#மகான்கள் பருத்தியூர் கிருஷ்ண சாஸ்திரிகள் என்று ஒரு மகான் இருந்தார். அவர் இளமையில் வேத அத்யயனம் முடித்தப் பின்னர், குடும்பத்தில் கடன் இருந்ததால் பணம் சம்பாதிக்க ஏதாவது ஒரு வித்தை கற்றுக் கொள்ளலாம் என்ற எண்ணத்தில் இருந்தார். அந்தக் காலத்தில், சேங்காலிபுரம் முத்தண்ணாவல் என்ற ஒரு 
மகான் இருந்தார். பின்னாளில் அவர் சன்னியாசம் வாங்கிக் கொண்டு சித்தி அடைந்தார். அவரை சந்தித்து நமஸ்காரம் செய்து, கிருஷ்ண சாஸ்திரிகள் அமர்ந்த போது, அங்கு ‘ரகு வம்சம்’ பாடம் நடந்து கொண்டிருந்தது. அதில் ரகு மஹாராஜா ‘விஸ்வஜித்’ என்ற ஒரு யாகம் செய்து, அதில் வந்த எல்லா திரவியத்தையும்
தானம் செய்துவிட்டார் என்றும் அந்த நேரத்தில் ஒரு யாசகன் வந்த போது கொடுப்பதற்கு ஒன்றும் இல்லை என்கிற கட்டம் வந்ததாம். இதைக் கேட்ட கிருஷ்ண சாஸ்திரிகள், நான் கிளம்புகிறேன். நான் உங்களிடம் ஏதாவது கற்றுக்கொண்டு பணம் சம்பாதிக்கவேண்டும் என்கிற எண்ணத்தில் வந்தேன். ஆனா இது மாதிரி ஒரு
கட்டம் வருகிறதே என்றவுடன் முத்தண்ணாவல், ஆதியோட அந்தமாக அந்த கதை சொல்கிறேன் நீ கேளு என்று அந்தக் கதையை சொன்னார். கெளத்சன் என்ற ஒரு பிரம்மச்சாரி வரதந்து என்ற அவர் குருவிடம் சதுர்தச வித்யைகளையும் கற்றுக் கொண்டப் பின், திருமணம் செய்து கொள்ள உத்தரவு கேட்கிறார். உங்களுக்கு ஏதாவது குரு
தக்ஷிணை தருகிறேன் என்று சொன்னார். அதற்கு குரு, நீ ரொம்ப புத்திமானாக இருந்து என்னிடம் நன்றாக கற்றுக் கொண்டாய். எனக்கு நல்லவிதமாக பணிவிடை செய்தாய். இதற்கு மேல் என்ன வேண்டும்? நான் திருப்தியாக உள்ளேன் என்று கூறினார். இல்லை நீங்கள் ஏதாவது சொல்லுங்கள் நான் உங்களுக்குத் தருகிறேன் என்று
சிஷ்யர் நச்சரித்தார். குரு, அப்படியென்றால் நீ எனக்கு 14 கோடி வராகன் கொண்டு வா என்று கூறிவிட்டார். உடனே இந்த பிரம்மச்சாரி ரகு மஹாராஜாவிடம் வந்தார். அந்த நேரத்தில் தான் ரகு மஹாராஜா விஸ்வஜித் என்ற யாகத்தை செய்து முடித்து கையிலிருந்த கடைசிப் பவுன் வரைக்கும் எல்லாவற்றையும் தானம்
செய்து விட்டார். பிரம்மச்சாரி, நான் தானம் வாங்கும் எண்ணத்துடன் வந்தேன். ஆனால் நீங்கள் எல்லாவற்றையும் கொடுத்து விட்டீர்கள் என்று தெரிந்து கொண்டேன் என்று கூறினார்.
அதற்கு ரகு மஹாராஜா, என்னிடம் வந்து ஒருவர் யாசகம் கேட்டு வெறுங்கையோட போனார் என்று இருக்க வேண்டாம். நீ இன்றைக்கு ஒரு
அதற்கு ரகு மஹாராஜா, என்னிடம் வந்து ஒருவர் யாசகம் கேட்டு வெறுங்கையோட போனார் என்று இருக்க வேண்டாம். நீ இன்றைக்கு ஒரு
நாள் இங்கே இரு. நாளைக்குள் உனக்கு நான் ஏற்பாடு செய்கிறேன் என்று சொல்லிட்டு அன்றைக்கு இரவு குபேரன் மேல் படையெடுக்க திட்டம் போட்டார். இந்த ரகுவின் பெருமை எப்படி என்றால் – அவர் அப்பா திலீப மஹாராஜா அஸ்வமேத யாகம் செய்யும் போது, இந்திரன் குதிரையை திருடி கொண்டு போய் விட்டான். அப்போது
ரகு அவரை துரத்திக் கொண்டு ஆகாயத்தில் சென்றார். உடனே இந்திரன் தன் வஜ்ராயுதத்தால் ரகுவை அடித்தான். அது ரகுவை ஒன்றுமே செய்யவில்லை. அப்பேற்பட்ட பராக்கிரமம் கொண்ட மாவீரர் ரகு! உடனே இந்திரன் சமாதானம் பேசிவிடுகிறான். அந்த ரகுவை, இவன் வந்து படையெடுத்தால் நாம் எங்கே போவது என்று குபேரன்
நினைத்துப் பார்த்து அன்று இரவே ரகு மஹாராஜாவின் கஜானாவில் 14 கோடி வராகனை (பவுனை) மழையா கொட்டிவிட்டார். இந்தக் கதையை ஸ்ரீ முத்தண்ணாவாள் கிருஷ்ண சாஸ்த்ரிகள் இடம் சொல்லி, நீ என்னிடம் படி. நீ தனவானாக மட்டும் இல்லாமல் ரகு மஹாராஜா போல பெரிய வள்ளலாகவும் இருப்பாய் என்று ஆசீர்வதித்தார்.
அது போலவே கிருஷ்ண சாஸ்திரிகள் காவியங்கள், இராமாயணம் அனைத்தும் கற்றுக்கொண்டு, ராமாயண உபன்யாசங்கள் செய்து மிகவும் புகழ் பெற்று, நிறைய சம்பாதித்து, நல்ல தான தர்மங்கள் செய்து கொண்டு இருந்தார். அவருடைய வள்ளல் தன்மைக்கு ஓர் உதாரணம்-ஒரு முறை ராமாயண நவாகம் முடித்து, மாலை உபன்யாச
பூர்த்தியில் 50 பட்டுப் புடவைகள் அவருக்கு வந்தன. இவர் 50 பட்டுப் புடவைகளையும் அங்கே இருந்தவர்களுக்கு தானம் செய்துவிட்டார். சாஸ்திரிகளுடன் மாமியும் கூட இருந்திருக்கார். வீட்டுக்கு வந்தவுடனே மாமி, எனக்கு ஒண்ணு வைத்து இருந்திருக்கலாம் என்று கூறியிருக்கிறார். அவர், அதற்கென்ன! உனக்கு
ராமர் கொடுப்பார் என்று சொல்லியிருக்கிறார். சொல்லி முடித்தவுடனே வாசல் கதவை யாரோ தட்டியிருக்கிறார்கள். ஒரு செட்டியார், ஊரிலேயே பெரிய பணக்காரர், ஜவுளிக்கடை வைத்திருக்கிறவர், அவர் வந்து நமஸ்காரம் செய்து, ஐயா! போன வருடம் உங்களிடம் வந்து பேரன் பிறக்கவில்லை என்று குறைப்பட்டுக் கொண்டேன்.
நீங்கள், எனக்கு தெரிஞ்சது ராமாயணம் தான். என் ராமாயண பிரவசனம் வந்து கேளு என்று சொன்னீர்கள். நானும் என் குழந்தைகளுடன் வந்து அதைக் கேட்டேன். இன்று நல்லபடியாக எனக்குப் பேரன் பிறந்திருக்கிறான். அந்த சந்தோஷத்தில் என் ஜவுளிக்கடையிலிருந்து நல்லப் பட்டுப் புடவையாக எடுத்து வந்திருக்கேன்.
நீங்கள் ஏற்றுக் கொள்ள வேண்டும் என்று கொடுத்துவிட்டுப் போனார். அப்படி அவர் ஒரு வார்த்தை சொன்னா அதை ராமர் சத்தியமாக்கினார். அப்பேற்பட்ட மஹான். அதுக்கும் மேல் ஒரு ஊருக்கு போயிருந்த போது, ராமாயண நவாஹத்துக்கு கூப்பிட்டு இருந்தார்கள். போன இடத்திலே, இங்கே மழை இல்லை. நீங்க விராட பர்வம்
படியுங்கள் என்று சொல்லி இருக்கிறார்கள். மஹாபாரதத்தில் இருக்கும் விராட பர்வம் படித்தால், மழை பெய்யும் என்று ஒரு நம்பிக்கை. அதற்கு கிருஷ்ண சாஸ்திரிகள், நான் ராமாயணம் படிக்கிறேன். ராமாயணம் படித்தாலே மழை பெய்யும் என்று கூறியிருக்கிறார். அவர்கள், சரி உங்க சௌகர்யம் என்று நம்பிக்கை
இல்லாமல் சொன்னவுடன், அவர்கள் சந்தேகத்தைப் பார்த்த கிருஷ்ண சாஸ்த்ரிகள், நான் ராமாயணம் படித்து மழை வரவில்லை என்றால் அடுத்த நாளே ஸன்யாசம் வாங்கிக் கொள்கிறேன் என்று கூறினார். அவர் இவ்வளவு தீவிரமாக இருப்பதைப் பார்த்த அனைவரும் நமஸ்காரம் செய்து ராமாயணமே பாராயணம் பிரவசனம் செய்யுங்கள்
என்று கூறினர். அவர் நவாஹம் செய்து அன்று மாலை வரை மழை வரவில்லை. கிருஷ்ண சாஸ்திரிகள், காவிக்கு ஏற்பாடு பண்ணுங்கள் என்று கூறிவிட்டார். அந்த ஊர்க்காரர்கள் எல்லாம் நமஸ்காரம் செய்து இல்லையில்லை மழைக்கு மேலே ராமாயண உபன்யாசமே ஆனந்த மழையாக இருந்தது. உங்கள் பெருமை தெரியாமல் பேசிவிட்டோம்.
அதனால் அந்த மாதிரியெல்லாம் நீங்கள் செய்ய வேண்டாம் என்று வேண்டினார்கள். ஆனால் அவர், இன்னும் நேரம் இருக்கே என்றாராம். அன்று ராத்திரி மழை கொட்டுக் கொட்டு என கொட்டித் தள்ளியதாம். அப்படி எல்லாம் ராமர் அவருக்கு அனுக்ரஹம் செய்துள்ளார். அப்பேற்பட்ட மஹான். இந்த மாதிரி மஹான்கள்
சரித்திரம் எல்லாம் கோவிந்த தாமோதர ஸ்வாமிகள் திரும்பத் திரும்ப ரொம்ப சந்தோஷமாகச் சொல்லுவார். இம்மாதிரி மகான்களுடன் சத்சங்கம் வைத்துக் கொண்டால் நமக்கும் மற்ற மகான்கள் பற்றி தெரியவரும்.
கோபிகா ஜீவன ஸ்மரணம்… கோவிந்தா! கோவிந்தா!
சர்வம் ஶ்ரீ கிருஷ்ணார்ப்பணம்🙏🏻
கோபிகா ஜீவன ஸ்மரணம்… கோவிந்தா! கோவிந்தா!
சர்வம் ஶ்ரீ கிருஷ்ணார்ப்பணம்🙏🏻
Excerpts taken from valmikiramayanam.in/?p=3325
• • •
Missing some Tweet in this thread? You can try to
force a refresh
