Thread by @scanman

படங்களில் இருக்கும் இரண்டு உரையாடல்களை வைத்துப் பேசறேன்.

எழுதத் தொடங்கினப்புறம் ரொம்ப நீளமாயிருச்சு விருப்பமிருந்தா படிங்க. 😄🙏🏽

இது எல்லோருக்கும் பொருந்தும்ன்னு சொல்லலை, ஆனா அண்ணன்மார் @AmmU_MaanU @akaasi மற்றும் என்னைப் போன்ற படித்த நகர்ப்புற பெற்றோருக்கும் @Rasanai போன்ற வெளிநாட்டில் வசிக்கும் வசதியான இந்திய பெற்றோருக்கும் கண்டிப்பாகப் பொருந்தும்.

பொறுப்பான இந்தியப் பெற்றோர்ன்னா பிள்ளைகளை எப்பாடு பட்டாவது நல்லா படிக்க வைக்கணும் டாக்டர் / என்ஜினீயர் ஆக்கிடணும்ங்கற மனப்பான்மையோடவே வளர்ந்துட்டோம். இந்த ரெண்டு துறை இல்லாட்டியும் குறைந்தபட்சம் நல்ல வேலைவாய்ப்பு கிடைக்கும் அளவுக்கு படிக்கவைக்க பாடுபடுவோம்.

நம்மளையும் குற்றம் சொல்ல முடியாது நம்ம பெற்றோர் நம்மளையெல்லாம் வளர்த்தது அப்படி.

ஆனா இந்தக் காலத்திலும் அதே மனநிலையோடு இருக்கறது எனக்கு சரியாப்படலை.

இந்த உரையாடல்களில் உள்ள எங்களைப் போன்ற வசதிவாய்புகள் படைத்த பெற்றோர்களாவது குழந்தைகளின் விருப்பங்களைத் தெரிந்து கொண்டு அந்த விருப்பத்திற்கு ஏற்ற படிப்பைக் கொடுக்க முயல வேண்டும்.

சொந்த அனுபவத்தில் இந்த எண்ணம் எனக்கு இன்னும் வலுவடைந்திருக்கிறது.

எங்கள் மகளிடம் நீ மருத்துவம்தான் படிக்கவேண்டும் என்று நானோ மருத்துவரானோ என் மனைவியோ ஒருநாளும் சொன்னதில்லை.

விருப்பப் பட்டதை படி என்றுதான் சொல்லிக் கொண்டிருந்தோம்.

ஆனால் 12ம் வகுப்பு வரை அறிவியல் பாடம் கற்கவேண்டும் என்று ஒரே ஒரு கட்டுப்பாடு விதித்திருந்தேன்.

அறிவியல் உயர்நிலைப் பள்ளிக் கல்வி கற்றுவிட்டால் அதற்குப் பின் வாழ்வில் எதைவேண்டுமானாலும் செய்துவிடலாம் என்று
அதென்னவோ எனக்கு அப்படி ஒரு நம்பிக்கை இருந்தது.

CBSE 10ம் வகுப்பு பொதுத் தேர்வில் 9.8 CGPA எடுத்திருந்த மாணவி 11ம் வகுப்பு அறிவியல் பாடங்களில் முதல் மாதத்திலிருந்தே சிரமப்படத் தொடங்கினாள்.

சில பாடங்களுக்கு மாலை வேலைகளில் தனிப்பயிற்சி எடுக்கவேண்டி வந்தது.

நம்மூர் பள்ளிகள் 11ம் 12ம் வகுப்புகளை எப்படி நடத்துகிறார்கள் என்று சொல்லித்தான் தெரிந்துகொள்ளவேண்டுமா?

வாரநாட்கள் எல்லாம் பாடங்களும் தேர்வுகளும் சனி ஞாயிறு முழுக்க NEET, IIT-JEE நுழைவுத் தேர்வுகளுக்கான பயிற்சி வகுப்புகள் என்று ஒரு நாள் விடாமல் தொடர் வதை தான்.

இரண்டாவது மாதத்திலிருந்தே என்னால் chemistry, physics புரிந்து கொள்ளவே முடியவில்லை என்று சொல்லத் தொடங்கிவிட்டாள்.

வாரந்தோறும் நடத்தப்படும் தேர்வுகளில் அவள் எடுத்த மதிப்பெண்களும் அதை வெட்ட வெளிச்சமாக்கின.

முன்பெல்லாம் மகிழ்ச்சியாக இருந்தவள் இப்பொது எதிலும் ஆர்வம் காட்டாமல் எந்நேரமும் சோர்ந்து போய் இருந்தாள்.

11ம் வகுப்பு தொடங்கி ஆறு மாதங்கள் கழித்து ஒரு நாள் திடீரென்று, “இனிமேல் என்னால் பள்ளிக்குப் போக முடியாது, இந்தப் பாடங்களைப் படிக்க முடியாது,” என்று சொல்லிவிட்டாள்!!

அதிர்ந்து போனோம்!!

அடுத்த ஓரிரு நாட்கள் என்ன செய்வது என்றே தெரியவில்லை!

அவளோ மிகத்தெளிவாக இருந்தாள்.

இனிமேல் என்னால் chemistry, physics படிக்க முடியாது. Maths, biology படிக்கறேன். வேற history, economics மாதிரி ஏதாச்சும் வேணா படிக்கறேன்னு சொல்லிட்டா.

இந்த மாதிரி கலவை பாடத்திட்டமெல்லாம் நம்மூர் பள்ளிகளில் எதிர்பார்க்க முடியுமா?!

2 வாரம் அலைஞ்சு திரிஞ்சு NIOS (தேசிய திறந்தநிலைப் பள்ளி நிறுவனம்) மாதிரி திட்டம்ங்கமெல்லாம் விசாரித்து கடைசியில் ஒரு மாதம் கழித்து கேம்பிரிட்ஜ் IGCSE பாடத்திட்டம் உள்ள ஒரு பள்ளியில் கொண்டு சேர்த்தோம்

11ம் வகுப்பை மீண்டும் ஒரு முறை படிக்க வேண்டி வந்தது.

இந்த ஒரு மாத காலத்தில் சில online aptitude tests எடுத்துப் பார்க்கச் செய்த்தோம் அப்புறம் எங்கள் நண்பர் ஒருவரிடம் counselling அழைத்துச் சென்றோம்.

அவர் கற்றல் திறக்குறைவுள்ள (learning disability) குழந்தைகளுக்கு பள்ளி நடத்துகிறார். துறையில் சிறந்த வல்லுநர். Professional aptitude test செய்து இவளுக்கு இயல்பாக arts subjects தான் பிடிக்குது, அதையே படிக்க விடுங்க, கட்டாயப்படுத்தி science படிக்கவெச்சிருக்கக்கூடாதுன்னு சொல்லிட்டார்

11, 12 அவளுக்கு பிடிச்ச பாடங்களை படிச்சு நல்ல மதிப்பெண்கள் பெற்று இப்ப கல்லூரியில் liberal arts சேர்ந்தாச்சு.



எங்க வீட்டுக் கதை நல்லவேளையா நல்லவிதமா முடிஞ்சது ஆனா என்னோட நண்பர் – அந்த learning disability வல்லுநர் – சொன்ன பல கதைகள் கேக்கவே பாவமா இருந்துச்சு.

அவரிடம் இப்படி பிள்ளைகள் உயர்நிலைப் பள்ளிக் கல்வி கற்க முடியாமலோ இல்லை அவர்கள் விருப்பத்திற்கு மாறான படங்களை படிப்பதால் மன உளைச்சல் ஏற்பட்டு வருவதையே பார்ப்பதாகச் சொன்னார்.

மேலும் மருத்துவ பொறியியற் கல்லூரிகளில் சேர்ந்த பின் படிக்க முடியாமல் கஷ்ட்டப்படும் மாணவர்கள் counselling வருவதாகவும் சொன்னார்.

அதற்கு அவர் கூறும் முக்கிய காரணம் அவர்கள் விருப்பத்திற்கு மாறாக, பெற்றோர்கள் கட்டாயப்படுத்தி சேர்த்தியிருப்பார்கள் என்று.

முன்னரே நான் சொன்னது இதைத்தான். வசதி வாய்ப்பு இருக்கும் பெற்றோராவது அவர்கள் குழந்தைகளிடம் என்ன மேற்படிப்பு படிக்க விரும்புகிறார்கள் என்றெல்லாம் கேட்க்க வேண்டும்.

அண்ணன் @AmmU_MaanU சொன்னது போல குழந்தைகளுக்கு போதிய முதிர்ச்சி இருக்காது.

நாம் முயன்று career guidance counselling வாய்ப்புகளை ஏற்படுத்திக் கொடுக்க வேண்டும்.

அவர்கள் இயல்திறனிற்கு ஏற்ற படிப்பினை வழங்க முயல வேண்டும். <end>

@AmmU_MaanU பலர் இந்த இழையைப் பார்ப்பதால் என் நண்பர் Dr. Senthil Kumar PhD கற்றல் திறக்குறைவுள்ள குழந்தைகளுக்கான பள்ளியின் வலைத்தள முகவரியை இங்கே பதிவிடுகிறேன். தேவைப்பட்டால் பயன்படுத்திக்கொள்ளுங்கள். அவரிடம் ஆலோசனை வேண்டும் என்றால் என் பெயரைச் சொல்லிக் கேட்க்கலாம். helikxopenschool.org