Thread by @chennaiviswa2

ஒரு சிறிய நகரம்.

அதில் ஒரு சிறந்த வயலின் வித்வான் வாழ்ந்து வந்தார்.

அவர் வயலின் இசைக்கு யாவரும் வசப்படுவர்.

அப்படிப்பட்ட ஞானமுடையவர்.

இந்நிலையில் அவ்வூரில் முகாமிட்டிருந்த சர்க்கஸ் கூடாரத்திலருந்த புலி ஒன்று தப்பித்து ஊருக்குள் புகுந்து விட்டதாக தகவல் பரவியது. (1)

இதைக் கேட்ட மக்கள் தங்களை பாதுகாப்பதில் ஈடுபட்டதோடு அவர்கள் மிகவும் நேசித்த வயலின் வித்வானையும். எச்சரித்தனர்.

இந்த நிலையில் வித்துவானின் கெட்ட நேரம், புலியும் அவர் முன்னே வந்து நின்றது

வித்வான் பயப்படவே இல்லை. பட்டென்று தன் வயலினை எடுத்து வாசிக்க ஆரம்பித்தார். (2)

அவருடைய நம்பிக்கை நம் இசை கேட்டு புலி நம் வசமாகிவிடும் என்று.

மக்கள் இவரின் செயலை பார்த்து இது என்ன முட்டாள்தனம் என்று பார்த்து கொண்டிருக்கும் போதே,

நல்ல வேளை சர்க்கஸ் கூடாரத்திற்கு புலி ஊருக்குள் வந்த தகவல் போய்,
சர்க்கஸின் ரிங் மாஸ்டர் அங்கு வந்து சேர்ந்தார். (3)

உடனடடியாக அவர் புலியை தனது கட்டுப்பாட்டுக்குள் கொண்டு வந்த பிறகு, மெல்ல சொன்னாராம் நம்ம வயலினிஸ்டிடம்,

வித்வான் ஐயா, நீங்கள் மிக சிறந்த வயலின் வித்வானாக இருக்கலாம். ஆனால் இந்த புலிக்கு காது கேட்காது. எனவே இது போன்ற முட்டாள்தனமான காரியங்களை இனி ஒரு போதும் செய்யாதீர்கள் என்று. (4)

வித்துவானுக்கு நிதர்சனம் புரிந்தது.

படித்ததில் சிந்திக்க வைத்ததால் பகிர்கிறேன் இங்கு.!

நீதி: "சொல்ல வேண்டிய இடத்தில் மட்டுமே நம் கருத்தைச் சொல்ல வேண்டும். தேவையில்லாத மற்ற இடங்களில் நாம் அடக்கி வாசிக்க வேண்டும்!"

🙏#இந்த_நாள்_இனிய_நாள் ஆக நமக்கெல்லாம் அமையட்டும் நட்புகளே🙏 (5)