Thread by @Raamraaj3

அருள்மிகு வதாரண்யேஸ்வரர் திருக்கோவில் !!

மயிலாடுதுறை வதாரண்யேசுவரர் கோவில் நாகப்பட்டினம் மாவட்டத்தில் உள்ள சிவன் கோவிலாகும். இக்கோவில் வள்ளலார் கோவில் என்றும் அழைக்கப்படுகிறது.

🙏🇮🇳1

*மூலவர்* :

வதாரண்யேஸ்வரர்
தாயார் : ஞானாம்பிகை
தீர்த்தம் : காவிரி
ஊர் : மயிலாடுதுறை
மாவட்டம் : நாகப்பட்டினம்

🙏🇮🇳2

*தல வரலாறு :*

முன்னொரு காலத்தில் தர்மம் ரிஷப உருவமெடுத்து சிவனை, அவர் நினைத்த இடத்திற்கெல்லாம் அழைத்துச் சென்றது. அப்போது, பார்வதிதேவி மயில் உருவமெடுத்து பூலோகத்தில் சிவபூஜை செய்து கொண்டிருந்தாள்.

🙏🇮🇳3

இதைக் காண பிரம்மா அன்ன வாகனத்திலும், பெருமாள் கருடன் மீதும், மற்ற தேவர்கள் குதிரைகளிலும் வந்தனர்.

ஆனால் ரிஷபம் சிவனின் அருளால், மற்ற வாகனங்களை விட வேகமாக சிவனை சுமந்தபடி வந்தது.

🙏🇮🇳4

இதையடுத்து ரிஷபத்திற்கு நம்மால் தான் உலகையே ஆளும் சிவபெருமான் கூட விரைவாக செல்ல முடிகிறது என்ற கர்வம் ஏற்பட்டது.

🙏🇮🇳5

இதையறிந்த சிவன், நந்தி என்னால் தான் நீ பெருமையடைகிறாய் என்பதை மறக்காதே என்று கூறி தன் சடைமுடி ஒன்றை எடுத்து அதன் முதுகில் வைத்தார். அதன் பலம் தாங்காத நந்தி மயக்கமடைந்து விழுந்தது.

🙏🇮🇳6

இதைப்பார்த்த சிவன் கருணை உள்ளத்துடன் நந்தி, என்னை குறித்து உன்னிடம் கர்வம் ஏற்பட்டு விட்டது.

இந்த பாவத்தை நீக்க, பூலோகத்தில் காவிரிக்கரையில் தவம் செய். நான் குரு வடிவாய் (தட்சிணாமூர்த்தி) காட்சியளிப்பேன்.

🙏🇮🇳7

நீ காவிரியில் நீராடி வில்வத்தினால் தினமும் என்னை பூஜித்தால் நன்மை உண்டாகும். அதன்பின் என்னை வந்து அடையலாம் என்று கூறினார்.

அதன்படி நந்தி தவம் செய்ய சிவனும் குரு வடிவாய் காட்சியளித்து இறைவனே உயர்ந்தவன் என்ற ஞானத்தை வழங்கினார். 🙏🇮🇳8

அப்போது நந்தீஸ்வரர் குரு வடிவாக காட்சி தந்த சிவனே இத்தலத்தில் தாங்கள் என்மீது அமர்ந்து அருள்பாலிக்க வேண்டும்.

எப்போதும் உங்கள் எதிரில் இருக்கும் பாக்கியத்தையும் தந்தருள வேண்டும் என்றார். எட்டு பாடல்களால் துதித்தார்.

🙏🇮🇳9

நந்தியின் விருப்பத்தை ஏற்ற சிவன் ஆனந்த தாண்டவ தரிசனம் தந்தார். வதாரண்யேஸ்வரர் என்ற பெயரில் ஞானாம்பிகையுடன் அமர்ந்தார்.

*தலபெருமை* :

நந்தி பாடிய 8 பாடல்களை பாடி தட்சிணாமூர்த்தியை வழிபடுவோருக்கு, சகல தோஷங்கள், பாவங்கள், ஆணவம் நீங்கி ஞானம் கிடைக்கும்.

🙏🇮🇳10

குருபகவான் தன்னை வழிபடுவோரின் கஷ்டங்களை போக்கும் வரத்தை, இத்தல தட்சிணாமூர்த்தியை வழிபாடு செய்து பெற்றதாக தல புராணம் கூறுகிறது.

குருவினால் வணங்கப்பட்ட இத்தலம் குரு பரிகாரத்திற்கு சிறந்த தலமாக விளங்குகிறது.

🙏🇮🇳11

காவிரியில் நந்தீஸ்வரர் நீராடிய இடம் இப்போதும் ரிஷப தீர்த்தம் என அழைக்கப்படுகிறது.

ஆற்றின் நடுவே நந்தி கோவில் உள்ளது. இத்தீர்த்தத்தில் நீராடினால் கங்கை, யமுனை, சரஸ்வதி, நர்மதை, தாமிரபரணி ஆகிய தீர்த்தங்களில் நீராடிய புண்ணியம், குருக்ஷேத்ரம், பிரயாகை மற்றும் 🙏🇮🇳12

புண்ணியத்தலங்களில் தானம் செய்த பலன், பதினெட்டு புராணங்கள் படித்த பலன் கிடைக்கும் என்பது நம்பிக்கை. கோவிலின் வடக்கே ஞான புஷ்கரணி தீர்த்தம் உள்ளது.

🙏🇮🇳13

குரு தோஷத்தால் பாதிக்கப்பட்டவர்கள் இதில் நீராடுகிறார்கள். சப்தமாதர்களில் ஒருவரான சாமுண்டி, மகிஷனை கொன்ற தோஷம் நீங்க இத்தலத்தில் பூஜித்திருக்கிறாள்.

🙏🇮🇳14

*தல சிறப்பு :*

சிவன் கோவில்களில் நந்தியை மூலவரான லிங்கத்திருமேனி முன்பு காணமுடியும். இக்கோவிலில் தட்சிணாமூர்த்திக்கு முன்பாக நந்தி காணப்படுகிறது.

🙏🇮🇳15

இந்த தட்சிணாமூர்த்தி மேதா தட்சிணாமூர்த்தி எனப்படுகிறார். சப்த கன்னியரில் சாமுண்டி வழிபட்ட தலம். குருப்பெயர்ச்சியை ஒட்டி இங்கு சிறப்பு பூஜை நடக்கும்.

🙏🇮🇳16

*பிரார்த்தனை :*

திருமணத்தடை உள்ளவர்களும், குழந்தை பாக்கியம் வேண்டுபவர்களும், கல்வியில் சிறந்து விளங்கவும் குருவை வழிபடுவது சிறப்பு.

🙏🇮🇳17

*நேர்த்திக்கடன் :*

சுவாமி, அம்பாளுக்கு வஸ்திரம் அணிவித்தும், கோவில் திருப்பணிக்கு பொருளுதவி செய்தும் நேர்த்திக்கடனை நிறைவேற்றலாம்.

#வாழ்க_பாரதம் 🇮🇳🙏
#வளர்க_பாரதம் 🇮🇳🙏🇮🇳