Thread by @learning_guy_

A Thread on smallcase Investment:
smallcase முதலீடு பற்றிய பதிவு:

1. smallcase முதலீடு என்றால் என்ன?
smallcase முதலீடு என்பது முதலீட்டாளர்கள் பங்குச் சந்தையில் முதலீடு செய்வதற்கான ஒரு புதிய வழி முறை. அதாவது Mutual Fund ஐப் போலவே, பல/சில பங்குகளில் முதலீடு செய்வதாகும், ஆனால், மியூச்சுவல் ஃபண்டுகளைப் போலல்லாமல்,

எந்த பங்குகளில் முதலீடு செய்துள்ளீர்கள் என்பது தெரியும், குறைந்த கையாளுதல் செலவுகள், வெளிப்படைத்தன்மை, Lockin period சலுகைகள் மற்றும் நீண்ட கால போர்ட்ஃபோலியோவை உருவாக்க உதவுகின்றன.
SEBI பதிவுசெய்யப்பட்ட வல்லுநர்களால் smallcaseகள் உருவாக்கப்பட்டு நிர்வகிக்கப்படுகின்றன.

smallcase லோகோவைப் போல, ஒரு பெட்டியின் உள்ளே பல பங்குகள் இருக்கும், அந்த பெட்டி ஒரு தீம் / உத்தி / யோசனைகளின் அடிப்படையில் பங்குகளைக் கொண்டு உருவாக்கப்பட்டது. நீங்கள் தேர்ந்தெடுக்கப்பட்ட பெட்டியில் உள்ள அனைத்து பங்குகளையும் ஒரே கிளிக்கில் வாங்கலாம்.

அதன் மூலம் SIP முதலீடு செய்யலாம், அவற்றைக் கண்காணிக்கவும் மற்றும் நீங்கள் சொந்தமாகவும் பெட்டியை வடிவமாக்க முடியும்.
அந்த பெட்டியில் என்ன பங்குகள் உள்ளன, ஒவ்வொரு பங்கிற்கும் ஒதுக்கப்பட்ட விகிதம் மற்றும் உங்கள் தேவைக்கேற்ப பங்குகளையும் அவற்றின்
விகிதங்களையும் நீங்கள் மாற்றலாம்.

smallcase தன் சொந்த ஆராய்ச்சி குழுவின் மூலமும், பல்வேறு தீம் / உத்தி / யோசனைகள் அடங்கிய smallcase களை உருவாக்க நிபுணர்களின் உதவியைப் பெறுகிறது. அவை ஒவ்வொரு மாதமும் மதிப்பாய்வு செய்யப்பட்டு தேவைப்பட்டால் மீண்டும் சமநிலைப்படுத்தப்படுகிறது.

உ: தற்போதைய சூழ்நிலையில் பார்மா துறை மிகப்பெரிய வளர்ச்சியைக் காணும் என்பதால் நீங்கள் பார்மா துறைக்குள் சிறந்த பங்குகளைத் தேடுவதற்குப் பதிலாக, நேரடியாக 10 பார்மா மற்றும் லைஃப் சயின்ஸ் நிறுவனங்கள் உள்ள "Pharma Tracker" smallcase-ல் நீங்கள் முதலீடு செய்யலாம்.

2. smallcaseல் முதலீடு செய்வது எப்படி?
Smallcase வலைத்தளத்திற்கு செல்லவும். smallcase.com
5paisa, Angel Broking, Axis Direct, HDFC Sec, IIFL, Kotak Sec, Upstox, Zerodha, Alice Blue, Edelweiss, Motilal Oswal & Trustline ஏதாவது ஒன்றில் டீமேட் கணக்கு வைத்திருக்க வேண்டும்.

- Discover smallcase பொத்தானை கிளிக் செய்யவும், All smallcases கிளிக் செய்யவும்.- smallcase வழங்கும் அனைத்து smallcase திட்டங்கள்/பெட்டிகள் இங்குப் பார்க்கலாம்.
குறைந்தபட்சமாக ரூ.218 முதல் ரூ.10 லட்சம் வரை smallcases உள்ளன.

-சில smallcase சந்தா இல்லாமலும், சிலது சந்தா கட்டணத்துடன் நீங்கள் முதலீடு செய்யலாம்.
-பங்குச் சந்தை தரகர் மூலம் முதலீடு செய்தவுடன், அடுத்த வர்த்தக நாளில் உங்கள் டீமேட் கணக்கில் பங்குகளைக் காணலாம்.
-ஒரு smallcaseயைத் தேர்ந்தெடுத்தவுடன், நீங்கள் lumpsum அல்லது SIP முதலீடு செய்யலாம்

- தற்போதுள்ள smallcaseகளைப் பயன்படுத்தலாம் அல்லது சொந்தமாக உருவாக்கலாம்.

சந்தா கட்டணம் இல்லாத சில smallcases:
Equity & Gold:
குறைந்தபட்ச தொகை ரூ .254 மட்டுமே, இதில் தங்கம் (30%) மற்றும் Nifty 50 (70%) EFT கள் அடங்கும்.
The Great Indian Middle Class:
இதில் இந்திய நடுத்தர வர்க்கத்தின் வளர்ச்சியிலிருந்து பயனடையும் நிறுவனங்களின் பங்குகள் அடங்கும்.

Electric Mobility:
இதில் 4w, 2w மின்சார வாகனங்கள், பேட்டரி, & மென்பொருள் மற்றும் உதிரிப்பாகங்களை உற்பத்தி செய்யும் நிறுவனங்களின் பங்குகள் அடங்கும்.

இதுபோல் Banking Tracker, Infra Tracker, Energy Tracker, Auto Tracker, FMCG Tracker, IT Tracker என சந்தா கட்டணம் இல்லாதவை பல உள்ளன.

3. யார் முதலீடு செய்யலாம்?
- புதிதாக பங்குச்சந்தையில் முதலீடு செய்ய விரும்புபவர்கள்.
- பங்கு சந்தை நுட்பங்கள் பற்றித் தெரியாதவர்கள்.
- Mutual fund மற்றும் SIP முதலீட்டுக்குப் பதிலாகப் பயன்படுத்தலாம்.
- நீண்டகால முதலீட்டாளர்கள்.

4. Smallcase கட்டணங்கள் மற்றும் வரிவிதிப்புகள்:
- இதற்கு தரகர் கட்டணங்கள் பொருந்தும். கூடுதலாக, ஒரு முறை பதிவு கட்டணம் ரூ .100 - 150 இருக்கும்.
- பங்குகளுக்குப் பொருந்தும் அதே வரிவிதிப்புகள் smallcase முதலீடுகளுக்குப் பொருந்தும்.

- 12 மாதங்களுக்குப் பிறகு விற்றால், நீண்ட கால மூலதன ஆதாய வரிக்கு தகுதி பெறும் (LTCG Tax), இது லாபத்தின் 10% க்கு பொருந்தும், 12 மாதங்களுக்கு முன்பே விற்றால், லாபத்தின் மீது 15% என்ற விகிதத்தில் குறுகிய கால மூலதன ஆதாய வரியை (STCG Tax) செலுத்த வேண்டும்.
(இழப்புகளுக்கு பொருந்தாது).

5. smallcase போர்ட்ஃபோலியோ மறுசீரமைப்பு:
smallcaseல் உள்ள பங்குகளின் விகிதத்தை பங்கு சந்தை நிலைகளுக்கு ஏற்ப மதிப்பாய்வு செய்து மறுசீரமைப்பு செயல்முறையாகும்.
போர்ட்ஃபோலியோக்களை சமநிலைப்படுத்தும் வசதி நேரடி பங்கு முதலீட்டாளர்களை விட smallcase முதலீட்டாளர்களுக்கு எளிதானது.

சரியான நேரத்தில் சமநிலைப்படுத்துவதன் மூலம், முதலீட்டாளர்கள் தங்கள்
பங்குகளை சரியான நேரத்தில் விற்பனை செய்வதையும், சிறந்த பங்குகள் வாங்குவதையும் இது உறுதி செய்கிறது.SEBI பதிவுசெய்யப்பட்ட நிபுணர்களால் நிர்ணயிக்கப்பட்ட அட்டவணையின்படி மறுசீரமைப்பு செய்யப்படுகிறது.

6. மியூச்சுவல் ஃபண்ட் Vs smallcase :
மியூச்சுவல் ஃபண்ட் மற்றும் smallcase இரண்டும் வெவ்வேறு முதலீட்டுத் திட்டங்கள்.

7. smallcase குறைகள்
- ஒவ்வொரு மறுசீரமைப்பு சமநிலையின் போதும் வரி மற்றும் தரகர் கட்டணம் செலுத்த வேண்டும்.
- செயல்திறனில் காட்டும் வரைபடம் துல்லியமானது அல்ல. (தரகு மற்றும் வரி சேர்க்கவில்லை).
- போர்ட்ஃபோலியோக்களை மறுசீரமைப்பு போன்ற அறிவிப்புகளைக் கவனித்து சமநிலைப்படுத்த வேண்டும்.

- சரியான smallcase இல் முதலீடு செய்யவில்லை என்றால் லாபத்தை விட சந்த கட்டணம் அதிகமாக செலுத்தவேண்டியிருக்கும்.
முதலீடு செய்வதற்கு முன் தயவுசெய்து நன்றாக ஆராய்ந்து முதலீடு செய்யவும், மேலும் உங்கள் தற்போதைய நிதி நிலைகள் மற்றும் உங்கள் தேவைகளின் அடிப்படையில் முதலீடு செய்யுங்கள்.

மேலே சொன்ன தகவல்கள் அனைவருக்கும் பயனுள்ளத்தாக இருக்கும் என்று நம்புகிறேன். இன்னும் நல்ல தலைப்புடன் உங்களை விரைவில் சந்திக்கிறேன்.
நன்றி. வணக்கம்.🙏
@Karthicktamil86
@theroyalindian
@IamNaSen
@aram_Gj
@jamozhi
#learningguy
#LGWeeklyposts
#LGpost26
#smallcase
#investmentplans

P.S - நான் அரசாங்கத்தால் அங்கீகரிக்கப்பட்ட நிதி ஆலோசகர் அல்ல, நான் கற்றதை உங்கள் அனைவருக்கும் பகிர்ந்து கொள்ள விரும்புகிறேன். நீங்கள் சொந்தமாக ஆராய்ந்து முதலீடுகளைத் தேர்ந்தெடுங்கள் மேலும் தேவைப்பட்டால் அங்கீகரிக்கப்பட்ட நிதி ஆலோசகரின் ஆலோசனையைப் பெற்று முதலீடு செய்யுங்கள்.