது.

கதையின் படி, லிலித் கடவுளால் மண்ணிலிருந்து (ஆதாமை போலவே) உருவாக்கப்படுகிறாள். ஆதாம் லிலித் மேல் ஆதிக்கம் செலுத்த முயன்றதாகவும், அதற்கு லிலித் மறுத்ததாகவும் கதை சொல்கிறது.

மண்ணிலிருந்து இருவரும் சமமாக உருவாக்கப்பட்டதால், அவள் அவனுக்கு கீழே இருக்க வேண்டியதில்லை என்று லிலித் எதிர்ப்பு குரல் குடுத்து இருக்கிறாள். இதற்கு ஆதாம் ஒப்புக்கொள்ளாத நிலையில் லிலித் ஈடன் தோட்டத்தை விட்டு வெளியேறுகிறாள்.

ஆதாம் லிலித் தனக்கு கீழ்ப்படியாமல் வெளியேறியதாக கடவுளிடம் கூறியதும், கடவுள் 3 தேவதைகளை அனுப்பினார், Senoi, Sansenoi, மற்றும் Sammangelof அந்த 3 தேவதைகள் ஒரு குகையில் லிலித்தை குழந்தைகளுடன் கண்டனர், ஆனால் லிலித் மீண்டும் தோட்டத்திற்கு வர மறுத்து விட்டாள்.

தேவதைகள் அவர்கள் சொன்னபடி கேட்டு தோட்டத்திற்கு திரும்பாவிட்டால் தினமும் லிலித்தின் 100 குழந்தைகளை கொன்றுவிடுவோம் என்று சொன்னார்கள். அதற்கு பழிவாங்க தான் லிலித் பெண்கள் வயிற்றில் இருக்கும்போதே அவர்கள் குழந்தைகளை கொல்லுவதாகவும்

அதனால் தான் சில குழந்தைகள் இறந்தே பிறப்பதாகவும் கூறப்படுகிறது. மேலும் ஆண் குழந்தைகள் பிறந்து 8 நாட்களுக்கு (விருத்தசேதனம் செய்யப்படும் வரை) லிலித்தின் கோபத்திற்கு ஆளாகிறார்கள் மற்றும் பெண் குழந்தைகள் பிறந்து 20 நாட்களுக்கு ஆபத்தில் உள்ளனர் என்றும் கதைகள் சொல்லுகின்றன.

சிறிது நாட்களுக்கு பிறகு, லிலித் மீண்டும் தோட்டத்திற்குத் சென்றாள், ஆனால் ஆதாமுக்கு ஏற்கனவே மற்றொரு துணையான ஏவாள் இருப்பதை பார்த்து அதிர்ந்து போனாள். பழிவாங்குவதற்காக, ஆதாம் தூங்கிக்கொண்டிருந்தபோது லிலித் அவனுடன் உறவு கொண்டு பல குழந்தைகளை பெற்றெடுத்தாள்

அவைதான் demons என்று கூறப்படும் பேய்கள். ஆங்கில பேய் படங்களில் வரும் demons களின் வரலாறு இதுதான்.

லிலித் பொதுவாக யூத நாட்டுப்புறக் கதைகள் மற்றும் midrashic நூல்கள் ஆகியவற்றில் காணப்பட்டாலும், தோற்றம் சுமேரிய கதைகள் (சுமேரியாவில் லிலிட்டு) ஆகும்.

சுமேரிய கதைகளில் லிலிட்டு ஒரு பெண் பேய் இரவில் ஆண்களுடன் அவர்கள் தூக்கத்தில் உறவு கொள்ளும் பேய். லிலித்தின் முதல் யூதக் கதை Ben Sira வால் சொல்லப்பட்டது. Ben Sira ஒரு கதை சொல்லி அவரது கதைகள் Alphabet of ben Sirach (700 மற்றும் 1000 AD) என்று அழைக்கப்படுகிறது.

Nebuchadnezzar II (பாபிலோனிய பேரரசர்) பென் சிராவின் கதைகள் பற்றி கேள்விப்பட்டு அவரை அரசவைக்கு வரவழைத்தார். அங்கு Nebuchadnezzar II க்கு சுமேரிய கதையான லிலிட்டு வில் ஆதாமையும் இணைத்து Ben Sira சொன்னதுதான் லிலித் கதை.

பெண்ணியவாதிகள் அவளை முதன் முதலில் பெண் உரிமைக்காக குரல் குடுத்தவளாக பார்க்கிறார்கள். அவள் ஆதாமிடம் தன்னை சமமாக நடத்தும்படி கேட்கிறாள் அதற்கு அவன் ஒப்புக்கொள்ளாதபோது விளைவுகளை பற்றி கவலைப்படாமல் அவன் விட்டு செல்கிறாள். ஒரு யூத பெண்ணிய பத்திரிகையின் பெயர் Lilith!

இந்த பத்திரிக்கையின் வெளியீட்டாளர்கள் லிலித்தை சுதந்திரத்தின் சின்னம் என்று சொல்கிறார்கள். இருப்பினும், அவளை இன்னும் ஒரு பேய் என்று நினைப்பவர்கள், Lilith பெயரை பயன்படுத்தும் பெண்ணியவாதிகளை ஆண்களை வெறுப்பவர்கள் என்று முத்திரை குத்துகிறார்கள்.

பெண்ணியவாதிகள் பயன்படுத்தும் எந்த சின்னமும் எப்போதும் சர்ச்சைக்குரியதாக தான் இருக்கிறது. லிலித்தின் கதை உண்மையா இல்லையா என்பது பிரச்சினை அல்ல. லிலித் ஒரு தன்னிச்சையான சுயமான முடிவெடுக்கும் பெண், அவர் மீது திணிக்கப்பட்ட ஒடுக்குமுறை அமைப்பை எதிர்த்து குரல் கொடுக்கிறாள்.

எப்போது எல்லாம் பெண்கள் அடக்குமுறைக்கு எதிராக குரல் கொடுக்கிறார்களோ அப்போது எல்லாம் அவர்களை பேய் என்றோ witch (சூனியக்காரி) என்றோ முத்திரை குத்துவது வழக்கமான ஒன்றாக தான் இருந்து இருக்கிறது.

லிலித் குழந்தைகள் கொல்கிறாள், ஆண்களுடன் தூக்கத்தில் உறவு கொள்கிறாள் என்றெல்லாம் சொன்னாலும், அவள் இன்னும் பெண் விடுதலையின் அடையாளமாகவே பார்க்கப்படுகிறாள். She is open for interpretation & allows women to reinterpret her symbolism & power within tradition.
#மதங்கள்புராணங்கள்