#ஸ்ரீகிருஷ்ணன்கதைகள் ரசிக முராரி என்பவர் ஒடிஸாவில் ரோகினி நகர் என்னும் ஊரில் 1590ல் பிறந்தவர். சிறு வயது முதலே பகவான் ஸ்ரீ கிருஷ்ணன் மேல் தீவிர பக்தி கொண்டிருந்த அவர் எப்போதும் கிருஷ்ணன் பெயரையே உச்சரித்துக் கொண்டிருப்பார். அவரது குரு சியாமானந்தர் 1608 ஆம் ஆண்டு ரசிக முராரிக்கு 
கிருஷ்ண மந்திரத்தை உபதேசித்து மக்களை நல்வழிப்படுத்தி வரும்படி கேட்டுக் கொண்டார். பின்னர் அங்கேயே மடம் அமைத்துக்கொண்டு பகவத் சேவை செய்து வந்த சியாமானந்தர் 1630 ஆம் ஆண்டு இறைவனடி சேர்ந்தார். அவர் சமாதி ஒடிஸாவின் மயூர்பஞ்ச் மாவட்டத்தில் உள்ளது. அவர் அணிந்த காலணிகளை இன்னும் அங்கு
பாதுகாத்து வருகின்றனர். சியாமானந்தரிடம் கிருஷ்ண மஹா மந்திரத்தை உபதேசம் பெற்ற ரசிக முராரி கோபிபல்லவபூர் என்னும் ஊரில் வாழ்ந்து வந்தார். பானாபூரை ஆண்டு வந்த பைத்தியநாத் பஞ்ச் என்னும் ஒரு அரசனின் அரவணைப்பில் ரசிக முராரி வாழ்ந்துவந்த காலகட்டத்தில், அப்போது ஒடிஸா மாநில பொறுப்பாளராக
இருந்த சுபேதார் அஹமது பைக் என்பவனுக்கு ரசிக முராரியின் இந்த கிருஷ்ணபக்தி பிடிக்கவில்லை. மேலும் ரசிக முராரியின் பேச்சும் உபதேசமும் பாடல்களும் பாமரரையும் கிருஷ்ணர் பால் ஈர்த்து எங்கெங்கு பார்க்கிலும் கிருஷ்ண நாமாவே ஒலித்தது. இது சுபேதார் அஹமதுவுக்கு மேலும் எரிச்சலை தந்தது. அப்போது
அந்த ராஜ்ஜியத்தில் மதம் பிடித்த பட்டத்து யானை ஒன்று இருந்தது. எதற்கும் அடங்க மறுத்து அட்டகாசம் செய்து வந்தது. ஒரு நாள் ரசிக முராரியை சந்தித்த சுபேதார் அஹமது அவரிடம், மதம் பிடித்த எதற்கும் அடங்காத யானை ஒன்று என்னிடம் இருக்கிறது. அதனை அடக்கி உன் கிருஷ்ணனுக்கு உள்ள சக்தியை எனக்கு
காட்ட முடியுமா, ஒருவேளை இதில் நீ தோற்றால் உனக்கு கடுமையான தண்டனைகள் தரப்படும் என்றான். ரசிக முராரி சிறிது கூட தயங்காமல், இதோ இப்போதே புறப்படுவோம் உன் யானையை பார்க்க என்றார். யானையை அடைத்து வைத்திருக்கும் கொட்டிலுக்குள் தனியே சென்றார் ரசிக முராரி. உள்ளே சென்றதும் யானை இவரை நோக்கி
ஆவேசமாக வந்தது. ஸ்ரீ கிருஷ்ணரை மனதுக்குள் தியானித்தவர், யானையின் இரண்டு காதுகளிலும் அந்த மஹா மந்திரத்தை உபதேசித்தார். அடுத்து யாருமே எதிர்பார்க்க வகையில் யானையின் குணம் மாறத் துவங்கியது. ஆக்ரோஷமாக பிளிறிக்கொண்டு வந்த யானை பரம சாதுவாகிப் போனது. அத்தோடு மட்டுமல்லாமல், காண்போர்
வியக்கும் வண்ணம் ரசிக முராரியை மண்டியிட்டு வணங்கவும் செய்தது. இதை கண்ணெதிரே பார்த்த சுபேதார் அஹமது, ரசிக முராரியிடம் தனது தோல்வியை ஒப்புக்கொண்டு, தானும் பகவான் கிருஷ்ணரின் மகிமையை போற்றத் துவங்கினான். ஒருமுறை சுவாமி ரசிகானந்தா பூரி ஜகன்னாதரை தரிசிக்க ஆவலுடன் ரத யாத்திரை நாளில்
பூரியை அடைவதை நோக்கமாகக் கொண்டு தனது ஆசிரமத்திலிருந்து புறப்பட்டார். சில தாமதங்கள் காரணமாக அவர் சரியான நேரத்தில் பூரியை அடைய முடியாது என்பதை உணர்ந்தார். தேரில் ஜகன்னாதர் அமர்ந்திருப்பதை தரிசிப்பதை தவற விட்டுவிடக் கூடாது என்று தவித்து அவர் வரும் வரை காத்திருக்குமாறு வேண்டினார்.
இந்த நேரத்தில் தேர் ஏற்கனவே ஓடத் தொடங்கியிருந்தது. ஆனால் பக்தரின் பிரார்த்தனைகளைக் கேட்டு ஜகன்னாதர் தேரோட்டத்தை நிறுத்திவிட்டார். ஏன் என்று அங்கு கூடியிருந்தவர்களுக்குப் புரியவில்லை. அரசர் குதிரைகள் மற்றும் யானைகளை வைத்துத் தேர்களை இழுக்க வைத்தார். மேலும் ஏராளமான மக்கள் மூன்று
ரதங்களை இழுத்தனர். ஆனால் எல்லா முயற்சிகளும் தோல்வியடைந்தவுடன், மன்னர் ஜகன்னாதரிடம் பிரார்த்தனை செய்தார். என் பக்தன் ரசிகநாதா பூரிக்கு மிக அருகில் இருக்கிறார், அவர் என் அருகில் வந்து என் தரிசனம் பெற்றவுடன் தேர் சாதாரணமாக உருளத் தொடங்கும் என்று பகவான் அவருக்கு உணர்த்தினார். அதேபோல
சுவாமி ரசிகானந்தா தேர்களை தொட்டபோது அவை உருளத் தொடங்கின. கி.பி 1640 இல் நடந்த இந்த நிகழ்வு கோவிலின் வரலாற்று பதிவுகளில் உள்ளன. இவரின் சமாதி ஓடிஷாவின் பாலாசோரில் உள்ள கீராசோரா கோபிநாத் கோவில் வளாகத்தில் உள்ளது.
பாடல்: ஜெய க்ருஷ்ணா முகுந்தா முராரி- கேட்டு மகிழுங்கள்
சர்வம் ஶ்ரீ கிருஷ்ணார்ப்பணம்🙏🏻
• • •
Missing some Tweet in this thread? You can try to
force a refresh
