Katatapos lang mag-rounds sa PGH ngayong umaga. Gaya ng inaasahan, pare-pareho ang hinaing: kulang sa staff, gustong pumasok pero walang masakyan. Charity wards, private wards, OR, ER, ICU. Ganito po ang nangyayari kapag “When in doubt, no....” at “LGU na ang bahala.” #COVID19PH 
May 2 ER nurse, #FrontlinersPH galing night shift. Naglakad mula PGH hanggang Baclaran, pauwi sana ng Cavite. Pero walang masakyan sa Baclaran kaya naglakad na lang pabalik ng Pedro Gil. Nakiusap sa mga pulis, ang sagot, “PGH dapat ang mag-ayos niyan.”
May nagbayad ng 500 pesos para lang makapag-taxi. May mga ihinatid ng mga asawa/anak, pero hindi alam kung paano sila uuwi mamaya. Palulusutin ba ang sundo kung walang ID? Yun ay, kung may papalit sa kanila para sa PM shift at night shift.
Gumagawa na ng paraan. Nag-aayos ng mga bus. Naghahanap ng mga dorm. PGH na ito ha? Paano pa ang iba? Bawat araw na walang malinaw na plano, tayong lahat ang talo. Paano pa pag dumami lalo ang #COVID19PH? Burnout at pagkakasakit ng health care workers ang kahihinatnan.
