Thread by @lagadpatil_

#Thread 🧵

सबंध महाराष्ट्राचे आराध्यदैवत छत्रपती शिवाजी महाराज यांनी शहाजीराजे आणि राजमाता जिजाऊ यांच्या प्रेरणेतून वयाच्या सतराव्या वर्षी स्वराज्याचा श्रीगणेशा केला. व एकाच वेळी दक्षिणेतील शाह्यांशी आणि मोगलांशी तसेच युरोपमधून आलेल्या इंग्रज,फ्रेंच,पोर्तुगीज या सर्वांशी…

१/८

…एकाच आघाडीवर संघर्ष केला, आणि त्यांना त्यात यशही येत गेले.

वेगवेगळ्या साम्राज्यांच्या आणि मुसलमानी शाह्यांच्या सत्तांतरामुळे महाराष्ट्रात जो राजकीय अस्थिरपणा आला होता त्याला योग्य वळणावर नेण्याचे काम छत्रपती शिवाजी महाराजांनी केले आणि मराठा साम्राज्याची पायाभरणी केली.

२/८

याच गोष्टीमुळे इतर राजांच्या तुलनेत महाराजांचे वेगळेपण दिसून येते.

शिवाजी महाराजांच्या मृत्यूनंतर स्वराजाचे दुसरे छत्रपती संभाजी महाराज यांनी शिवरायांचा वारसा चालवत मोगलांशी विश्रांती न घेता सलग ९ वर्षे अविरत लढा दिला.

३/८

शिवाजी महाराजांना वचकुन असणारा औरंगजेब महाराजांच्या मृत्यूनंतर स्वराज्य जिंकण्यासाठी दक्षिणेत आला.

परंतु आपण स्वराज्य सहजासहजी जिंकुन घेऊ हा त्याचा विश्वास मराठ्यांनी फोल ठरवला.

४/८

औरंगजेबाशी आणि आदिलशाही तसेच इंग्रज, पोर्तुगीजांशी संभाजी महाराजांनी अविरत लढा दिला त्यात त्यांना यशही मिळाले.

परंतु जणु जयचंदापासुन स्वजनांना धोका देण्याची परंपरा असलेल्या काही गद्दारांनी संभाजी राजांचा घात केला आणि शंभूराजें त्यांचे मित्र कवी कलश यांच्यासह पकडले गेले.

५/८

पुढील चाळीस दिवस महाराजांचा आणि कवी कलशाचा अतोनात छळ करुन त्यांना १६८९ मध्ये मारण्यात आले.

औरंगजेबाने शेवटचे 21 वर्षे दक्षिणेत मराठ्यांना संपविण्यासाठी महाराष्ट्रातच घालवले ज्यात त्याला अजिबात यश आले नाही.

६/८

औरंगजेबाच्या बलाढ्य सरदारांना मराठ्यांच्या धनाजी व संताजी यासारख्या सरदारांनी छत्रपती राजाराम महाराजांच्या अधिपत्याखाली गनिमी काव्याच्या मार्गाने धूळ चारली.

शेवटी दक्षिणेत येऊन पदरात काहीही न पडलेला औरंगजेब १७०७ मध्ये महाराष्ट्राच्या ह्याच मातीत गाडला गेला.

७/८

आपल्या शौर्य आणि पराक्रमामुळे शिवरायांनी आणि छत्रपती संभाजी महाराजांनी महाराष्ट्रातील पिढीला एक आदर्श निर्माण केला त्याच आदर्शावर चालने आणि त्यांचे विचार अंगिकारणे आजच्या काळात नक्कीच गरजेचे ठरेल यात शंकाच नाही.

#जय_शिवराय #शिवजयंती

८/८