#ஶ்ரீகிருஷ்ணன்கதைகள் ஒரு கருவுற்ற மான் பேறு காலம் நெருங்கியதும் ஆற்றினருகே ஓர் அடர்ந்த புல் வெளியில் பிள்ளை பெற இடத்தை தேர்ந்தெடுத்தது. அப்போது கருமேகங்கள் சூழ்ந்தன. பலத்த மழைக்காக ஆயத்தங்களான இடியும் மின்னலும் தோன்றின. மான் தன் இடப்பக்கம் பார்த்தது. அங்கே ஒரு வேடன் மானை நோக்கி 
அம்பை ஏய குறி பார்த்து நின்று கொண்டிருந்தான். மானின் வலப்பக்கமோ பசியுடன் ஒரு புலி மானை நோக்கி வந்து கொண்டிருந்தது. ஒரு நிறைமாத கர்ப்பிணி மான் இந்நிலையில் என்ன செய்யும்? அதற்கு பிரசவ வலியும் வந்து விட்டது. இத்ற்கிடையில் காட்டு தீ பற்றி எரிய ஆரம்பித்தது. இத்தனை ஆபத்துகள் நிறைந்த
நிலையிலும் மான் தன் கவனம் முழுதும் தன் மகவை ஈவதிலேயே செலுத்தியது. மற்ற சூழல் அதன் கண்களுக்குத் தெரியவில்லை. தான் நல்ல முறையில் பிரசவிக்க வேண்டும் என்பது மட்டுமே அதன் நினைவில் இருந்தது. அப்போது நடந்த ஆச்சர்யங்களை பாருங்கள்! மின்னல் தாக்கியதால் வேடன் கண் பார்வை இழந்தான். தவறி
ஏயப்பட்ட அம்பு புலியை தாக்கி புலி இறக்கிறது. தீவிர மழை காட்டு தீயை அழித்துவிடுகிறது. அந்த மான் அழகான குட்டி மானை பெற்றெடுக்கிறது. நம் வாழ்விலும் இப்படிபட்ட சந்தர்ப்பங்கள் நிறைய வந்திருக்கிறது, வரும். அச்சூழலில் பல எதிர்மறை சிந்தனைகள் நம்மை சுற்றி நின்று அச்சுறுத்தும். அந்த மானின்
சிந்தனை முழுதும் மகவை பெற்றெடுப்பதிலே மட்டும் இருந்தது. அது மட்டும் தான் அதன் கட்டுப்பாட்டில் இருந்த செயல். மற்ற எதுவும் அதன் கட்டுப்பாட்டில் இல்லை. மற்றவற்றின் மேல் அது கவனம் செலுத்தி இருந்தால் மானும் அதன் குழந்தையும் மடிந்திருக்கும். எதில் நம் கவனம், நம் நம்பிக்கையும்
முயற்சியும் வேண்டும் இருக்க வேண்டும்? வாழ்வின் ஒரு பெரும் புயலில், எதில் கவனம் செலுத்த வேண்டுமோ அதில் செலுத்தி மற்றதை ஸ்ரீமந் நாராயணனிடம் விட்டு விடுவோம். பரந்தாமன் ஸ்ரீமந் நாராயணன் எப்போதும் எதிலும் நம்மை வருத்த செய்ய மாட்டார். பரந்தாமன் தூங்குவதும் இல்லை, நம்மை துயரப்
படுத்துபவரும் இல்லை. நம் ஒவ்வொரு கர்மாவையும் செயலையும் கவனமுடன் செய்வோம், கீதை காட்டிய பாதையில் எல்லா செயல்களின் விளைவுகளையும் பரந்தாமன் கமல பாதங்களில் அர்ப்பணம் செய்வோம்.
சர்வம் ஶ்ரீ கிருஷ்ணார்ப்பணம்🙏🏻
சர்வம் ஶ்ரீ கிருஷ்ணார்ப்பணம்🙏🏻
• • •
Missing some Tweet in this thread? You can try to
force a refresh
