Thread by @RoymukhtarRoy

علم لغت، تجوید، صرف ،نحو عربی گرامر کی بنیاد ہیں
ان کے بغیر قران سمجھنا ممکن نہیں ہے
اور امت مسلمہ کیلئے یہ سب علوم مولا علی علیہ السلام نے تصنیف کئے
سیدتنا ام سلمہ رضی اللہ عنہا نے بیان کیا کہ میں نے نبی کریم ﷺ کو فرماتے ہوئے سنا :
"علی قرآن کے ساتھ اور قرآن علی کے ساتھ ہے 🔻

،دونوں جدا نہ ہوں گے حتی کہ اکٹھے حوض کوثر پر میرے پاس آئیں گے"
(المستدرک،المعجم الاوسط، المعجم الصغیر،تاریخ دمشق، مجمع البحرین)

آنا مدینۃ العلم و علی بابھا کی تفسیر میں امام عبدالرحمن النسائی فرماتے ہیں کہ حضرت علی علیہ السلام خصوصاً اس علم کا دروازہ ہیں جو ہدایت پر مبنی ہے 🔻

لہذا جس شخص کا قلب محبت علی علیہ السلام سے خالی ہو وہ صحابی ہو یا غیر صحابی اس کا علم ہدایت سے محروم رہنا یقینی ہے
اسی لئے حجتہ الوداع کے موقع پر نبی کریم ﷺ نے تمام اہل اسلام کو فرمایا تھا :
" میں تم میں دو بھاری چیزیں چھوڑے جا رہا ہوں، ان میں سے ہر ایک دوسری سے بڑی ہے 🔻

1 : اللہ کی کتاب
2 : اور میرے اہل بیت
پس تم غور کرنا کہ میرے بعد تم ان سے کیسا سلوک کرتے ہو ؟
بیشک یہ دونوں چیزیں جدا نہ ہوں گی حتی کہ حوض کوثر پر میرے پاس آئیں گی۔ پھر فرمایا : بیشک اللہ تعالیٰ میرا مولا ہے اور میں ہر مومن کا مولا ہوں۔ پھر حضرت علی علیہ السلام کا ہاتھ پکڑ کر🔻

فرمایا : میں جس کا مولا ہوں تو یہ بھی اس کا مولا ہے
بعض احادیث میں تو یہ گارنٹی دی گئی ہے کہ اگر تم نے اہل بیت کا دامن تھامے رکھا تو ہر گز گمراہ نہ ہو گے
(السنن ترمذی، المستدرک الحاکم، جواھر العقدین)
شاہ ولی اللہ محدث دہلوی فرماتے ہیں :
تمام علوم کا منبع اور تمام علوم کا 🔻

مقصود کلمہ طیبہ ہے اور یہ مقدس کلمہ نبی کریم ﷺ سے مولا علی علیہ السلام کو اور مولا علی علیہ السلام سے سیدنا حسن بصری کو عطا ہوا اور آگے روحانی سلسلہ چلا
(القول الجمیل فی بیان سواء السبیل)
سید الطائفہ حضرت جنید بغدادی رحمۃ اللہ علیہ نے فرمایا :
"ہماری روحانیت کی اصل حضرت علی 🔻

علیہ السلام ہیں"
" اصول و قواعد میں ہمارے پیشوا مولا علی علیہ السلام ہیں"
(ازالۃ الخفا)
شاہ اسماعیل دہلوی نے لکھا :
"دنیا کے آغاز سے خاتمے تک قطبیت، غوثیت، ابدالیت اور دیگر مدارج ولایت سب مولا علی علیہ السلام کے واسطے سے عطا ہوتے ہیں"
(صراط مستقیم)
امام حاکم سے روایت ہے کہ :
🔻

نبی کریم ﷺ نے تین مرتبہ فرمایا :
"کیا تم جانتے ہو کہ میں تمام مومنین کی جانوں سے بھی زیادہ انہیں محبوب ہوں ؟ لوگوں نے کہا :
ہاں ، تو فرمایا میں جس کا محبوب ہوں علی بھی اس کے محبوب ہیں"
(المستدرک الحاکم جلد 3)
دوسری حدیث میں درج ہے
"اگر کوئی شخص مقام ابراہیم اور رکن کے درمیان 🔻

صف بستہ ہو کر نماز پڑھے اور روزے رکھے لیکن اللہ تعالیٰ سے اس حال میں ملاقات کرے کہ اہل بیت محمد ﷺ سے بغض رکھتا ہو تو آگ میں داخل ہو گا"
( المستدرک الحاکم، المعجم الکبیر، احیا المیت السیوطی، السخاوی، حیاہ الصحابہ)