#ஸ்ரீகிருஷ்ணன்கதைகள் தணிகாசலம் பிரபல பேச்சாளர், சிறந்த ஸ்ரீகிருஷ்ண பக்தர். எங்கும் கிருஷ்ணன், எதிலும் கிருஷ்ணன், பேச்சிலும் கிருஷ்ணன். மூச்சிலும் கிருஷ்ணன். கருத்தரங்கு ஓன்றில் பேச வந்தார். ஒரு தங்க மோதிரமொன்றை தூக்கி பிடித்து சபையோருக்குக் காட்டினார்.
இது சுத்தமான 24 காரட்
இது சுத்தமான 24 காரட்
தங்கத்தினாலான மோதிரம். இதனை பெற்றுக்கொள்ள விரும்புபவர் யார் என அங்கு குழுமியிருந்தவர்களிடம் கேட்டார். சபையில் கைகள் ஒவ்வொன்றாய் உயரத் தொடங்கின. பின்னர் அவர் மெழுகுவர்த்தி ஒன்றை எரியச் செய்து குறடு ஒன்றின் உதவியுடன் அந்த மோதிரத்தை மெழுகுவர்த்திச் ஜூவாலையில் பிடித்தார். சிறிது
நேரத்தில் புகைக்கரி பட்டு அம்மோதிரம் முற்றிலும் கறுப்பாக மாறியது. இப்போது இதனைப் பெற்றுக் கொள்ள யார் விரும்புகிறீர்கள் எனக் கேட்டார். சபையில் இருந்த அனைவருமே கை உயர்த்தினர். கிருஷ்ண கிருஷ்ணா! நல்லது. நான் செய்வதைக் கொஞ்சம் கவனியுங்கள் என்று கூறிய அவர், அந்த மோதிரத்தைக் கீழே போட்ட
ஒரு சுத்தியலால் அடித்து உருக்குலையச் செய்தார். தகர்ந்து உருக்குலைந்து போன அந்த மோதிரத்தைத் தூக்கிப் பிடித்த அவர், சபையோரே, இனிமேலும் இந்த உருக்குலைந்த தங்கத்தை யாராவது பெற்றுக் கொள்ள விரும்புகிறீர்களா என்று கேட்டார். அப்போதும் முன்போலவே கைகள் உயர்ந்தன. பின்னர் தணிகாசலம்
சபையோரை
சபையோரை
பார்த்துப் பேசத் தொடங்கினார். நண்பர்களே! உங்களுக்கு ஒரு நல்ல படிப்பினையை வழங்குவதற்காகவே நான் இதனைச் செய்தேன். பாருங்கள்! நான் இந்த மோதிரத்துக்கு என்ன ஆக்கினை செய்த போதிலும் நீங்கள் அதனைப் பெற்றுக் கொள்ளவே விரும்புகிறீர்கள். ஏனெனில் நான் கொடுத்த வதைகளினால் இந்த மோதிரத்திலுள்ள
தங்கத்தின் மதிப்பில் எவ்விதக் குறைவும் ஏற்படவில்லை. இதே போன்று நம் உடலும் பல வகையில் உருமாறி கொண்டே போகிறது, குழந்தையாய், பாலகனாய், அண்ணனாய், தம்பியாய், கணவனாய், தந்தையாய், வயோதிகனாய் என உருமாறி கொண்டே போகிறது. இந்த பருவ மாற்றங்களில் உங்கள் வாழ்க்கையிலும் நீங்கள் எடுக்கும்
தீர்மானங்கள் காரணமாக அல்லது நீங்கள் எதிர்கொள்ளும் சூழ்நிலைகள் காரணமாக உங்கள் மீதும் கரி பூசப்படலாம். நீங்கள் கீழே போட்டு மிதிக்கப்படலாம் அல்லது அடித்து நொறுக்கப்படலாம். இந்த மாதிரியான நிலைமைகளில் பகவான் ஸ்ரீ கிருஷ்ண மந்திரத்தை கெட்டியாக சொல்லிக் கொள்ளுங்கள். ஒருபோதும் நீங்கள்
உங்களைப் பற்றித் தாழ்வாக மதிப்பிட்டுவிடக் கூடாது. அப்படி என்ன நடந்தாலும் தங்கம் போல் உங்கள் பெறுமதி ஒருபோதும் குறையாது. நினைவில் கொள்ளுங்கள் நீங்கள் ஒவ்வொருவரும் ஒவ்வொரு வகையில் விசேஷமானவர், ஸ்ரீ கிருஷ்ண பகவானின் சொத்து. எந்த சூழ்நிலையிலும் ஸ்ரீ கிருஷ்ணன் கூப்பிட்ட குரலுக்கு ஓட
வருவான். அதனை ஒருபோதும் மறந்து விடாதீர்கள் என சபையோர் முன் முடித்தார் தணிகாசலம்.
சர்வம் ஸ்ரீ கிருஷ்ணார்ப்பணம்🙏🏾
சர்வம் ஸ்ரீ கிருஷ்ணார்ப்பணம்🙏🏾
• • •
Missing some Tweet in this thread? You can try to
force a refresh
