Thread by @anbezhil12

#மகாசிவராத்திரி அன்று குமரியில் #சிவாயலய_ஓட்டம் என்று ஒன்று நடைபெறுகிறது. இதைப் பற்றி இன்று தான் தெரிந்து கொண்டேன், பகிர்கிறேன். பல புண்ணிய கோயில்களைக் கொண்ட குமரி மாவட்டத்தில் மாசி மாதம் மஹாசிவராத்திரி அன்று நடைபெறும் சிவாலய ஓட்டம் எனும் வழிபாடு சிறப்பு மிக்க ஒன்றாகும்.

சிவராத்திரியின் முதல்நாள் ஆயிரக் கணக்கான பக்தர்கள் காவி உடை அணிந்து, விளவங்கோடு, கல்குளம் வட்டங்களில் அமைந்துள்ள திக்குறிச்சி, முஞ்சிறை திருமலை, திருநந்திக்கரை, திற்பரப்பு, பொன்மனை, கல்குளம், பன்னிப்பாகம், மேலாங்கோடு, திருவிடைக்கோடு, திருவிதாங்கோடு, திருப்பன்றிகோடு, திருநட்டாலம்

ஆகிய 12 இடங்களில் அமைந்துள்ள சிவாலயங்களை (110 கிலோமீட்டர் தூரம்) பக்தர்கள் ஓட்டம் கலந்த நடையுடன் சென்று தரிசிப்பது சிவாலய ஓட்டத்தின் சிறப்பு. சைவ,வைணவ ஒற்றுமையை வலியுறுத்தி இந்த சிவாலய ஓட்டம் நடத்தப்படுவது மேலும் இவ்வழிபட்டுக்குச் சிறப்பைத் தருகிறது. இந்த ஓட்டத்தில் பங்குபெறும்

பக்தர்கள் மாசி மாதம் ஏகாதசியன்று மாலையணிந்து, வேக வைக்காத உணவு வகைகளை உண்டு, சிவராத்திரி தினம் வரை விரதம் மேற்கொள்கின்றனர். மஹா சிவராத்திரியை ஒட்டி இந்த 12 ஆலயங்களையும் ஒரே நாளில் ஓடியே சென்று தரிசனம் செய்யும் இந்த வழிபாட்டு முறை கடந்த 200 ஆண்டுகளாக குமரிமாவட்டத்தில் நடந்து

வருகிறது. இச்சடங்கில் பல சுவாரசியமான விஷயங்கள் உள்ளன. சிவ வழிபாடாக இருந்தாலும் ஓடுபவர்கள் கோவிந்தா கோபாலா என்று கூவிக்கொண்டுதான் ஓட வேண்டும். அவர்கள் சிவப்பு நிற ஆடை அணிந்து கையில் ஒரு விசிறி வைத்திருக்க வேண்டும். கோயில்களில் கும்பிடுவதற்குப் பதிலாக இறைவனை நோக்கி விசிறியால் வீச

வேண்டும். சிவாலய ஓட்டம் செல்லும் பக்தர்களுக்கு அரசு சார்பில் டோக்கன் வழங்கப்பட்டு, பொன்மனை சிவன் கோயிலிலும், சிவாலய ஓட்டம் நிறைவுபெறும் திருநட்டாலம் கோயிலிலும் தலா ஒரு இளநீர் மற்றும் பழம் வழங்கும் நடைமுறை இருந்தது. இந்த உத்தரவு 1939 பிப்ரவரி 14-ம் தேதி திருவிதாங்கூர் சமஸ்தான

அரசிதழில் வெளியிடப்பட்டதாகும். கன்னியாகுமரி மாவட்டம் தமிழகத்துடன் இணைந்த பிறகு அந்த நடைமுறை பின்பற்றுவதை மறந்துவிட்டது தமிழக அரசு.(🙁)
சிவாலய ஓட்டம் முஞ்சிறையில் ஆரம்பிக்கும். திருநட்டாலத்தில் முடியும். முஞ்சிறை பெரிய கோயில் ஒரு சிறு குன்றின்மீது உள்ளது. படி ஏறி கோயிலுக்குச்

செல்ல வேண்டும். குமரிமாவட்டத்தில் சிவனும் விஷ்ணுவும் ஒரே கோயிலுக்குள் இருப்பது இங்கு மட்டும் தான். திருநட்டாலத்தில் சங்கரநாராயணர் கோயில் என்று பெயர் இருந்தாலும் ஒரு பெரிய தெப்பக்குளத்தின் இருபக்கமாக இரண்டு கோயில்களாகவே சிவனும் விஷ்ணுவும் உள்ளனர். சிவாலய பக்தர்கள் கடைசியில் விஷ்ணு

கோயிலில்தான் ஓட்டத்தை முடிக்க வேண்டும். இந்த முறை சைவ வைணவ ஒற்றுமையை நாடெங்கும் உருவாக்கிய நாயக்கர் ஆட்சிக் காலத்தில் உருவாக்கப்பட்ட சடங்காக இது இருந்திருக்கலாம். இந்த சிவாலய ஓட்டத்தில் ஆண்கள் மட்டுமே கலந்து கொள்கின்றனர். கையில் ஓலை விசிறியுடனும் ஒரு சிறிய பண முடிச்சுடனும்

ஓடுகின்றனர். சபரிமலைக்குச் செல்லும் பக்தர்கள் ஒருவரையொருவர் ஐயப்பா என்று அழைப்பதைப் போல், இவர்கள் தங்களுக்குள் கோவிந்தா என்றே அழைத்துக் கொள்வார்கள். சிவாலய ஓட்டம் ஆரம்பித்த புராண வரலாறு:
பாதி மனித உருவமும் பாதி புலி உருவமும் கொண்டது புருஷாமிருகம் மிகச் சிறந்த சிவபக்தர். சிவனைத்

தவிர வேறு தெய்வத்தை ஏற்கமாட்டார். விஷ்ணுவின் நாமத்தை கூறினாலே இவருக்குப் பிடிக்காது. புருஷாமிருகத்துக்கு ஹரியும் ஹரனும் ஒன்றே என்பதை உணர்த்த விரும்பிய கிருஷ்ணர், பீமனை அழைத்தார். குருக்ஷேத்திர போரில் வெற்றி பெற புருஷாமிருகத்தின் உதவி தேவை என்று கூறியவர், பீமனிடம் 12

ருத்ராட்சங்களைக் கொடுத்து புருஷாமிருகத்திடம் செல்லுமாறும், அப்படி செல்லும்போது தன்னுடைய கோவிந்த நாமத்தை உச்சரிக்கும்படியும் கூறினார். கோவிந்த நாமத்தை உச்சரிப்பதை விரும்பாத புருஷாமிருகம் பீமனைத் துரத்த வரும்போது ஒரு ருத்ராட்சத்தைப் போடும்படியும் கூறினார். பீமனும் கோவிந்த நாமத்தை

உச்சரித்தபடி புருஷாமிருகத்திடம் நெருங்கினான். அது பீமனைத் துரத்த, பீமன் ஒரு ருத்ராட்சத்தை கீழே போட, அது சிவலிங்கமாக மாறியது. புருஷாமிருகம் சிவலிங்கத்தைக் கண்டதும் சிவபூஜையில் ஈடுபட்டது. பிறகு கோவிந்த நாமம் சொன்ன பீமனைத் துரத்தியது. இப்படியாக பீமன் ருத்ராட்சம் போட்ட ஒவ்வோர்

இடத்திலும் ஒரு சிவலிங்கம் தோன்றியது. முதலில் சிவலிங்கம் தோன்றிய இடம் திருமலை. 12-வது ருத்ராட்சம் விழுந்த இடம் நட்டாலம். அங்குதான் சிவன் ஹரியும் ஹரனும் இணைந்த சங்கரநாராயணராக புருஷாமிருகத்துக்கு தரிசனம் தந்து சிவனும் விஷ்ணுவும் ஒன்று என்று புருஷாமிருகத்துக்கு மட்டுமல்ல, உலகுக்கே

உணர்த்தினர். புருஷாமிருகத்தின் உதவியும் குருக்ஷேத்திர யுத்தத்திற்குக் கிடைத்தது.
ஓம் நமசிவாய
சர்வம் ஶ்ரீ கிருஷ்ணார்ப்பணம்🙏🏻

@threadreaderapp unroll