Thread by @_1point5

#بلاگ

سر ڈاکٹر محمد اقبال اور تصوف

سراج الدین پال کے نام اپنے خط مورخہ 10 جولائی 1916 میں لکھتے ہیں :-
جہاں تک مجھے معلوم ہے، محی الدین ابن عربی کی کتاب فصوص الحکم میں سوائے الحاد و زندقہ کے اور کچھ نہیں۔
اقبال نامہ ج 1 ص 44

تصوف ہمیشہ انحطاط کی نشانی ہوتا ہے۔ اسلامی تصوف بھی اسی حقیقت کو عیاں کرتا ہے۔ تصوف نے scientific روح کو بہت نقصان پہنچایا ہے۔ ڈاکٹر کے پاس نہیں جاتے۔ تعویذ تلاش کرتے ہیں۔ کان اور آنکھیں بند کرکے صرف چشم باطن پہ زور دینا جمود اور انحطاط ہے۔ قدرت کی تسخیر جدوجہد سے کرنے کی جگہ

سہل طریقوں کی تلاش ہے۔
سر ڈاکٹر محمد اقبال ملفوظات محمود نظامی ص 107

منصور حلاج کے سلسلے میں علامہ اسلم جیراج پوری کے نام اپنے خط مورخہ 17 مئی 1919 میں لکھا :-
مسلمان ، منصور حلاج کی سزا دہی میں بلکل حق بجانب تھے۔
اقبال نامہ ج 2 ص 54/55

سید فصیح الدین کاظمی کے نام اپنے خط مورخہ 1916 میں تحریر کیا :-
میرے نزدیک تصوف وجودی، اسلام کا کوئی جزو نہیں بلکہ اسلام کے خلاف ہے اور یہ تعلیم غیر مسلم اقوام سے مسلمانوں میں آئی ہے۔
خطوط اقبال شائع کردہ مکتبہ خیابان ادب ص 127

اکبر الہ آبادی کے نام اپنے خط مورخہ 20 جولائی 1918 میں لکھا :-
ایک اور بیخودی ہے۔ جس کی دو قسمیں ہیں
(1) ایک وہ جو Lyric Poetry کے پڑھنے سے پیدا ہوتی ہے۔ یہ اس قسم سے ہے جو افیون اور شراب کا نتیجہ ہے۔
(2) دوسری وہ بیخودی ہے جو بعض صوفیاء اسلام اور تمام ہندو جوگیوں کے نزدیک

ذات انسانی کو ذات باری میں فنا کر دینے سے پیدا ہوتی ہے۔ یہ "فنا" نہ ذات باری میں ہے نہ احکامِ باری تعالیٰ میں۔
پہلی قسم کی بیخودی ایک حد تک مفید بھی ہو سکتی ہے مگر دوسری قسم تمام مذہب و اخلاق کے خلاف جڑ کاٹنے والی ہے۔ میں ان دو قسموں کی بیخودی پر معترض ہوں اور بس۔

حقیقی اسلامی بیخودی میرے نزدیک اپنے ذاتی و شخصی میلانات، رحجانات و تخیلات کو چھوڑ کر اللہ تعالیٰ کے احکامات کا پابند ہو جانا ہے۔
اقبال نامہ ج 2 ص 60

سید سلیمان ندوی کے نام اپنے خط مورخہ 13 نومبر 1917 میں تحریر کیا :-
میرا تو عقیدہ ہے کہ غلو فی الزہد اور مسئلہ وجود مسلمانوں

میں زیادہ تر بدھ مذہب کے اثرات کا نتیجہ ہے۔ خواجہ نقشبند اور مجدد سر ہند کی میرے دل میں بہت بڑی عزت ہے مگر افسوس آج یہ سلسلہ بھی عجمیت کے رنگ میں رنگ گیا ہے۔ یہی حال سلسلہ قادریہ کا ہے جس کا میں خود بیعت رکھتا ہوں
اقبال نامہ ج 1 ص 78/79

آپ نے غور فرمایا کہ اس زمانے میں ڈاکٹر اقبال وحدت الوجود کے کس قدر خلاف ہو چکے تھے اور اسے کس طرح اسلام مخالف سمجھتے تھے۔ انہیں اس حقیقت تک پہنچنے کے لیے ذہنی و قلبی جہاد کرنا پڑا اس کے متعلق وہ خواجہ حسن نظامی کے نام خط

مورخہ 30 دسمبر 1915 میں لکھتے ہیں :-
میری نسبت بھی آپکو معلوم ہے کہ میرا فطری اور آبائی میلان تصوف کی طرف ہے اور یورپ کا فلسفہ پڑھنے کے بعد یہ میلان اور بھی قوی ہو گیا تھا مگر قرآن پہ تدبر کرنے اور تاریخ ساز اسلام کا بغور مطالعہ کرنے کا نتیجہ یہ ہوا کہ مجھے اپنی غلطی معلوم ہوئی

اور میں نے محض قرآن کی خاطر اپنے قدیم خیال کو ترک کر دیا اور اس مقصد کے مجھے اپنے فطری اور آبائی رجحانات کے ساتھ خوفناک دماغی اور قلبی جہاد کرنا پڑا۔
خطوطِ اقبال، مرتبہ رفیع الدین ہاشمی

جب سر ڈاکٹر محمد اقبال کو اپنی غلطی کا احساس ہوا اور تصوف کے کفریہ نظریات کو

قرآن کی خاطر ترک کر دیا تو پھر اس کی کوئی پرواہ نہیں کی کہ لوگ اس کے متعلق کیا کہیں گے۔ وہ ریاکاری کی زندگی کو نہایت ملعون خیال کرتے تھے۔ عطیہ بیگم کے نام ایک خط میں لکھا :-
لوگ ریاکاری سے عقیدت رکھتے ہیں اور اسی کا احترام کرتے ہیں۔ میں ایک بے ریا زندگی بسر کرتا ہوں اور

منافقت سے کوسوں دور ہوں۔ اگر ریاکاری اور منافقت ھی میرے لیے وجہ حصول احترام و عقیدت ہوسکتی ہے تو خدا کرے کہ میں اس سے ایسا بے تعلق اور بیگانہ ہو جاؤں کہ میرے لیے ایک آنکھ بھی اشک بار اور ایک زبان بھی نوحہ خواں نہ ہو۔ عوام کے احترام و عقیدت کا خراج ان لوگوں کو حاصل ہوتا ہے جو

عوام کے غلط نظریات اخلاق و مذہب کے مطابق زندگی بسر کرتے ہیں۔ مجھے عوام کے احترام کی خاطر ان نظریات کو قبول کرکے اپنے آپ کو گرانا اور روح انسانی کی فطری آزادی کو دبانا نہیں آتا
اقبال نامہ ج 2 ص 124