Thread by @dpranav88

आधुनिक भारतीय मध्यम वर्गीय स्त्रीवाद हा स्वैराचाराला डोक्यावर घेऊन नाचतो. यात दहा-बारा लफडी करणे, घरी कधीही येणे, व्यसनं करणे (कारण पुरुष करतात), कुणाचंही नियंत्रण नको असा काहीसा अर्थ आजच्या पिढीत दिसत आहे.
#Feminism #Culture #Values #Bharat #Hindu #Hinditva #Samskar #Sanskriti

पुरुषांच्या पिढ्यांपिढ्या लढाया करून, पैसे कमवून दमल्या, खपल्या खरं आजवर कुठल्याही पुरुषानं स्वतःला मी आत्मनिर्भर, स्वतंत्र म्हणजेच आजच्या भाषेत इंडिपेनडंट मॅन असल्याचं म्हटलेलं कुठं पाहिलं नाही. स्त्रियांच्या बाबतीत हे मला बऱ्याचवेळा आढळलं.

पुरुष धुतल्या तांदळाइतके स्वच्छ असतात असा माझा दावा नाही. तरी मी माझं वैयक्तिक इतकंच सांगू शकतो की मी स्वतःला धुतलं तर मी तांदळासारखा स्वच्छ होईन इतकी माझी पातळी नक्कीच आहे.🤣असो तो मुद्दा नाही आहे. पण मला कुणी विचारलं तर भारतीय स्त्रीवादाला सुधा मूर्ती सारख्या स्त्रीचा आदर्श

घ्यायला हवा असं वाटतं.

पुरुषांनीही त्यांच्याकडून घेण्यासारखंच आहे. पण आज फक्त स्त्रीवाद म्हणजेच भारतीय फेमिनिझम वर बोलायचं आहे म्हणून.

साधी राहणी आणि उच्च विचारसरणी हे आपण फक्त म्हणतो, पण सुधा मूर्तींच्या आचरणात ते दिसतं. इतक्या पैश्याची मालकीण असूनही कुठंही बडेजाव नाही.

आपली संस्कृती टिकवून, पैसे कमवून, आपल्या बुद्धीचं दर्शन पूर्ण जगाला दाखवून स्त्रीला पुरुषाहून अधिक यशस्वी होता येतं याचं त्या उदाहरण आहेत.

नारायण मूर्तीचं भाषण वगैरे तितकं कधी पाहण्यात आलं नाही पण सुधा मूर्ती जेव्हा बोलतात त्यावेळी ऐकत राहावंसं वाटतंय. आपल्या घरातली आजी जेव्हा

काही सांगत असते तेव्हा नातवंडं कशी गोळा होऊन ऐकतात, तसं काहीसं त्या बोलतात तेव्हा वाटतं.
स्वामी विवेकानंदांच्या बद्दल एक कथा आहे त्यांना कुणीतरी त्यांच्या कपड्यांवरून काहीतरी बोललं, त्यावेळी ते म्हणाले होते की "तुमच्या देशात (पश्चिमेत) कपड्यांवरून चारित्र्य ठरते, आमच्या देशात

विचारांवरून (अर्थातच कृती अपेक्षित आहे) !"

ही कथा खरी आहे काय माहिती नाही, कारण मी स्वामीजींचं चरित्र वाचलं त्यात असं वाचलं नाही. पण हे इतर कुणी बोललं असेल तरी हीच आपली ओळख आहे. म्हणूनच आज मोदी इतके लोकप्रिय आहेत.

कंगणा, रिया, सुशांत इत्यादी लोकांची थोबाडं, कपडे कितीही

आकर्षक असले तरी आजचा स्त्रीवाद आणि एकूणच तरुण पिढीचे ते आदर्श असू नयेत.

"माझं आयुष्य माझे नियम." हे भारतीय संस्कृतीस धरून नाही. कुटुंबव्यवस्था हा भारतीय संस्कृतीचा एक सशक्त पाया आहे. स्त्रीनं घरात राहावं असा आजचा काळ नाही, तरी स्त्रीनं बाहेर आल्यावर कुणाच्या पावलावर पाऊल टाकावं

हा आजच्या कायद्यानुसार वैयक्तिक मुद्दा असला तरी सुधा मूर्ती आणि त्यांच्यासारख्या स्त्रियांना पहा असा माझा सल्ला (सक्ती नाही) आहे. किमान पालकांनी तसं बाळकडू पाजायला हवं. (मुलगा, मुलगी दोघांना)

रिया, कंगणा, इत्यादी मध्ये झगमगाट आहे, खरं अंत काय आहे हे मी सांगायला नको.

सुधा मूर्ती आणि इत्यादी मध्ये यश आहे, नेतृत्वक्षमता आहे, इतरांकडून मिळणारा आदर आहे, मांगल्य आहे.

जैसे ज्याचे कर्म तैसे फळ देतो ईश्वर!

(पुरुष कसे वाईट आहेत स्त्रियांना कशी बंदी असते वगैरे मुद्द्यांवर वाद घातल्यास दुर्लक्ष केले जाईल. पुरूष चुकीचं वागत नाहीत असा आमचा दावा नाही.

त्यांनी कुणाचा आदर्श घ्यावा वगैरे काही दुरुस्ती किंवा आंग्ल भाषेत कन्स्ट्रक्टीव क्रिटीसिझम करणार असाल तर स्वागत आहे.)

- प्रणव देशपांडे

unroll @threadreaderapp