Thread by @Lavvelenata

Ve conto na storia.
E ovviamente no xe na bea storia anca se fa parte anca questa dee varie #storiavivaeveneta.
No xe na bea storia perché, a parte mi e altri 3 scalmanai....

... no ghe ne parla nissun, nissun fa (o par far qualcossa) gnente, no rientra tra e priorità, in sintesi no ghe ne ciava un casso a nissun.... na storia desmentegà dai omani ...

So come xe ndate e robe no se sa mia tanto ma chel poco che se conosse, dovaria far vegner i penoti e far scatar chea forma de corajo che no sia quea de picar nisoi sui balconi, sui paeassi in Capitae o far bei post sui social...

Ve conto a storia de Marco Zennaro par come chea conosso mi. E ognuno conosse e robe par quel che ghe interessa. E ovviamente ognun se move (o smove) se e robe ghe interessa. Ecco sta storia qua no ghe interessa praticamente a nissun.

Perché xe na bea rogna e nissun gà voja de sporcarse e man.

Disime pur che serve tempo, che a diplomasia xe drio far el so lavoro, che i nostri servissi xe drio far tutto el possibie, chel nostro ministro dei esteri no dorme gnanca de note pal pensiero, chel consiglio regionae Veneto se strassa e vesti pa risolver a questione.

Ecco mi no ghe credo mia tanto. A parte che mi ghe credo a gran poche robe.

Ghe xe un imprenditor veneto che no riesse vegner via dal Sudan, che no xe proprio un bel posto dove star soitamente e ancor pezo in sti giorni che ghe xe un colpo de stato in corso.

Xe veneto che in linea de massima (e se non lo gà fato mi son a prima a no condanar e a biasimar) avendo na piva al stato italiano do skei i ghei gà anca dati.

Epur el stato italiano gnanca sto giro – come in tante altre situasion … voria ricordar che ghe xe tipo 2 mie italiani arestai in giro pal mondo - no ghe xe .. o no par esserghe.
Xe da metà marzo che sto fiol xe là co l’accusa de aver venduo trasformatori elettrici difettosi.

Un tissio sudanese se sveja na mattina e dise ghel materiae che Marco ghe gà venduo no va ben, no xe utilizzabile e che nol pol farghene gnente.
El tissio sudanese ghe gà venduo i trasformatori a un importante miliziano locae.

Da imprenditore che sa far el so lavoro de castumer cher, el ciapa un aereo e parte pal Sudan pa provar a risolvere a question.
El se incontra col sudanese che lo accusa de averlo ciavà e ghe domanda 700 mie euro de risarcimento.

Marco prova trattar ma vien sequestrà e serà in na stansa in un albergo par na settimana.
Casa a so azienda a Marghera, che ghe dà lavoro a 25 fameje, va vanti.
So papà de Marco riesse a trovar 400mie euro e ghei porta a un certo Gallabi (che gavea firmà a denuncia par frode).

Tutto apposto ? Question risolta? Manco col pensiero. Gallabi va farse na noadina nel Nilo e se nega, Marco vien arrestà el 1° Aprie (no xe un skerso) in aeroporto.

Pa 75 giorni vien serà in na cella de un commissariato in compagnia de altre 30 persone che in epoca Covid xe proprio el mejo che uno pol desiderare.

Inissia moverse qualcun col tricolore: Luigi Maria Vignali (direttore generale per gli italiani all’estero dea Farnesina) prova organizzar qualcossa e dopo do mesi, metà giugno più o meno, e accuse penai cade e Marco vien spostà in un albergo a Khartum.

Za mejo. Qua comunque nissun sa gnente. Massimo riserbo ciò che par mi in sti casi, significa menefreghismo totae.
Bon e allora Marco torna casa vero? See … dopo qualche ora il tribunae ghe blocca el passaporto presentando altre 4 nove accuse de frode e via a un novo processo.

Marco no magna e no dorme altro. Gà na paura boja. A voria veder ognun de noialtri …
Taca el novo processo che però vien rimandà a inissio ottobre.
Dal milion de euro se riva a domandarghene 700mie pa assar ndar casa sto fiol.

Chea figa. Dove i trovito 700 mie euro ?
Dio caro.
E dopo cossa succede? Succede che tra domenega 24 e luni 25 in giro pa Khartum ghe xe sol cari armati e miitari. Caos totae in Sudan. Aeroporto blocà. E so papà de Marco pronto a partir pa ndarse tor so fiol ..

Qua a parte qualche strisson in giro par la Capitae, qualche vado intervento dei fioi de @NessunLuogo24 , qualcun che ogni tanto se ricorda de far un twit o un post gnente altro.
Desmentegà dai omani. Da quasi tutti.

Se qualcun pol far qualcossa pa portar casa sto fiol per piacere se daga na mossa ... pa chealtri ... NO STEMOEO DESMENTEGAR CHE XE ANCA LU FIOL DEL SAN MARCO.
Grazie.
Dogaressa.