#ஸ்ரீகிருஷ்ணன்கதைகள் பரமாத்மாவாகிய நாராயணனின் திருவடி நம் தலைமேல் பட வேண்டும் என்றால் கோடி புண்ணியம் செய்திருக்க வேண்டும். அத்தனை புண்ணியத்தையும் செலவு செய்தாலும் அவர் பாத ஸ்பரிசம் கிடைக்காது. பலிச்சக்ரவர்த்தி தான் சம்பாதித்த உலகங்கள் அனைத்தையும் அந்த நாராயணனின் பாதத்தில் 
அர்ப்பணம் செய்ததும் பகவான் ஸ்ரீமந்நாராயணன் பாதம் தன் சிரில் படும் பாக்கியம் பெற்றார். பரமாத்மா தன் திருவடியை பக்தன் தலைமேல் வைத்து 'நீ என்னைத் சேர்ந்தவன்' என்று உரிமையுடன் ஆட்கொண்டார். இதனை நினைத்து நம்மாழ்வார், அத்தனை மதிப்புள்ள பெருமாளின் திருவடி தன் தலை மீது பட்டும், தான்
ஒன்றுமே சமர்பிக்க வில்லையே என்று எண்ணுகிறார். வெங்கடேச பெருமாள் தான் ஒன்றுமே சமர்பிக்காமலே தன்னை ஆட்கொண்டு விட்டாரே என்ற கருணையை நினைத்து இனியாவது ஆத்ம சமர்ப்பணம் செய்வது என்று 'உன் அடிக் கீழ் அமர்ந்து ' என்று ஆத்ம சமர்ப்பணம் செய்கிறார் நம்மாழ்வார். அமரர் முனிக்கணங்கள்
விரும்பும் திருவேங்கடத்தானே புகல் ஒன்றில்லா அடியேன் உன் அடிக் கீழ் அமர்ந்து புகுந்தேனே. என பாடுகிறார் நம்மாழ்வார். ஒப்பில்லாத பெருமாள் என்றால் பொதுவாக நாம் நினைப்பது அவர் மிக உயர்ந்த தன்னிகரற்றவர் என்று. ஆழ்வார் தன் பாசுரத்தில் ஒப்பில்லாத என்று கூறுகிறார். பரமாத்மா ஒப்பில்லாதவன்
என்று சொல்லும் போது பெருமை படாமல் ஏன் கூறுகிறார்? நரசிம்மருக்கு பிரகலாதன் ஒப்பு. ஒப்பு என்றால் பகவான் செய்யும் கருணைக்கு ஒப்பாக பக்தன் பக்தி செய்வான். ராமருக்கு ஹனுமான் ஒப்பு. கிருஷ்ணருக்கு கோபிகைகள் ஒப்பு. இப்படி ஒப்பாக இருப்பதினாலே பெருமாள் அவர்களை கண்டாலே அன்பு கொள்கிறார்.
யாருக்குமே தனக்கு ஒப்பாக இருப்பவரை பிடிக்கும். பிரகலாதனும், கோபிகைகளும், ஹனுமன் வந்து நின்றால், பெருமாளுக்கு ஒப்பாக இருக்கும். அவர் பிரசன்னமாவார். பரந்தாமா! நான் எந்த விதத்திலேயும் உனக்கு ஒப்பு இல்லாதவனாய் இருந்து கொண்டு உன் கருணையை எதிர்பார்த்து வந்து விட்டேனே. வந்தபின் தான்
தெரிகிறது இந்த பக்தர்கள் கூட்டத்தில் நான் எவ்விதத்திலும் உனக்கு ஒப்பு இல்லை என்று நம்மாழ்வார் தன் நிலை நினைத்து வருந்துகிறார்.
சர்வம் ஸ்ரீ கிருஷ்ணார்ப்பணம்🙏🏾
சர்வம் ஸ்ரீ கிருஷ்ணார்ப்பணம்🙏🏾
• • •
Missing some Tweet in this thread? You can try to
force a refresh
