جب انسان اس زمین سے اگایا گیا تو نہ تیری کا جھگڑا تھا نہ میری کا رونا۔ جدھر سے جو چاہتا ہاتھ بڑھاتا اور پھل توڑ کر پیٹ بھر لیتا کیونکہ تب تک زمین صرف اللہ کی ملکیت تھی اور اس کی تمام پیداوار انسانوں اور دیگر مخلوقات کی خوراک اور دیگر ضروریات کے لئے کھلی تھی پھر انہی انسانوں میں
سے چند ایک نے ایک فرقہ بنا کر طاقت حاصل کی اور وسائل و محاصل پیداوار پر روک لگانا شروع کر دیا اور یہیں سے بھوکے انسانوں سے خوراک کے بدلے بیگار لینے کا آغاز ہوا اور غلامی/نوکری کے تصور نے جنم لیا۔ یہیں سے قبائل کی سرداری نظام تشکیل پایا۔ اب سردار کو، ان بھوکوں ننگوں جن کے
محاصل پیداوار چھین کر وہ اپنے خزانے بھرتا تھا، کی نظروں میں اپنے اور اپنے اہل و عیال کے لئے کچھ خطرات نظر آئے تو اس نے اپنے اردگرد کچھ پہلوان نما لوگوں کو خوراک و مراعت کے بدلے اپنی حفاظت پر رکھ لیا اور اس طرح لٹھ بردار فوج کے تصور نے جنم لیا مگر یہ جسمانی طور پر تو سردار کی
حفاظت کر سکتے تھے مگر عوام الناس کے دلوں میں پیدا ہونے والی نفرت کو نہیں مٹا سکتے تھے کیونکہ لوگوں کے حقوق چھیننے سے عام آدمی کے دل میں سردار کے لئے نفرت پیدا ہونا قدرتی عمل ھے لہذا کچھ چرب زبان لوگوں کو بھی خوراک و مراعات کے عوض اکٹھا کیا گیا جو
عوام میں یہ ثابت کرتے پھرتے تھے/ہیں کہ یہ سب کچھ سردار کی جانب سے نہیں بلکہ تمہارے اللہ، ایشور، بھگوان اور دیوی دیوتاؤں نے تمہارے جنم سے پہلے ھی تمہاری تقدیر لکھ دی تھی اور سردار تو زمین پر اللہ ایشور خدا بھگوان کا پرتو یا سایہ ھے۔ اس سے بغاوت اللہ کہ تقسیم پہ راضی نہ ہونا ہے جو
کہ گناہ کبیرہ ہے اس طرح مذھبی پیشوائیت/مولوی/پنڈت/ذاکر/ پادری پیدا ھوئے اور قسمت یا تقدیر کے تصور نے دنیا کو جھوٹی طفل تسلیاں دے کر سرداری/سرمایہ دارانہ نظام کے استحصال کو جائز بنا کر رکھ دیا۔
• • •
Missing some Tweet in this thread? You can try to
force a refresh
