Thread by @Lavvelenata

Ve conto na storia. E anca questa xe na #storiavivaeveneta.
Vea conto desso perché daea mezzanotte tacarò ber el Piave e no penso de essar pi lucida de quanto soitamente no so.
A differensa de chealtre me storie questa xe na gran bea storia.

Un successo, na Vittoria, el trionfo durante a madre de tute e bataglie, l’affermazione totale del popolo veneto guidato dal so govenante.

Doman in tutto el Veneto sarà festa granda, festoni ovunque.
Anca quei che laora tutti i dì chel signor manda in tera no verzarà i capanoni e se dedicherà a ber e festeggiar.

Doman festeggemo na data storica. 4 anni fà. Pioveva che dio a mandava. Ma i romantici podaria dir che no a iera piova ma lacrime de gioia.

4 anni fa 2 273 985 gà suggellà el desiderio de essar autonomi dando carta bianca al Governante de – a pansa a terra – condurre al risultato che ancò tuti beneficiemo.

Na vittoria de popolo.

Grassie a chel referendum anca i veneti gà imparà ad apprezzare a Costitusion pi bea del mondo. Anca i veneti gà imparà a memoria l’articolo 116 comma 3.

4 anni fà gà ciapà forma grassie al refendum el sogno del regionalismo differenziato de cui desso godemo come ricci.

Grassie anca a na ministra veneta appositamente eletta, desso el Veneto trattien quasi el 90% dee tasse dei so citadini.

Quei che no capisse un casso la gà definia secession dei siori, ma xe stà sol qualche twit de invidia che gà portà a un # baucheto tipo #tuttiodianoiveneti ma twitter no fa testo.

Grassie ai bilanci virtuosi dea region el Stato ce gà assegnà maggiori competenze. Gà riconossuo che semo brai. E tra e competense speciai chel governante xe riussio portarce casa ghe xe sta quea de tegner qua e tasse dei veneti. Eroe.

Come ghe xe riussio ? Fassie gà dito: bon fioi da oggi mi me tegno qua na parte de Irpef e Iva dei veneti e me serve a noialtri. Averghe pensà prima. Mia farina sua del tuto, al governo el gavea el so Capo che ghe gà dà na man.

Grassie al nostro governante ce xe stà riconossue tute e 23 materie domandae e i risultati se gà visto suito. Na Vittoria totale. Desso tutti ce invidia e voria vegner in Veneto che semo costretti a regolar e entrate.

Xe stà na grande vittoria. A madre de tutte e battaglie vinta. Col spirito del popolo. No xe stà fasie ma i veneti xe temerari da sempre e testa bassa e bareta fracada gà portà casa anca sto gran risultato.

Che popolo, che governante. Desso semo autonomi e podemo far quel che voemo coi skei nostri. Da sciavi a persone libere ed autonomi.
Festeggemo veneti che xe stà NA GRAN TOLTA PAL CUEO. Ma qualcun ghe crede ancora …