Thread by @raaga31280

இது 13 பதிவுகளை கொண்ட இழை. சற்று பொறுமையாக படிக்கவும். இது யாரேனும் ஒருவருடைய வாழ்க்கைப் பாதையை மாற்றுமென்றால், எனக்கு மிகவும் சந்தோஷமாக இருக்கும்.

ஒரு ஊரில் ஒரு சிறுவன் இருந்தான். அவன் இளம் பிராயத்தில் படிப்பில் மிகவும் சுட்டியாக இருந்தான். அவனது தாய் தந்தை, அவனை மிகவும்..1/13

சிரமப்பட்டு படிக்க வைத்தனர். 10ஆம் வகுப்பில் மாநிலத்தில் முதல் மாணவனாக வருவான் என்று அனைவரும் எதிர்பார்த்தனர்,ஆனால் அவன் பள்ளியில் கூட முதல் மாணவனாக வரவில்லை. இன்னொரு பள்ளிக்கூடத்தில் 11ஆம் வகுப்பில் அவனது பெற்றோர் அவனை சேர்த்தனர். விடலைப் பருவத்தில் அனைவருக்கும் வரும்..2/13

காதல் நோய் வந்தது. நண்பர்களின் சேர்க்கை அதிகரித்தது.புகைப் பிடிக்கும் பழக்கமும் வந்தது.பள்ளித் தேர்வுகளில் முதல் தோல்வியை சந்திக்க நேர்ந்தது,பெற்றோரை எதிர்கொள்ள தைரியம் இல்லாமல், அவர்களுக்கு தெரியாமல் வீட்டை விட்டு ஓடிப் போனான். ஆனால், அவன் தந்தை தேடிக் கண்டுபிடித்து..3/13

வீட்டிற்கு அழைத்து வந்து அவனுக்கு புத்திமதி சொல்லி திருத்த முயன்றார்.அவன் திருந்தவில்லை.மேலும் தவறுகள் செய்தான்.12 ஆம் வகுப்பில் தோல்வியை தழுவுவான் என்று பள்ளி அவனை வெளியே துரத்த முயன்றது,மீண்டும் அவனது தந்தை அவனுக்காக பள்ளியில் மன்றாடி தொடர வைத்தார். பொதுத் தேர்வு சமயத்தில் 4/13

வினாத்தாள் கிடைத்து விடும் என்று நம்பியவனுக்கு ஏமாற்றம் மிஞ்சியது.எப்படியோ கஷ்டப்பட்டு, கடைசி நேரத்தில் முட்டி மோதி 83% தேர்ச்சி பெற்று வெளியே வந்தான்.அனைவரும் திகைத்தனர் (அவன் உட்பட). பின்னர், அவன் தந்தை அரும்பாடு பட்டு, ஒரு நல்ல கல்லூரியில் மிகவும் சிரமப்பட்டு புள்ளியியல்.5/13

படிப்பில் சேர்த்து விட்டார்.இவன் இன்னமும் திருந்தவில்லை. நண்பர்களுடன் சுற்றித் திரிந்து, கல்லூரிக்கு செல்லாமல் பொழுதைக் கழித்து,அது வீட்டில் தெரிந்தவுடன் மீண்டும் ஓடிப் போனான்.இந்த முறை அவன் தந்தையால் அவனை கண்டுபிடிக்க முடியவில்லை, உடம்பை வருத்தி பரிகாரமெல்லாம் செய்தார்,பாவம்6/13

ஆனால், எப்படியோ 1 ஆண்டுக்கு பின்னர் தேடிக் கண்டுபிடித்தார், வீட்டிற்கு அழைத்து வந்து புத்திமதி சொல்லி திருத்த முயன்றார். ஆனால், அவன் திருந்தவில்லை. 3 ஆண்டு கல்லூரியின் முடிவில் 27 அரியர் பேப்பர்களுடன் தள்ளாடினான். தந்தை ஊக்கப் படுத்தினார், ஆனால் அவன் மனம் தளர்ந்து, படிப்பை..7/13

நிறுத்தி, கிடைத்த வேலையை செய்தான். பணம் பார்க்க ஆரம்பித்தவுடன், படிப்பின் மேல் கவனம் செல்லவில்லை. தந்தையின் தொடர் வற்புறுத்தலால், தொலைத் தூர கல்வி பயில எத்தனித்தான். அவன் தந்தை மனம் தளராமல் அவனுக்காக போராடி, இராணுவத்தில் (அவன் விரும்பாவிட்டாலும்) சேர்த்து விட்டார். 8/13

ஆனால், அவனுக்கு அங்கு உடல்நிலை கோளாறு ஏற்பட்டு, தற்கொலைக்கு முயன்று வேலையை விட்டு, வீடு வந்து சேர்ந்தான். அப்பொழுதும் அவன் தந்தை அவனை ஊக்கப் படுத்தினார். அவன் மீண்டெழுந்து, MA படிப்பை முடித்து, ஒரு கால் சென்டரில் வேலைக்கு சேர்ந்தான். வயது 28 ஆகிப் போனது. அவன் தந்தை அவனுக்கு..9/13

நல்ல பெண்ணாய் பார்த்து திருமணம் செய்து வைத்தார். இவன் தன் மனைவியின் மேல் அன்பு செலுத்த தவறி, விவாகரத்து வரை சென்றது. அப்போதும்,அவன் தந்தை இவனுக்காக அந்தப் பெண் வீட்டாருடன் கெஞ்சினார், ஆனால் அவர்கள் ஒப்புக் கொள்ளவில்லை. விவாகரத்து ஆனது. 2 வருடம் கழித்து, அவன் தந்தை மீண்டும்..10/13

போராடி, வேறு பெண்ணை பார்த்து திருமணம் செய்து வைத்தார். அப்போது உணர்ந்தான் அவன், தந்தையின் மகத்துவத்தை. இது நடந்தது 2012 ஆம் ஆண்டு. அன்றிலிருந்து மனம் திருந்தியவனாய், வீட்டிற்கு அடங்கியவனாய், பொறுப்புடன் செயல்பட்டு, இன்று ஒரு குழந்தையும் பெற்றெடுத்து...நல்ல நிலையில்..11/13

இருக்கிறான். இவனுக்கு இறை அருள் இருந்தாலும், அவன் தந்தை இல்லையேல் அவனில்லை. தந்தையை பேணிப் பாதுகாத்து வந்தவன், தற்போது அவரை இழந்து நிற்கிறான். அவன் ஒன்றும் கெட்டவனில்லை, ஆனால் தந்தையின் அருமை புரியாமல் இருந்து விட்டான், அவரின் தியாகங்களை எண்ணாமல் இருந்து விட்டான். 12/13

நான் மேலே சொன்ன அவன் - வேறு யாருமில்லை - நான் தான்.

ஆகவே சொந்தங்களே, "தந்தை சொல் மிக்க மந்திரம் இல்லை" என்பதை உணர்ந்து, அவர் சொல்படி நடந்து, (என்னைப் போல் தவறுகள் செய்து பாடம் கற்காமல்) வாழ்வில் வெற்றி பெறுங்கள்.

இந்த நீண்ட இழையை படித்தமைக்கு நன்றி. 🙏🙏 13/13

@threadreaderapp pls unroll.